¹ Pol,wun wo yemen Klistu Jesu mu iya kal ntum mu lizol li nziem ani mukuun a bis Sosthene. ² Mu nzo-nziem ye bad ba Colinto,ban ba sakumun mfum Yesu ba yemen nde mu ikal ba santu,ani ban bo baso baba yemene nkwum ye mfum Yesu Klistu mu ma mbel mo maso. ³ Ngemb ye mfum nziem ani pii li nde Li kal ani bini. ⁴ Me awa tel lo liso,lizol ku kel nziem a me,itsin lizol le Klistu Yesu le liwi nde. ⁵ Nde ali sakumun mu bilo bio biso,mu imo ani mu iyab. ⁶ Nde ali sakumun bun bo ti Yesu imbang mu iyukan mu masong mo maso mu nzil ye bini. ⁷ Itsin kio kin bini li wun zwa makab ma nziem,bun bu lizele bini mu ngol yo iso iyato ke mfum a bis Yesu Klistu. ⁸ Nde ali wa ngol ti ku nsuk.Ikobun bini likal baba win yab nda mo mutsu le isemes. ⁹ Nziem akel wo mud nde muso,nde wo liyemen mu ikal mu mamvu ani mfum a bis Yesu Klistu. ¹⁰ Me nkel mu ikunuwa bini inkes tel li bakuun ba bakad ani ba ba baal,mu nkwum ye mfum a bis Yesu Cklistumwun Wu likisi bini bo baso,nenika kal ani ikabwan mu nked a bini.Me litwim ne likal mamvu mu lizol lolin limo,ani mantiemen mo man ma mo. ¹¹ Munda me bo ywi ko kel bad ba Chloe ne ikel ani mantiemen mu nked a bini. ¹² Tel li me nzwel ikumis bu:Ku kel ban baba mo ne,me nkel ani Pol,to me nkel ani Apollos,to ne me nkel ani Cephas,to ne me nkel ani Cklistu. ¹³ Iswe ne Cklistu ba mu keb? Pol,ba musi ya nghe nkulunsi itsin bini? Bini ba libwetik mu nkwum a Polo? ¹⁴ Me awa matond ko kel nziem ne,me abwetik we nto mud mumo mu nked a bini,na Clispus bwun ani Gaius. ¹⁵ Mu mpil ne nto mud mumo amo we ne ba libwetik mu nkwum a me. ¹⁶ (Me bo bwetik sikaan lo liso le Stephan.Ku ngwel a mio min,minkim me nzieb we mu ibotik bad ba nkim.) ¹⁷ Munda Klistu a ntwim we mu ibotik,si mu ilong nsia-mbwed,si kid we ne mu maken ma bad,mu mpil ne nkulunsi ye Klistu ika wol inta inde i mpu. ¹⁸ Mu ban baba fha nsia ye nkulunsi ikel lel ku madis ma bo,si mu nked a bini,ban ba guluso nziem,yin ikel ngol a nziem. ¹⁹ Munda ba swen ne "Me aki-kiele maken mo maso ma bad ba mayel". Me asa maghan-maghan iyab kee bad ba mayel. ²⁰ Ande mud a maken? Ande mud wo longok? Ande mud a mangul mu ntod yi? Nziem akiele we make ma ntod yi mu ngol yo iso? ²¹ Safa le djimin bad ba ntod yi ku kel nziem mu maken ma bo,nziem a bi pwen mu itsid mu misam mimi taan ne mikel mibi ko kel bad ba nkim,ku kel ban baba kwikile ko kel nde. ²² Ba Yuda ba fwul bidim bi nkumbwa,ba Gelek ba sa maken. ²³ Si bis li loghon Klistu wu ba kwen ya nghe nkulunsi,mubal ko kel ba Yuda akel lel ku kel ba Gelek. ²⁴ Le akoyan mu ban ba yemen nziem,ba Yuda ani ba Gelek bis li longo ngol ani maken ma nzieme. ²⁵ Munda lel li nziem li lwid bad mu maken,yuun li nde Li lwid bad mu ngol. ²⁶ Bini baba yemen,li bi tala ku ibwed ba kad ani ba baal.Mu ital mu imud ikel we ani baba lwidil maken,ansa baba lwidil ngol,ansa baba lwidil imfum. ²⁷ Si nziem apwen bilo Bibi ngol Munda isa maghan-maghan bad bo baso ba maken. Nziem a pwen ilo iwin ngol mu maan ma munda isa maghan-maghan kin ke lwidil ngol. ²⁸ Nziem apwen ilo ke itshi andi ke inia-inia andi bilo bibi wine mfun munda idus bin bibi kel be ngol. ²⁹ Nde akid kobun munda ne nto mud mumo aka sa lileen ku nkul a nde. ³⁰ Itsin bilo be kid nziem,tel li bini li kel mu Yesu Klistu wun wo twe munda bini maken man mama fi ko kel nziem,ibini ke bis,bu santu bu bis,iloluk ke masum ma bis. ³¹ Kobun,bun bu ba swen ne:"wun wo bisuu,abisuu mu nkwum a nziem."