¹ Dina lulosa mambi mawonso, luvunu lua wonso, disu kunsi a lukaya, mpuila ye vovelanga kaka mambi ma bantu. ² Bonso bana ba n'sedia, lukala ye nsatu a kimvumina kia kimpeve kina kia velela mpasi vo lua kudila mu yani muna mpulusu, ³ vo lua yelekele vo mfumu wuna wa mbote. ⁴ Luiza kua yuna wuna tadi dia moyo walosua kua bantu, kansi wasolua kua Nzambi ye wuna wantalu kua yani. ⁵ Yi mpila mosi, luna bonso matadi mamoyo malongolo mu kituka nzo ya kimpeve, kidi bakala kin'longo qui vananga n'kayilu wa kimpeve wutonakane kua Yave mu nzila ya yesu-Klisto. ⁶ Ebu ma sonukua matele : " Tala, ntudidi kuna siyona tadi dia songoka dia konko, dia solua ye dia ntalu. Konso yuna kun'kuila kalalendi muesua nsoni ko." ⁷ Dina, luzitu luna kua beno lukuikidi. Kansi " tadi diodio dia losua kua n'tungi, yi diodio diakituka dia ngudi kuna konko." ⁸ Ye, " tadi dia n'tesua masakuba ye tadi dia ngitukulu'ambi." Babuanga, bakolamenanga mambu ma Nzambi, kadi yi mu momo bafidilua. ⁹ Kansi beno, luna kanda diasolua, dina n'kayilu wa kimfumu, nsi ya velela, n'kangu wuvuilu kua Nzambi, mpasi lua longa mambu ma mbote ma ndondo wakulu bokela ku tombe mu kuenda ku kia kuandi kua masivi. ¹⁰ Mu ntangu yiviokele ka luakele kanda ko, kansi wuwu luna n'kangu a Nzambi. Ka luatambula n'lemvo ko, kansi wuwu luatambudi n'levo. ¹¹ Wakiazolua, ngita ku siamisa bonso nzenza ye n'kangadi mu kikanikina mu nzinunu za n'suni zinuanisanga muela aku. ¹² Kala ye ndiatulu ya mbote va kati kua bapakanu mpasi vo, vo beka vova mu kuma kia mambi maku, balenda mona salu biaku biambote ye sanisina Nzambi mu lumbu kia ngizulu ani. ¹³ Lutumena konso kimfumu kia kimuntu mu kuma kia Mfumu, lutumama kua n'tinu bonso mfumfu a zimfumu, ¹⁴ ye kua zimfumu zifiluanga mubela n'vangi mia mambi ye nkembesa n'vangi mia mambote. ¹⁵ Kadi yi luzolo lua Nzambi vo mu m'vangulu a mambote, lua diatikisa mpova zakondua songa za mazoba. ¹⁶ Bonso bantu bena kimpuanza, bika kimpuanza kieno ka kikadi suaminu dia bantu bambi ko, kansi lukala bonso bisadi bia Nzambi. ¹⁷ Luzitisa bantu bawonso, zola kimpangi, luzitiza Nzambi, luzitisa min'tinu. ¹⁸ Bisadi, lutumamena mfumu zeno mu luzitu lua wonso, lukala ku nsi a wisa ka kia zimfumu zeno za mbote ye zina ye ngeba kaka ko, kansi mpe ye kua zina zina zambi. ¹⁹ Kadi dina dia kiese vo muntu wuta tovoka ye mpasi, ye kondua nungisua mu kuma kia luzo luani kua Nzambi. ²⁰ Kadi nkia luzitu luna mu baka tumbu mu diambu dia ndatinu a masumue? Kansi vo mambote sadidi ye wuta mona mpasi mu diambu dia tumbu kina bakidi, dina dia kiese va luse lua Nzambi. ²¹ Kadi yi mudiodio luabokelelua, kadi Yesu mpe wamona mpasi mukuma kieno. Waluvana mbandu mpasi vo lua landa n'sinsa ani. ²² Kavola kana sumu ko, luvunu kalua moneka kutu mu nua ani ko. ²³ Kiokio ka kala fingua, kavutula kana fingu kimosi ko. kikio kakala mona mpasi, kanuanisa muntu ko, kansi wakivana kua ndondo sambisanga muludi kia wonso. ²⁴ wanata masumu meno mu nitu ya yani kibeni vana n'ti, mpasi vo katu bue diaka mu masumu ko ye zingila mu lunwungu. Mu mpasi zani lua sasulua. ²⁵ Beno bawonso luakala minyungani bonso mameme mavila. Kansi wuwu luavutukidi kua n'tuedi ye n'lundi a miela mieno.