¹ Fifiɛ tsi mifɔn kudo kristo amɛ kuku wo do mɛ ŋtsi lɔ, misɔ miadji wo ɖo adoku nu dji potɔ wo ŋtsi kudo énu nyui wawa, nɔ afi tsi kristo lé le mawu yio axada mɛ lé bu bu kudo ŋtsɛn émɛ. ² Mina nɔ djipo nuwo bubu kpɔ atsi susu mɛ nɔmi. Miŋgbégblé mia susu asɔ nɔn anyigbandji nuwo ŋtsi buɔ kpɔ o. ³ Ɖolɔ miku, yi wosɔ mi kudo kristo yio agbé sɔ wa ɖo . Mazu mɛ. ⁴ Nɔ kristo tsi yi nyi agbé miatɔ va to lɔ, ké miwo tsan miato kui lé yio ŋtsi kɔkɔɛ mɛ. ⁵ Lé étsɛ ŋtsi lɔ, migbénu le anyigbadjinu nu gbegblé wo ŋtsi, mina nɔ énu daɖa tsi wo yi lé fiofio ɔ lé mia mɛ adjo. Miŋgbé wa énu ɖé tsi mɛ, hashiwawa, énu makɔ makɔ, énu daɖa wo kudo ŋkpɛn nuwo ŋtsio. Miŋgbé subɔ xixetsɛ mɛ nuwo ɖo mawu yio texué os do lɔ énu tsɛ wo trɔ zun vodu sɛn sɛn . ⁶ Mawu yio domɛ zi lava amɛ tsi yi wanɔ énu tsɛ wo dji. ⁷ Mi wanɔ énu tsɛ wo sa gatsi mɛ yi mi le xixéɛ mɛ. ⁸ Ganké fifiɛ lɔ, gamɛ su nɔmi yi mi la ta shi dɔ mɛzi dodo, éké le amɛ, énudo amɛ kudo ényɔ baɖawo nunu. ⁹ Miŋgbé kan nusu nɔ mia nɔvi woo, ɖo lɔ miɖé agbé xoxoɔ lɔ wo nuwawa wo djo. ¹⁰ Fifiɛ lɔ, agbé yéyé nɔɔ yi milé, yi lé agbé yéyé tsɛ mɛ lɔ mikplan énu nyui wawa gashia gamɛ le énu djédjé shi mɛ nɔ miatɛŋ aɖo amɛ tsi yi wa mi yio mɔnɔ mɛ. ¹¹ Le agbé yéyé tsɛ nɔnɔ mɛ lɔ, gvɛkitɔ alo yadatɔ ŋdé agbé lio, évo soso kudo évo maso maso, énu kpɔ tɔ alo amɛtsi ŋdé kpɔnɔ énu o, yekluvi alo vovo vi o vɔ lɔ wo kéŋ kéŋ wotrɔ zun kristo tɔ, yi kristo lé wo kéŋkéŋ mɛ. ¹² Nɛnɛ tsi yi nyi mawu tsi na nɔ agbé yéyé ŋtsɛ yi tsia mi yi lɔmi veve de ŋtsi lɔ, mi sɔ dɔ mɛ tɔtrɔ do awu kudo nushɛnshin kuku, amɛ ɖeki dji ɖuɖu, amɛɖéki bɔbɔ, dji mɛ fafa, kudo edji gbɔ ɖɛ yio awu wo nɔ mia ɖekiwo. ¹³ Mihɛn adodo kudo mia nɔviwo, mi wa amɛ nuveve ɖaɖa mia nɔviwo gbɔ nɔ amɛɖé wa énu vuɛn ɖaɖa nɔviɛ gbɔ lɔ, nɛ sɔɛ ki shigbé létsi axuétɔ tsan sɔ kũ nɛnɛ. ¹⁴ Lé énu tsɛ wo kéŋkéŋ mɛ lɔ, mido lɔn lɔn nɔ mia nɔviwo to déka wawa ŋkɔyiyi tɔ mɛ. ¹⁵ Ke kristo yio ŋtsi fafa nɛnɔ mia dji wo mɛ tɛ gbɛɛ. ŋtsi fafa xɔŋtsi woyɔ mi do to ŋtsi lan ɖéka mɛ yi ŋtsi lɔ. mi nyi djéshi do énu tɔ wo. ¹⁶ Ké kristo yio ényɔ nɛ nyi adɔku yetɔ anɔ mia mɛ kudo énu nyanya lɔ mi sɔ afɔ do afɔ dji nyɔ asɔ fia énu nɔviwo , kudo Psalmowo, kudo éha djinu, kudo éha djidji gbɔ mɛ tɔ wo, mi sɔ djéshi donu sɔ dji eha nɔ mawu. ¹⁷ Enu tsiwo kéŋkéŋ mila wa lé nuxo xoxo mɛ lɔ, miwa wo lé axuétɔ yésu yio nyikɔ mɛ. Mido akpe nɔ mawu tsi nyi mia tɔ. ¹⁸ Nyɔnuwo mibɔbɔ mia ɖéki nɔ miasu wo le nɔnɔ mɛ nyui mɛ nɔ axuétɔ lɔ. ¹⁹ Ŋsu wo milɔn mia shiwo, nɔ miŋgbé do dɔmɛ zi dowo. ²⁰ Ɖéviwo, mibu amɛdjitɔ miatɔ wo lé enu wo kéŋkéŋ mɛ ɖo lɔ ényi enu nyui lé axuétɔ lɔ mɛ. ²¹ Amɛdjitɔ wo miŋgbé do tukada nɔ mia viwo nɔ wa gbɔdjɔo. ²² Ekluviwo, mibu tsitsa miatɔ wo lé énuwo kéŋkéŋ mɛ. Vɔ lɔ ŋdé nyi wo ŋkuvi mɛ dédé kpo mila bu wo lé asɔ nya kpɔkpɔ nɔwo, vɔ lé édji miatɔ blebu mɛ lɔ, mia vɔn nɔ mawu. ²³ Enu tsiwo kéŋkéŋ mi la walɔ, mi wɛ kufo éklan miatɔ nɔ axuétɔ lɔ, vɔ ŋgbe nyi agbétɔwo o. ²⁴ Minya bé mixɔ adoku tsi nyi éfɛntu so axuétɔ lɔ gbɔ. yi nyi axuétɔ kristo yi mi la sɔ subɔ. ²⁵ Ɖo, nɔ amɛɖé wa énu madjɔ madjɔ lɔ, éla xɔ éfɛntu énu madjɔ madjɔ tsi wa lɔ tɔ, yi wo ŋda kpɔ amɛ ŋmɛ o.