¹ Ɖɔ ŋdji be mia dje si agba gba tsi dje kɔ le ɖɔ mia tsi kudo kristo tsi le lao dixé kudo amɛ tsi wo tɔ tsan ŋdji siŋ tɔ tsan le xa. ² Nɔn wo dji o aɖɔ kudo ŋsɛn ɖoɖo nɔn wua tɛnŋ wua deka le lɔn lɔn nɔn mi tɛnŋ do kudo enu dje dje si , nɛn wua tenŋ djesi enu wlawla mawutɔ, kristo yi nyi enu wua wu exɔnlɔ. ³ Yi mɛ yi kɔ enu wlawla tsi nyi dɔ kun et enu nyan kudo gbɔn gbɔn mɛ tɔ. ⁴ Yle enyɔn nukɔ nɔn mi nɛn amɛ de ŋgbe blemi kudo djesibé asɔ demi djo le mawu wo mɔndji. ⁵ Ŋnyan be ŋdidido le agbazamɛ mi, vua le kudo mi le gbɔn gbnɔ mɛ, ŋkpɔ dji djiuɛ mi nan nyi nuide yi do éké le xɔsemɛ le kristo mɛ. ⁶ Mi zɔn le axoetɔ yesu kristo mɛ sigbe le tsi mi xu. ⁷ Mido eke le mɛ nyɛn de, mido eke le xɔ se sigbe enu kpla mɛ tsi xɔ nɛn nɛn, ada akpe nɔn mawu nɔn yiodɔ wo. ⁸ Midje aye nɛn ŋgbe flu mi kudo wo xixo mɛ o enu nyan nyan gbalo, tsi yi ehun sɛn sɛn tsi ryi amɛ gbetɔ susu ɖeɖe yi tsi ŋde so kristo gbɔ mi djo le amɛ xɔngbɔ. ⁹ Mawu ɖɔ ɖɔ keŋ keŋ le agbe le gbaza yi tɔ lɛ. ¹⁰ Mido mama kudo agbe kristo tsi nyi axoétɔ nɔn ŋsɛn, atsɛ kpakp, kudo pa wua. ¹¹ Kristo tsi so evo nɔn mi, yi evo soso xɔn ŋɖe agbe wo lɔ gbɔ, eso kristo gbɔ, to xɔn eɖe enu tsi nɔn mido evɛn mɛ djo. ¹² To esi dota mɛ a midoyɔ do kudo kristo, kudo yɛ kpo mi fɔn so eku kudo kristo sɔ yi dji mi kaudo ŋsɛn mawutɔ tsi fɔn kristo le ku. ¹³ Sɔ kudo mi a enu fɛn tsi a mi ku, ŋtsi tsi lɔ wo de evo nɔn mi, vua mawu na mi agbe to kristo dji yi sɔ mia enu fɛn sɔ kemin. ¹⁴ Wo ma tsi owua be mi dje agɔ yi tsi té do mia ŋtsi etutui keŋkeŋ yi hanki le atisogadji. ¹⁵ Kristo xɔ ŋsɛn atsɛ kpa kpa, pawa le gbɔn gbɔn vuɛn wosi le amɛ wo ŋmɛ yi sɔ woa sigbe hanhata nɛn yi kpɔ edji ɖuɖu wo dji le atisogadji. ¹⁶ Mi gbe dasi nɛn amɛ ado agɔ dje nɔn mi le enu tsi miɖu kudo tsi mi nu, sɔ kudo exue, wlɛtri ye ye, alo sabbartɔ. ¹⁷ Enu xɔn wo vivi tsi yi nɔn enu tsi la va djɔ vua enu tsi le vevede yi nyi kristo. ¹⁸ Mi gbe ta si amɛ nɛn vua fi vovo mi atɔ to amɛ doki sɔ kué le dɔ la wo ŋkɔ si gbe sumɔnvi. nyui de nɛ mɛ, wo sɔ nɔn asi xɔxɔ nɔn edrɔ kuku nɛn nɛn omɛvo trɔ nɔn ego nyitɔ alo agbaza wo susu dede. ¹⁹ Wo te dɔ nɔn enu dje djesi kristo tsi ata ganke eta lɔ yi nɔn tsi le veve nɛn de nɛn agbaza to djia ekan, ŋtsilau , wo nɔn nɔn nyui de anɔn édu yi mawu yi na na nɔn agbaza lɔ sinɔn. ²⁰ Mi ku kudo kristo yi xixe mɛ ŋsɛn wo ŋte gbe kpɔ nɔn mia gbɔ kpɔ tɔ le wo gbɔ nɛn nɛn, ŋde tsi kpɔtɔ le egbe xɔ kɔ nɔn wo nu xɔn. ²¹ Mi gbe sɔ, mi gbe dɔ se kpɔ mi gbe ta lɔ. ²² Wo nyi eseo , enu kpamɛ tsi agbetɔ la le to le do kia mɛ nɛn eva djo, agbetɔ yi wua enuxɔn. ²³ Nyan wo su mɔn sumɔn nyui enyi a sɔ amɛ dɔ ki kue le dɔla wo ŋkɔ, do veve sese nɛn agbaza exɔn keŋ keŋ, wo nyɔn gany kea wo ŋte do asixɔ xɔ dewo agbaza wo dro yi xɔn wo.