¹ Miŋ gbe ȡo kodjo nɔn wa va ȡo kodjo nɔn mio ȡo wo la va sɔ mia nyɔn wo asɔ ȡo kodjo nɔn mi ² ȡo agdan donu tsi yi mi sɔ dui lɔ yi wo la sɔ va dui nɔn miawo tsan ³ ŋde ŋtsi yi wo le ebe kpɔkɔ le nɔviwo yio nukuvidji yi ŋde kpɔ atsikpo tsi nɛ le tɔwo djio ⁴ Alo ŋde ŋtsi yi ola nu nɔn nɔviwo be ta chiɔn nɔn maȡé ébé lé nukuvi dji nɔn vɔ yi atshikpo le tɔwo dji ⁵ Ayiémɛ nuwatɔ ȡe atsikpo le tɔwo dji gbɔxue ava ȡé ébé lé nɔnviwo tɔ dji ⁶ miŋgbe sɔ enu kɔkuɛ sɔ na avuwo o, miŋgbe sɔ djenu miatɔ asɔ daȡo ehavio o gbo o. ⁷ Mi biɔ nɔn wa nan mi, mi dji nɛ mia kpɔ, mi xo ehun lɔ nɛ wa huin nɔn ⁸ mi ȡo amɛ siamɛ tsi yi biɔ lɔ xɔ nyi, amɛ tsi dji enu lɔ ela kpue , yi amɛ tsi yi xo ehɔn lɔ wo hɔun nɔn ni ⁹ Miadomɛ tɔ ŋde yi la sɔ ekpe sɔ nan ivie nɔn ebiɔ kpɔnɔn ¹⁰ Alo nɛ ebiɔ kpavi ȡe ela sɔ édan sɔ nyia ¹¹ Amɛ baȡa tsi mi nyi nɔn mi kpeŋtsi nannɔn enu nyi mia vio ȡe alo mitɔ tsi yi le dji po ŋda nan amɛ tsiwo yi biɔni wo lo ¹² Nɔn ele nɛnɛ lɔ enu tsi yi mi la dji be amɛwo nɛ wa nɛ yewo lɔ mi wa nɔn wo tsan ȡo es kuȡo enyɔn nu daȡe anyi wo yi nyi ¹³ Mi to agbo vihue lɔ nu ȡo agbo gangan lɔ yi kplɔ amɛ wo sɔ yi ȡo trɔn trɔn mɛ yi amɛ sugbɔ wo le dji toɔ ¹⁴ ȡo agbovihue tsi yi hue lɔ yi nyi emɔn tsi kpɔ amɛ wo sɔ yi ȡo agbe mɛ ¹⁵ Mi kpɔ mi ȡekui dji le enyɔn nu daȡe vɔn wo ŋtsi wo yi va nɔn miagbɔ shigbe lɛngbɔviwo nɔnɔn xanɛmɛ, vɔ lɔ djanŋtawo yi wonyi ¹⁶ Mi la djeshi wo to wo ku sɛnsɛn wo mɛ alo wo la gbɛn vinku lɛ aŋankanwo djia? alo wo gben nɔn enu gbogbo wo ȡo ese texue a? ¹⁷ nɛnɛkɛ lɔ atsi tsi nyi sɛn nɔn eku nyi yi atsi baȡa sɛnɔn eku baȡa ¹⁸ Atsi nyi ŋda sɛn eku baȡao yi nɛnɛkɛ lɔ atsi baȡa ŋda sɛn eku nyi kpɔ gbéȡéo ¹⁹ Atsi nyi tsi nɛ ŋde sɛn nɔn eku nyio lɔ wo so ni asɔ do ezo mɛ ²⁰ Le ehɔun ŋtsi lɔ mi sɔ wo kusɛsɛ a sɔ do dje shiwo ²¹ ŋde amɛ shiamɛ tsi yi yɔŋbe axuetɔ yi la va djipo fiɔ ȡu xue mɛo, vɔlɔ amɛ tsi la wua mawu yo droɔ lɔ yi la va mawu yo fiɔ duɔ mɛ ²² Amɛ sugbɔ la to nu le azan lɔ gbe be axuetɔ axuetɔ alo ŋdenyi aho nyikɔ dji yi mi nu enyɔn daȡɛ le lɔ? nyi le axo nyikɔ me yi mi do bbeȡa leo yi mi sɔ nyian gbɔngbɔn vui wo le lo yi mi wua edɔ sugbɔ le lo? ²³ Nɛnɛ lɔ na to nɛ mi be nyinŋde djeshi mi kpɔ o edɔ madjɔ madjɔ woa tɔ wo mi djo le gbɔnyin ²⁴ yi ŋtsi lɔ &mɛsimɛ tsi sɛ enyɔn tsi nyin wo yi woa ȡo dji lɔ wo la sɔe sɔ sɔkudo ŋsu nyanu tsi yi tu yo xɔ ȡo ekpé gbadja lɔ dji lɔ ²⁵ Yi nɛ edji dja etɔ wo ȡɔ yi ayiawo xo tshan lɔ exɔlɔ ŋda muɔ ȡo wo dui gu ȡo ekpe dji ²⁶ Yi amɛ sia mɛ tsi nɛ la se enyɔn ts nyin vɔ ŋda wa ȡo djio lɔ na sɔe sɔ sɔ kudo nusu manyian nu tsi yi tu exɔ ȡo ekɔ gudju mɛ ²⁷ Yiŋtsi nɛ etɔ wo ȡɔ yi ayia wo xo yi edji wo dja lɔ eȡe nɔn ekɔ le gɔn mɛ ni yi emunɔn yi anyi dje dje yetɔ ȡinɔn gblooo ²⁸ Eva djɔ tsi yi yesu xonuxo tse wo vɔ lɔ agbɔn kpe amɛ lɔ wo le enyɔn yetɔ lɔ ŋtsi ²⁹ ȡolɔ ele enu fiaɔ kuȡo wo shigbe ŋsɛin tɔ nɛnɛn yi ŋde shi gbe woma fiatɔ wo nɛnɛno