¹ Tsi Yesu kúdó yo nukplaviwó gógó yerusalem lɔ , wo va ȡó kɔxui tsi tɔ Betfaje, tsi gógó Amitó lɔ. ² Yesu tonɔ yo nukplavi amɛve be : Mi yi kɔxuí tsi do lixo kudo etsɛlɔ mɛ . Nɛ mi le hɔn lɔ, mi akpɔ esɔ kete enɔn ȡeka kudo yó ví tsi wó anɔn bablá mɛ . Mi ȡeka nɔwo , ákplɔ wo va núm . ³ Nɛ amɛȡe bíɔ mi mɔ ŋȡéŋtí lɔ , mi nuni bé: Axuetɔ lɔ hian wó , ke aȡasí wó nɛ wó ava. ⁴ Enu tsɛ lɔ va emɛ nɔ enyɔ tsi nyagblɔnȡɛtɔ lɔ gblɔnlɔ wo ava emɛ , tsi nyí be : ⁵ " Mi tonɔn Ziɔn nyɔnuvilɔ be : Efiɔ tɔwo gbɔkɔ gbɔwo kudo bɔbɔɛnyinyi ; E nɔn anyi ȡo esɔkete dji , esɔkete yo vi dji, Elan tsi wo sɔ kɔnɔn agban yo vi. " ⁶ Nukplavilɔwo djoyi wɔ sigbe lehan Yesu tonon wo nɛnɛ. ⁷ Wo kplɔ esɔkete lɔ kudo yo vi lɔ va, wo sɔ awu wotɔwo daȡo wo dji , ye wo kɔ Yesu ȡo wo dji . ⁸ Amɛ gbogbotɔwo le ahuakɔn lɔ mɛ sɔ awu wotɔwo daȡo emɔ lɔ dji , ye amɛbuwo so atiwo yo alɔzɛnwo , ye wo ȡo wo ȡo .emɔ lɔ dji. ⁹ Mɛtsiwo le yo ŋkɔgbe kudo mɛtsiwo dje yi yomɛ lɔwo le axua dowɔ, le nunuwɔ be : " Hosana nɔ David vilɔ ! Yayratɔ yi nyi metsi gbɔna le Axuetɔ lɔ yo nyikɔ mɛ, Hosana le djipo ! " . ¹⁰ Tsi Yesu ȡo Yerusalem yo du lɔ mɛ lɔ , edu lɔ keŋkeŋ hunhun, le babiawɔ se be: mɛ ŋde yi nyi mɛ tsɛ ? ¹¹ Ahuakon tsi kplɔe do lɔ na ȡoŋti be : " Yesu , Nyagblɔȡɛtɔ tsi so Nazarɛt le galile nyigbandi lɔ yɔ " . ¹² Azɔn , Yesu ȡo Mawu yo gbedaxoe lɔ mɛ. E nya mɛtsiwo keŋkeŋ le nusawɔ kudo nuxluetɔwo le gbedoȡaxoe lɔ mɛ. E trɔ ta do gun nɔ mɛtsiwo yi le ega gbanwɔ yo kplɔn kudo mɛtsiwo yi le ahuannɛ sawɔ yo adja. ¹³ E to nɔ wo be : wo ŋlɔn ȡɛ be : " Wo ayɔ xue tɔnyɛ be Gbedoȡa yo Xue , vɔ mi sɔ wɔ fianfintɔwo be do mɛ . ¹⁴ Ke ŋkuvigbangbannɔwo kudo mɛtsiwo ŋde zɔnnɔn nyuiȡe o lɔ wo va yi gbɔ le gbedoȡa xue lɔ mɛ, ke Yesu yɔ dɔ nɔn wo. ¹⁵ Tsi avɔsatɔganwo kudo sefiɔtɔwo kpɔ nudjinu tsiwo Yesu wa lɔ , kudo ȡevi tsiwo le axua do wɔ le gbedoȡaxue lɔ mɛ be : " Hosana nɔ David vi lɔ" , adɔmɛ ve wo . ¹⁶ Wo gblɔn nɔ Yesu be : O le nyɔn tsi towɔ wo le sewɔ a ? Yesu ȡoŋti nɔ wo be : Ɛ! Mi ŋde hlɛn kpɔ be: " Ðevifin kudo ȡevi tsiwo yi le anɔn nɔwɔ yo numɛ yi E sɔ kafukafu ȡo anyi ȡo " lo ? ¹⁷ Tsi Yesu djo le wo gbɔ lɔ, E to le du lɔ mɛ djoyi Betani, yi nɔn xɔn le zan lɔ mɛ . ¹⁸ Le fɔnfɔn mɛ lɔ , Yesu gbe trɔ yi du lɔ mɛ; adɔwui . ¹⁹ E kpɔ figti ȡeka le mɔ lɔ dji. E zɔn gogo atiɛ lɔ, vɔa ŋde kpɔ ŋȡekpekpi le edji tovonɔn makpawo o. E to nɔn atiɛ be :Ekusɛnsɛn ȡekpekpi ŋda gbe to le ewɔ mɛ ke o . Atiɛ ku le te zeȡeka. ²² Tsi nukplavilɔwo kpɔɛ lɔ edjinu nɔn wo , ye wo to be : lewakaka figtiɛ ku zeȡeka leha? ²¹ Yesu ȡoŋti nɔn wo be: Le nyawototo mɛ ŋ le totuiwɔ nɔn mi be: nɛ xɔse le miasi ye mi ŋde xonɔnnukpɔ o lɔ, ŋde nyi enu tsi djɔ ȡo eto tsɛ dji lɔ ȡeȡe kpo mi mi awɔ ,mi ato nɔn eto tsɛ be: " djo le xɔn nayi dje axu mɛ e", yi la va mɛ. ²⁰ Nuȡekpikpi tsi mi abiɔ le gbedeȡa mɛ lɔ , mi xɔse be yewo kpɔɛ vɔ; ke mi akpɔɛ. ²³ Tsi Yesu yi gbedoȡaxueɛ mɛ lɔ , E le nufiawɔ ke avɔsatɔganwo kudo edumɛganwɔ va yi gbɔ yi nu ni be : atsɛkpakpa ŋde zanwɔ wo le sɔ le nu xɔnwo keŋkeŋ wa wɔ ? Mɛ ŋde na wo atsɛkpakpa xɔn ? ²⁴ Yesu ȡoŋti, E nunɔ wo be: nyɛ tsan ma biɔ mi enyɔ ȡeka se. Nɛ mi nam ȡoŋti lɔ , nyɛ tsan ma to atsɛkpakpa tsi ŋ sɔ le nu yɛwo wa wɔ nɔ mi. ²⁵ Ejan yo nyɔnyrɔ lɔ , fiȡe yi i so? Djipo alo agbetɔwo gbɔ a? Wo dɔn nyɔn le wo ȡekiwo dome be, nu mi to be djipo lɔ abiɔ mi se be ŋdeŋti mi ŋde xɔɛ dji se lo? ²⁶ Vɔ lɔ nɛ mi to be agbetɔwo gbɔ lɔ , mi le amɛhawo vɔnwɔ.Ðo wo keŋkeŋ kpɔnɔn Ejan be e nyi nyɔnnuȡɛtɔ. ²⁷ Wo ȡoŋti nɔn Yesu be: Mi ŋde nya o. Yesu to nɔn wo be : nyɛ tsan , nyɛ ŋda nu nyɔ dekpikpi nɔ mi so atsɛkpakpa tsi ŋ sɔ le enu tsɛwo wawɔ ŋti o. ²⁸ Lede mi kpɔ nyɔ yɛ ȡo ? Ŋsu dȡeka li evi amɛve leshi. E to nɔn tutugbɔn tɔ lɔ be: va yi wɔ dɔ le aha tsi mɛ num. ²⁹ Ðeviɛ ȡoŋti ni be , nye ŋda yi o, vɔ ȡeviɛ va trɔ susu , yi e va yi. ³⁰ Ŋsuɔlɔ va yi eviɛ vegɔn lɔ gbɔ, yi gbe nu nyɔ hɔn lɔ ke ni. Yi yɛ ȡoŋti be: nayi , vɔ ŋde va yi o. ³¹ Le ȡevi amɛve lɔwo domɛ lɔ, mɛ ȡe yi wa etɔlɔ yo djro? Wo ȡonu be:Evi ȡegbin lɔ yɔ. Ke Yesu nu nɔ wo be: nyawo ŋ le nunuwɔ nɔ mi be: takɔɛ djɔtɔwo kudo ahashitowo adje ŋkɔ nɔ mi , ayi fiɔȡuxwe lɔ mɛ. ³² Ðoɔ Ejan van mia gbɔ to djɔdjɔɛnyinyin yo mɔ dji . mi ŋde xɔ yɛ dji se o , vɔa takɔɛ djɔtɔwo kudo ahashitɔwo xɔ edji se. Tsi mi kpɔ nu hɔn lɔ, mi ŋde trɔ djimɛ yi xɔ edji . ³³ Mi se lododo bu. Amɛ ȡeka nɔ anyi , mɛ xɔn nyi axwuetɔ. Eȡo ahatimɛ anyi, e tu kpa trɔdui, e ku do tsi mɛ wo afiɔ aha le lɔ daȡɛ, e tu ŋkuvileleȡenuti yo xɔ kɔkɔ ȡeka daȡɛ, yi e xaya ahati gble lɔ nɔ ahaȡatɔ ȡewo, yi yi djo le du lɔ . ³⁴ Tsi nukuȡeȡe yo gamɛ sun lɔ, e dɔn yo sumɔviwo ȡoȡa ahaȡatɔ lɔwo gbɔ, nɛ wo atu edɔ tsi wo wa lɔ yo fɛn ni. ³⁵ Ahaȡatɔ lɔwo le sumɔnvi lɔwo, wo xo ȡegbin lɔ, wo wu vegɔn lɔ , wo xo kpe etɔn gɔ lɔ. ³⁶ E gbe dɔn sumɔnvi buwo tsiwo sugbɔ wu ȡegbin lɔwo. Ahaȡatɔlɔwo gbe wa nu vuin ȡo wo ŋti shigbe leha wo wa nɔ ȡegbin wo ha. ³⁷ Le vɔvɔnu lɔ , axwuetɔ lɔ dɔ yo vi ȡoȡa wo le nunúwɔ be : wo adó bubu evi nyɛ lɔ ŋti . ³⁸ Vɔa tsi ahaȡatɔlɔwo kpɔ ȡevi lɔ,wo nu le wo ȡekiwo domɛ be: mi kpɔ tsinɔn ȡutɔ lɔ ke. Mi va nɛ mi awui , nɛ tsinɔn lɔ atrɔzun miatɔ. ³⁹ Ke wo le , yi wo kɔɛ daŋgbe ȡo ahagble lɔ godo, yi wo wui. ⁴⁰ Fifiɛ lɔ, nɛ ahagblelɔ yo xwetɔ va va lɔ , ŋde yi awa nɔ ahagbledatɔ xɔnwo? ⁴¹ Wo ȡo ŋti be: ela sɔ adanwawa atsrɔn amɛ nyraku xɔnwo , ela xaya ahatimɛ gble lɔ nɔ ahagbledatɔ bu tsiwo latu fɛn ni le nukuȡeȡe yo gamɛ lɔ dji. ⁴² Yesu nu nɔ wo be : mi ŋde hlɛn le Enuŋlɔnŋlɔɛn lɔwo mɛ be : Ekpe tsi xɔtutɔwo gbe lɔ, yi va trɔzun zogodjikpe; Axwuetɔlɔ gbɔ yi eso , nudjinu yi i nyi le mio ŋkuviwo mɛ . ⁴³ Nu tsɛ ŋti lɔ , ŋ le nunuwɔ nɔ mi be , wo axɔ Mawu fiɔ ȡuxwue lɔ le miasi, wo asɔɛ na edu bu tsi asɔnɔn yo kusɛnsɛn lɔ ana. ⁴⁴ Mɛ tsi adje kpe tsɛ dji lɔ , akakan, mɛ tsi dji wo adje lɔ agban gudugudu. ⁴⁵ Tsi avɔsatɔganwo kudo farisitɔwo se lododotsɛwo lɔ, wo se gɔmɛ be enyɔn yewotɔ yi Yesu le nunuwɔ. ⁴⁶ Wo dji la li , vɔa wo le ahuakɔngan lɔ vɔn wɔ, ȡo nuyi ŋti lɔ dukɔn lɔ le yesu kpɔwɔ sigbe enyɔnuȡɛtɔ nɛnɛ.