¹ Me Pol,Silas andi Tumthee,li swen mukaan wu ku kel bini bad ba dibund le Tesalonic, bini ba likel bad ba Tad a bis Nziem ani ba mfum Yesu Klistu. ² Tad Nziem ani mfum Yesu Klistu a li tal mu dis li bwed ani iku li wa ngemb. ³ Ba kuun,tel lo liso bis li wa matond ku kel Nziem munda bini. Ikel ku ibwed kobun,munda likwikil li bini liya ngol ani lizol lin lili bini Lili zolo bini ba kween lo si liya li fhun. ⁴ Ikio kin bini li bi sa munked a mibund ma Nziem. Munda bini li kasa mbwun,bini li kel mu na mu likwikil ansa bini li mon mpas ani ngieb a fhun. ⁵ Kobun iswe ne,isemes kin ke wemese Nziem bad ikel ke ibini. Munda bini li ku kuu mu ikod mu imfum i nde munda ma mpas mo maso ma li mono bini munda imfum iso kin. ⁶ Nziem a kid manda man mama kel ma ibini,nde aba wa mpas ku kel bad ban baba liwa bini mpas. ⁷ Kobun nde aki-kiele mpas ye bis ani mpas ye bini bad ban baba mono mpas. Nde ayi kid tel aya mfum Yesu wo fa ku yul mu iya ghan ani ba wanzio ba nde ba ngol. ⁸ Mu nked mbaa yin ye lime ngol, munda mu iwa ndol ku kel bad ban baba adjimin Nziem,baba wun zolo mu iluun nsia mbwed ye mfum a bis Yesu. ⁹ Ndol ba wol bo ikel lifhu le mvul andi mvul; Ba kal we si mu nkwa Yesu to mu nkwa ngol ye likum li nde. ¹⁰ Tel aya nde mu tsu lin munda iwol likum ku kel bad ba nde ani ku kel bad ban baba kel andi likwikil. Bini si likal mbel mo andi bo,munda bini ake li kisi nsia yi li liliel bini. ¹¹ Ikio kin, kons tel bis li sama Nzieme munda bini. Bis li luumo ku Nziem a bis ne nde a li kidil bad ba mo ba bwed munda izing mu lizing lin le pwen nde munda bini. Nzieme,mu ngol a nde,a kwisi manda ma bwed man ma lizolo bini mu isal.A kwisi si manda man ma li sala mu likwikil li bini. ¹² Iko bun bini liku-kumis nkwum ye mfum a bis Yesu, kobun nde si le li wa likum. Mio mi mio miso munda mukol mu bwed wo Nziem a bis ani wo nde ngako mfum Yesu Klistu.