¹ Mu manda ma tel ivus bilo mu nkwum ye basantu, bini si likid bun bo liswi me mu manzo ma nziem ma Galat. ² Kons mud mu nked a bini,mu tsu le iso li mpos asa mu liwuu ku nzo nde kin ke zwi nde bun bo kel likan li nde, mu mpil ne ba ka zeel tel aya to me munda iwol makab ma Nziem. ³ Si tel aya me, me atum ani mikaan munda mu iku nutisil mu bihumbu ku Yeluzalem, bad ban ba li mon bini iko. ⁴ Kid ighee ne me nkwi mu ikwe, bad ban ba kwe nzil mo andi me. ⁵ Me akwe ku nzo nze tel asaba me nzel wo macedwan, munda me asi-saba nzel a macedwan. ⁶ Tel lili mo, me a laal matsu ku kel nze mu nkwa bini to me akal si ti mu issu, mu mpil ne bini liku nzi-nzyid ti kun ko kwe me. ⁷ Me nzwel we mbal yi mu iku Limon ne me ndud, si me mbenz ne me akal mwan matsu mu nkwa bini,kid ne mfum wi nzil. ⁸ Me akal tel lili mo ku Ephez tii mu Pentecot. ⁹ Munda mwil a munen wo kodo bad ba fhun,ba mfyele nde, ba mbeen ba me si ba kel ba fhun. ¹⁰ Kid ne Tumthee yi to, li sal ne mu nked a bini li mubada, munda nde asala bun bo sala me mu isal ke Mfum. ¹¹ Nto mud mumo aka muniokol. Li ku mudjid mu ngemb mu mpil ne nde aya ku nkel me munda me nkel mu iku mudzeel andi ba kuun. ¹² Mama tel mu manda ma mukuun Appolos, me amu bwene ifhun mu ikwe ko kel bini andi ba kuun, ikele we ne mu lizol li nde mu ikid kobun tel li. ¹³ Li ka laal, li kal ngol mu likwikil, li kal ba baal, li bi shim ngol. ¹⁴ Bio biso bi likid bini, li ibikid andi lizol. ¹⁵ Me bud li luum ilo inkim ko kel bini, ba kuun, bini li yeb ne dum le Staphanas li kel le iso mu kaan le Achayi, ba biwi ngol mu bisal be ba santu. ¹⁶ Li kala si ifa imo amon ne bad baso ban, andi bo baso baba sala isal iso kin. ¹⁷ Me akala mu isse mu ikin Stephanas,wo bila bi Foltunatus ani Achayicus, baba mwen mpas lili kwine bini. ¹⁸ Munda bo baba lemen mpud ye me andi ye bini. Li yaba mpe mu iwa bad ba kobun likum. ¹⁹ Ma nzo ma Nziem ma Azi ma liwi mbwed, Akuillas ani Plicille ani nzo nziem yi ikel mu nzo bo,ba liwi ma mbwed ma fhun mu nkwum a Yesu. ²⁰ Ba kuun bo baso ba liwi mbwed. Li biwa mbwed ye munwa yi bu santu ibini-ibini. ²¹ Me Pol, nswen bio bi mu makuu ma me ngako. ²² Kid ne mud wun amuzolo we Nzieme, akwe ku bilungi! Mfum a bis aya! ²³ Lisakumun le mfum a bis Yesu Klistu likal andi bini. ²⁴ Lizol li me likal andi bine baso mu mfum Yesu Klistu.Ame.