¹ Yesu gbe le elo doɔ nɔn wo ke be ² djipo fiɔ ȡu xuea esɔ kuȡo efiɔ ȡe tsi yi le evie lɔ yo alɔ le dra ȡo daȡeɔ ³ Yi yi ȡɔ yo dɔsɔ vio be yo nɛ vɛ yɔ amɛ yyɔyɔ lɔ wo va ⁴ Efiiɔ lɔ gbe dɔ wo be woa yi tonɛ ame yɔyɔ lɔo be mi kpɔ ŋdra ŋdikinmin yo nuȡu enyi kuȡo egbɔ do amio yi hun wu ⁵ Vɔ mɛtse wo gbe vava uo djoyi gbemɛ minȡeo djo yi ashi mɛ miȡeo djo yi alɔ le xue ⁶ Amɛ kpetɛ lɔ wo le efiɔ yio dɔsɔvie wo yi viao kaka ewu mɛȡeo ⁷ Efiɔ lɔ bi dji yi iȡɔ yo axua watɔ wo ȡo ȡa yi wo wu amɛxɔn yi tɔxo wo dju ⁸ ke eto nɛ yo subɔ vie wo be azanȡunu wo sɔgbevɔ amɛ wo ŋdedje ⁹ ke mi yi emɔn tɔn kpli wo dji yi mia yɔ ame!ɛ tsi wo keŋkeŋ mi kpɔ lɔ wo va ¹⁰ Yi eȡɔ sɔvie wo yi va yi yɔ amɛ nyi kuȡo evui wo va yi alɔ lele yio xɔlɔ ȡɔ ¹¹ Vɔa tsi yi efiɔ lɔ ȡo exɔ lɔ mɛ yi le esa ȡiɔ ekpo ŋsu ȡe yi ŋde do zan ȡu wuɔlɔ ¹² Efiɔ biɔse be exlɔ lede wa yi o va fie yi ŋde azan wuoye? ŋsuɔ ŋde tinun ȡo ŋtsi nio ¹³ Ke efis lɔ to nɛ edɔsɔvɔ yetɔo be mi bla ŋsu tse yi mia sue sɔ daŋgbe ȡo esomɛ afitsi yi aȡukli ȡuȡu kuȡo vevesese wo le lɔ ¹⁴ Ðoa sugbɔ yi o yɔ vɔ viȡe yi wo sɔ ¹⁵ ɔ yi farishitɔwo yi wa ȡoȡo sɔ kuȡo letsi yi wo la tre lɔn nɛ yesu to yeŋtɔ wo nyɔ dji ¹⁶ Woȡo wo nu kplan vi wo kuȡo erodi tɔ wo ȡodu yi wo to nɔn yesu be tsitsa mi nyan be wo tonɔn nyio yi ogbe fia nɔn mawu yo nyɔn lɔ nyiwo mɛ yi ŋde zɔn nɔn ȡo amɛȡɛ yo nu kpɔkpɔ djio ¹⁷ yeŋtsilɔ tui nɔn mi [enyɔn be wa tu takue nɔ sesar alo o?) ¹⁸ Vɔa yesu se wo vɔnȡivɔnȡi nyinyi gɔnmɛ Yi to be ŋde ŋtsi yi le teteŋɔkpɔ ayemɛ nuwatɔwo ¹⁹ Mi sɔ takue ga ȡeka asɔ fiaŋ "yi wo sɔ fiɛ" ²⁰ Yesu to nɛ wo be mɛȡe yo nyjkɔ kuȡo foto yinyi tse le egalɔ dji ²¹ Yi wo be sesar yi yesu tonɛ wo be misɔ enu tsi yi sesar tɔ asɔnan sesar yi nu tsi yi mawu tɔ asɔ na maxu ²² Enyɔ lɔ kpatsawo yi wo ȡasi yidjo ²³ Gbexɔn bbe ke lɔ zadukitɔwo tsiwo ti to nɔn be mɛkukuwo yio fɔfɔn ŋde leo lɔ ²⁴ Le biɔbiɔ be tsi tsa mi se le mɔn mɔĩsi to nɛ mi be nɛ amɛȡe ku evi madjimadji lɔ noɔ vielɔ la ȡe nyɔnuɔ lɔ be nɛ evi tsi yi wo la dji lɔ anyi amɛ kukulɔ yo vi nɛ wasɔ ȡo djidji mɛ anyi nɛ yetsan ²⁵ Nɔnvi nɔn amadre le yi tutugbɔntɔ lɔ ȡenyɔnnu eku evi madji madji egbe nyɔnu lɔ daȡe nɔn nɔnvie evegɔnlɔ ²⁶ Yetsan ewa enu ȡeka lɔ etɔn gɔnlɔ tsan kakasɔyi amadre gɔn lɔ dji ²⁷ Le wo ku ŋgbedemɛ lɔɔ nyɔnnu lɔ tsan ku ²⁸ Fifie lɔ le mɛkuo yi fɔnfɔn gbe ȡe tɔ yi la nyi nyɔnnuɔ lɔ le wamadre lɔ me ȡo wo keŋ keŋ ȡe nyɔnnu lɔ kpɔ ²⁹ Vɔ yesu ȡoŋtsi ne wo be "mi le afin waɔ ȡoŋtsi lɔ mi ŋde le mawu tsan kuȡo mawu yo ŋsin lɔ gɔnmɛ seɔ" ³⁰ Ðoŋtsia le amɛ kukuwo gamɛ lɔ nusu alo nyɔnu ȡeȡe ŋde gbeleo mi la nɔn shi gbe mawu ȡɔlawo nɛkɛ ³¹ Vɔ sɔkuȡo amɛ kukuwo yo fɔn fɔn ŋtsi lɔ miŋ hlin enu tsi yi mawu to nɛ mi lo ³² Enyin yi nyi abraham yo mawu, isaki yo mawu, kuȡo jakɔbu tɔ? mawu ŋde nyi amɛ kukuwo yo mawu vɔ amɛ agbeagbe wo mawu ³³ Etsi yi amɛ wo se enyɔn tse lɔ enu fiafia lɔ kpatsa wo ³⁴ Etsi yi pharisitɔwo se be yesu doga enu nɔn zadukitɔwo to enu fiafia mɛ lɔ wo va yi gbɔ ³⁵ Wo domɛ tɔ ȡeka ese kplantɔ woga wa enyɔn biɔse ni kuȡo susu be ya tikpɔ ³⁶ Tsitsa ese ŋde yi nyi ese gangan le ese wo keŋkeŋ mɛ? ³⁷ Yesu ȡoŋtsi ni be wo la lɔn axuetɔ wo mawu so axɔ dji blibo kuȡo eklan tɔwo kuȡo susu ȡeȡe tɔwo mɛ keŋkeŋ ³⁸ Etse yi ni tutugbɔn kuȡo gangan tɔ le ese wo mɛ ³⁹ Gbe kpɔ etsi kplɔe do lɔ yi nyi be lɔn nɔvio shi gbe woŋtɔ ȡokio nɛnɛ ⁴⁰ Ese amɛve tse lɔ wo mɛ yi ese kpete kuȡo enyɔn to ȡo anyi tɔwo le ⁴¹ Etsi nɛ yi pharisi tɔwo bɔ lɔ yesu le wo biɔseɔ ⁴² Be"lede yi mi susu so yesu ŋtsi? mɛȡe yo vi yi nyi? wo ȡoŋtsi ni be 'davidi yo vi' ⁴³ Yesu ro nɔn wo be lede wa yi davidi exɔ gbɔn gbɔn eyɔ ni axuetɔ gatsimɛ yi to be ⁴⁴ Axuetɔ tonɔn axuetɔ tsi nyin be "axuetɔ nɔnanyi ȡo ahin nuȡushimɛ kaka ma sɔ axo ketɔwo sɔ wa afɔtutunu ⁴⁵ Nɛ nyi be davidi yɔnɔn christo be axuetɔ ȡe le de yi nyi evie lɔ ȡo? ⁴⁶ Amɛ ȡe ŋde tinŋ kpɔ ȡoŋtsio yi so ga xɔnmɛ lɔ wo ŋde tinŋ gbe biɔ ni enɔn seo