¹ Sɔ kúɖo amɛkɔkɔɛwó kpeɖoŋti dɔ lɔ, ŋdé gbé hiɔn be ma ŋlɔnu ɖoɖa mi o. ² Doŋtilɔ, ŋdjéshi míá lɔnlɔnu fá nyuitɔ, yí ŋlé edégbé xoɔ so mia ŋti le Makédoniatɔwó gbɔ. ŋto nɔn wó bé Akaí sɔgbe xoxo so xoéɖétɔ lɔ mɛ, yí miawó ŋyaya yí dó zo nɛ amɛ sugbɔ nɛ wóa woa ŋɖé. ³ ŋdɔ nɔnviwó ɖoɖa, be nɛ adegbe tsi mí xo so miáŋti lɔ ŋgbé nyi nugbalo o; be ne miá nɔn gbésɔsɔ, shigbé létsi ŋnui xoxo nɛnɛ. ⁴ ŋnɛnɛn o lɔ, ela nyi ŋkpɛn nɛ mí, nɛ ŋva kúdo nɔnvi ŋsú Makédoniatɔwó, vɔ miŋdé lé gbésɔsɔ, ɖo nyɛnŋdé to nyɔn ɖé so miɔn ŋtsio, ɖo ŋkan ɖo miá dji. ⁵ Yí ŋtsi lɔ elánɔn vévéɖé be má dɔ nɔnviwó ɖoɖa bé woa kpéɖo miá ŋti, nɛn miá djrá nunana tsiwó ŋgbé mído, be akpédá vɔsawó woá sɔgbe, le nunana faa mɛ, ŋde djizinzin mɛn o. ⁶ Mí nyi bé : " mɛtsi nɛn donɔn nu víɖé lɔ, ɖé nɔn nu víɖé, yí mɛntsí donɔn nu sugbɔ lɔ ɖe nɔn nu sugbɔ. ⁷ Amɛ shiamɛ ŋtɔ nɛn na shigbé lé yí yi woa ɖoɖo le yioŋtɔ djimɛ; vévésésé kúɖo djizinzin ŋdá nɔn mɛn o; ɖoŋti lɔ Mawu lɔnɔn metsiwó na nɔn nu kúɖo djidjɔ. ⁸ Yí Mawu lá sɔ aménuvévé gban ɖo miá djí, nɛ nushianú mɛ lɔ, miá kpɔtɔ nɔanyin le gbɔsusu mɛ sɔ na dɔ nyui ɖékpíkpí. ⁹ Shigbe létsi wó ŋluin nɛnɛn lɔ : " éman yo késhinɔnnu nɔn woamɛnɔnwó, ɖoŋtsi lɔ yo djɔdjɔɛnyínyí ŋdé ɖo sɛnɖoxoé o. " ¹⁰ Do mɛtsinɛn na nɔn núkú núkúdotɔwó, yí yi nanɔn kpɔnɔn ɖo núɖúɖú téxoé lɔ, la na, ɖo miá djɔdjɔɛnyínyí téxoé, núkú tsí la hian nɛ núkúɖéɖé gan. ¹¹ Eláná mi gbɔsusu be nɛ miá sɛnŋ le dɔnyuiwoawoa mɛ, yí mɛn sugbɔwó la dákpé nɛ Mawu. ¹² Do dɔtsɛ ŋdé nanɔn nutsí hian mɛkɔkɔɛ ɖeɖe o, vɔlɔ égbé nyí djidjɔ kúɖo akpédavɔsá nɛ Mawu. ¹³ Be nɛn amɛwó kpatá kafu mi lɔ, míá kafú Mawu to xɔn mɛ, to míá Mawunyɔn djiwoawoa mɛ, kúɖo míá dɔményuiwoawoa tsí mí ɖe nɔn fia mɛnwó kpata to míá nu náná mɛ. ¹⁴ Lé wó lɔnlɔn déto tsi wó ɖo nɔn mi ŋti lɔ, wó le gbé doɔɖa ɖo miá tá, ɖo amɛnuvévé gbango tsi Mawu woanɔn mi lɔ ŋti. ¹⁵ Miá sɔ akpédádá nɔn Mawu ɖo yio núnáná manyangblɔn lɔ ŋti.