1
Mi ŋgbe sɔ mio djɔdjɔenyinyi do amɛwo ŋku mɛ, kudo susu be wo akafu mi o. Nɛ mi le ewawɔ, mi ŋde agbe xɔ fɛntu so mia Tɔ tsi le djipo lɔ gbɔ o.
2
Yi ŋti nɛ e na nu amɛwo ɔ, ŋgbe nɔ kpɛn kuwɔ le ŋkɔ tɔwo sigbe letsi ayemɛnuwatɔwo wa ni le gbedoȡaxɔwo mɛ kudo emɔwo dji , kudo susu be amɛwo nɛ kafu yewo. Nyawo ŋ le nunu
wɔ nɔ mi mɔ wo xɔ fɛntu wotɔ xoxo.
3
Nɛ e na nu mɛȡe ɔ, alɔ emiɔ tɔ ŋgbe nya enu tsi alɔ ȡusi tɔ lɔ wa o.
4
Nɛ mi na nu le wawla mɛ ɔ , mia Tɔ tsi le djipo ɔ akpɔɛ , yi aȡo texwue nɔ mi.
5
Nɛ mi le gbedoȡa wawɔ, mi ŋgbe wa sigbe ayemɛnuwatɔwo o. Wo lɔnnɔn gbedodoȡa wawa anɔte le gbedoȡaxɔwo mɛ kudo emɔwo yo zogowo dji, nɛ amɛwo nɛ kpɔ yewo. Nyawo ŋ le nunuwɔ nɔ mi be : wo xɔ wo fetu lɔ xoxo.
6
Vɔa ewo ɔ, nɛ e le gbedoȡa wawɔ, yi exɔ tɔwo mɛ ,tu hɔn lɔ, do gbeȡa nɔ edawo tsi le wawla mɛ lɔ, akpɔɛ yi aȡo texwue nɔ wo.
7
Nɛ mi le gbedoȡa wawɔ, mi ŋgbe nɔ enyɔ ȡeka nuwɔ ze gbogbo ȡe sigbe trɔnsubɔlawo nɛnɛ o.Wo bunɔ be nɛ yewo le nyɔ sugbɔ nuwɔ yi Mawu ase gbedoȡa yewotɔ.
8
Yi ŋti lɔ , mi ŋgbe ȡi wo, nu tsi ŋti lɔ, mio Tɔ tsi le djipo lɔ nya ehian miatɔwo gbɔxwue mi ava nɔ wo biɔwɔ.
9
Ke miawo lɔ , leha mi ado gbeȡa ȡo ke: Mio Tɔ tsi le djipo, Axo nyikɔ ŋti nɛ kɔ.
10
Axo fiɔȡuxwue lɔ nɛ va. Wo awɔ djro tɔwo le nyigban dji sigbe leha wo wɔni le djipo nɛnɛ.
11
Na mi egbe lɔ ,ŋkeke tsɛ yo nuȡuȡu.
12
Sɔ nuvuin miatɔwo ke mi, sigbe letsi mio tsan mi sɔ kenɔn mɛ tsi wo yi djenɔn agɔ do miwo nɛnɛ.
13
Ŋgbe hɛn mi yi tetekpɔ mɛ o, vɔa ȡe mi le nuvuin watɔ lɔ shi mɛ .
Ðo ɔ, tɔwo yi nyi fiɔȡuȡu, ŋsɛn , kudo ŋtikɔkɔɛ sɔyi mavɔ mɛ.
14
Nɛ mi sɔ amɛwo yo agɔdjedje kewo lɔ, mio Tɔ tsi le djipo asɔ agɔdjedjewo ke miawo tsan .
15
Vɔa nɛ mi ŋde sɔ nu ke amɛwo o lɔ , mio Da tsan ŋda sɔ agɔdjedje miatɔ ake mi o.
16
Nɛ mi le nubabla wawɔ, mi ŋgbe nɔ ŋsisi mɛ sigbe lehan ayemɛnuwatɔwo wɔnɛ o. Wo wanɔ wo ŋmɛwo baȡa , asɔ ȡefiɔ amɛwo be yewo le nubabla wawɔ. Nyawo nanu nɔ mi be, wo xɔ fɛntu wotɔwo xoxo.
17
Vɔa ewo yɛ , nɛ e le nubabla wawɔ, , si parfɛn ȡo ta mɛ, ye nafun ŋmɛ,
18
nɛ wo ŋgbe ȡefiɔn meȡekpikpi , tovo nɔn Edawo tsi le afiwawla lɔ, be ye le nubabla wawɔ o. Eda wo tsi kpɔnɔn afi wawla lɔ atu fɛn nɔwo
19
Mi ŋgbe bɔ kesinɔnuwo ȡo agnigban dji , fitsi abaȡa kudo akaȡa gblenɔn nu le , yi fianfinɔnwo gbannɔn xɔ asɔ fin nu le o.
20
Vɔa, mi bɔ kesinɔnuwo ȡo djipo , fitsi abaȡa kudo akaȡa ŋde gblenɔn nu le o , yi fianfinɔnwo ŋde gbannɔn xɔ asɔ fin nu le o .
21
Ðo nuyi ŋti lɔ , fitsi kesinɔnu tɔwo lelɔ, xɔn lɔ ke edji tɔwo anɔn.
22
Ŋkuvi yi nyi gotu yo kalingbɛn . Nɛ ŋkuvi tɔwo le nyuiȡe ɔ , gotu tɔwo lɔ keŋkeŋ anɔn kɛnklɛn mɛ .
23
Vɔa nɛ ŋkuvi tɔwo ŋde le nyuiȡe o lɔ, gotu tɔwo lɔ keŋkeŋ anɔn viviti mɛ. Nɛ kɛnklɛn tsi le wo mɛ lɔ nyi viviti lɔ , viviti xɔn lɔ , asugbɔ glo .
24
Mɛ ȡekpikpi ŋda kpedji asumɔn axwutɔ amɛve o. Ðo nuyi ŋtsi lɔ , agbe wan gbɔ nɔn amɛ ȡeka yi alɔn amɛvegɔn lɔ, alo atɛȡo amɛȡeka ŋti yi wo adovlo mɛ vegɔn lɔ . Mi ŋda kpedji asumɔn Mawu kudo kesinɔnu ȡodu o .
25
Nutsɛ ŋti lɔ, mi ŋgbe kiyɛ nɔ agbe miatɔ be , ŋde yewo laȡu mɛ ; alo nɔ gbaza miatɔ be , awu ŋde yewo lado mɛ o . Agbe ŋde ŋde wugan enuȡuȡu lo, ye gbaza ŋde wugan awu lo ?
26
Mi kpɔ djipo xeviwo ȡa ! Wo ŋde donɔ nu o, wo ŋde ȡenɔn nu o . Wo ŋde xonɔnxu ŋdekpikpi ȡo avawomɛ o. vɔa Etɔ miatɔ tsi le djipo lɔ nyinɔn wo. Mi ŋde xɔ asi wu wo lo ?
27
Mɛ ŋde yi le mia domɛ , tsi to yo nuxaxawo dji lɔ , asɔ ŋkeke ȡeka akpe yo agbe lo ?
28
Ŋde ŋtsi mi akiyɛ nɔ awudodo ? Mi kpɔ le yi zogbenya sinnɔn le gbemɛ ȡa : o ŋde wa nɔ dɔ o , wo ŋde lɔnnɔn ka o .
29
Vɔa ŋ le nunuiwɔ na mi be , Salomɔn ŋtɔ , le yo ŋtikɔkoe blebu lɔ mɛ ɔ , wo ŋde do awu nɛ sigbe zogbenyawo domɛtɔ ȡekpikpi nɛnɛ o .
30
Nɛ Mawu aȡo atsɔ nɛnɛ nɔ egbe tsi le gbemɛ , yi wo asɔɛ daŋgbe ȡo zomɛ esɔ tsi gbɔnnɔn , ŋȡe ŋti ŋda ȡo atsɔ nɔ miwo wu lo, miwo, xɔse vitukuitɔwo ?
31
Nutsɛ ŋti lɔ , mi ŋgbe nuxawɔ anunuwɔ be : ŋde mi aȡu , ŋde mi anu , ŋde mi asɔ ȡo atsɔ lo .
32
Vodusɛntɔwo yi nɔnɔ nu xɔnwo djiwɔ. Etɔ miatɔ tsi le djipo ɔ , djesi ehian miatɔwo.
33
Mi dji Mawu fiɔȡuxwe lɔ , kudo yo djɔdjɔɛnyinyi tsutsugbɔn, yi enu tsiwo yi kpɔtɔ lɔ , wa sɔɛ adaȡo dji nɔ mi. Mi ŋgbe nɔ nuxawɔ so esɔ tsi gbɔnɔn nu o.
34
Ðo esɔ ŋtɔ alebu nɔ yi ȡeki. Kuxi sugbɔ le ŋkeke ȡekpikpi mɛ xoxo