¹ Ba kuun,munda tsu li so lin le ya mfum a bis Yesu Klistu mu iya fudu,ani ko ya bwaan bad bo baso mbel mo andi nde,me li bwene ne: ² Bini li kaan iluun mantiemen ma maghan-maghan,li kaan si ibad buum kid ba liel ne tsu le Mfum Yesu ya li twe. Mud mu mo a tiemen ne nde akel mbikudi,ikio kin nde a liel kobun. ³ Nto isi nki mud a li fhud we. Munda tsu li kwi mu i bwa kid ne bad ba mu mee we Nziem mu mbal ye nsuk,kid ne mfum wu mu bi ayi tshu we, mud wun a kwad kwe imakul. ⁴ Mud mubi wun akal mbeen wo bilo bio biso be sama bad andi mbeen wo bilo bibi Nziem,nde le mo ne,me wu ndwid bilo bio biso.Me ngako nkel Nziem. ⁵ Bini li ya yibi we ne me bo li liel manda man tel akele me iko andi bini? ⁶ Kobun bini li yab ne kel andi ilo imo ikel mu ikas nzil ku kel mud mubi mu iya tshu tel li; nde aya tshu mu tel lin le mu si Nziem. ⁷ Ngol ye insi-nswi ke manda ma bi ibe isal sa fa ntam,si manda ma ma bwa kid ne mud wun wo kasa nzil kyi ⁸ Mu tel lo lin,mud mu bi le ya tshu,si mfum Yesu a mu ful mufeel nde le fhi. Mu ifudu ke ya fudu Yesu,andi likum li nde li dus mud mubi wun imakul. ⁹ Mud mubi aya mu ngol ye Satana,kobun nde akid manda ma liyituk ma ifa andi ifa ani ma bi mpal. ¹⁰ Nde aselel manda ma bi ma ifa andi ifa ifhud bad ban baba adjimin nzil.Ba mi mini munda ba kisi we abwu ibini kin ki kwi mu iku ba gulus,ba izwel we. ¹¹ Ikio kin Nziem aba tum ngol mo ye ma mpia munda iku ba suu mu ikisi manda ma ma mpia. ¹² Ikobun bad bo baso baba kal ne ba kisi we manda ma ibini si zwel manda ma bi,Nziem aba wa ndol. ¹³ Ba kuun ba bis ban ba zolo mfum Yesu,tel lo liso bis li feen mu iwa Nziem matond munda bini. Munda Nziem ali pwen mu ikal bad ba iso mu iguluk mu ngol ye mpev a santu,yin ye li fidil bini bad ba Nziem munda likwikil li bini le manda ma ibini. ¹⁴ Nziem ali yemen mu iguluk tel li liliel bini nsia ye mbwed,mu iwol ndaam a bini ye likum,mu likum le Mfum a bis Yesu Klistu. ¹⁵ Ikio kin ba kuun,li kal ngol,li shim ku ibwed manda man ma li li lweng bini ku munwa to mu mikaan. ¹⁶ Tel li mfum a bis Yesu Klistu nde ngako,ani Nziem Tad a bis wo li zwel,wo li wi mu lizol li nde ani inkes ke mvul ani mvul ani likwikil li bwed. ¹⁷ Li wol inkes mu ma mbwun ma bini ani ikas mbwun mu bisal bi bwed bio biso ani mu nda ye mbwed.