¹ Na teŋ yi go, vɔ viȡe ŋde le mɛn, nɛ ŋle wɔwoɛwɔ. ŋdji sɔwú bé ma xonuxo so ŋkpɔkpɔwó kúȡo ȡeȡefiawó tsi so axoétɔ gbɔ ŋtsi. ² ŋdjeshi ŋsù ȡé le Kristo me, éxué wuinɛn yi nyi yɛ, tsi djo yí djiŋkushi étɔn liɛ, kúdo yió ŋtilan alo yio ŋtilan manɔn mɛ, nyɛn ŋde nyan, vɔ Mawu ȡeká nyán. ³ ŋdjeshi nusúwɔ, tsi nɔn yió ŋtilan mɛ alo ŋde nɔn yió ŋtilan mɛn o, nyɛn ŋde nyan, Mawu ȡeká yí nyan. ⁴ Edjo yi paradiso mɛn, yí yi se enyɔn tsiwó ȡo vɔnvɔn tsi woŋda teŋ nuo. ⁵ Na teŋ yigo le mɛȡéo nyikɔ mɛ, ŋde le nyikɔ nyɛn mɛ o, vɔ lɔ na yi go ȡo axin gbɔdjɔgbɔdjɔ ŋtsi. ⁶ Nɛ ŋdji la yigo lɔ, nyɛn da nyi tagbɔgbegble tɔ, ato enyɔn bu tovo nɔn nyɔntexoeɛ o, vɔ nyɛn ŋda yigo, bé mɛnȡé ŋgbe súsú nugan sɔwú nutsiyi yi le kpɔkpɔwɔ le mɛnnyɛn kú tsi yi se so ŋti nyɛn o, ⁷ alo amliman wo nɔnɔn mɛ tsi le ȡeȡefiá tsɛwó shio. Fifiɛlɔ, nyɛn da ȡɔ kúȡo dada, ȡo tsakawó le axin ŋtsilan mɛ, to santana yió dɔla ȡe dji, bé ne nyɛn ŋgbe nyi dadatɔ sugbɔ o. ⁸ Zé etɔn, ŋ do gbe ȡa nɛ Mawu ȡo nu xɔn ŋtsi, bé Mawu yia duin yi djidjixoe djo le gbɔnnye. ⁹ Yí yi to nu bé : " amenuvévé tsinyɛn sugbɔ nɔn, ȡo ŋsɛn tsinyɛn woa nɔn dɔ, wú nɔn nu le gbɔdjɔgbɔdjɔ mɛ. " Fifɛlɔ, ŋle goyiwɔ le gbɔdjɔgbɔdjɔ mɛ, bé Kristo yió ŋsɛn yia nɔn mɛ nyɛn. ¹⁰ ŋle djidjɔ kpɔwɔ le gbɔdjɔgbɔdjɔ ŋnyɛn mɛ, la mɛ zunzun mɛ, le tsakawó mɛ, le yomɛtsitsiwó mɛ, la yaȡuȡu nɔn Kristo mɛ, ȡo gatsimɛ ŋgbɔdjɔ lɔ, gaxɔn mɛ ŋsɛnnɔnŋ nɛ. ¹¹ ŋ trɔ zun tagbɔgbegbletɔ ! to miá djizinzin mɛ, vɔ wó ȡo la ke ȡoŋ ȡoȡa miá gbɔ yɔ, ȡo nyɛn ŋde hoé wú apostologan xɔnwó, nɛn nyɛn ŋde nyi ŋȡe tsan. ¹² Apotri yo dɔwoawoa djeshiwó zé le miádomɛ kú djigbɔnȡɛ, to djeshiwó, amliman nuwó kú nukúnuwó. ¹³ Ðo, sɔ sɔ kúȡo tsɔtsi kpɛtɛwó lɔ, le ŋde mɛ wóŋde woa nu kú mi nyuiȡe leo, nɛgbe, tsi nye ŋde nyi agban nɔn mi o. Mi sɔ gɔdje xɔn sɔ keŋ. ¹⁴ Yiyɛ ! ŋle gbesɔsɔ bé ma va miá gbɔ nɛ zi etɔn goɔn, yí nyɛn da nyi agban nɔn mi, ȡo ŋde miá keshinɔnnuwó dji ŋle o, miɔnwó ŋtɔ djiwɔ ŋle. ŋde ȡeviwóe djra nɔn nu ȡo nɛ wó djilawó, vɔ djilawó sɔ na wó víwó. ¹⁵ Na kpɔ djidjɔ azan nuwó yí na yidji aza nuwó nɛ miá klanwó. Nɛ ŋlɔn mi sɔwú lɔ, ȡe miɔn miŋda lɔnŋ o woa? ¹⁶ Vɔ nyɛn ŋde nyi agban nɛ mi o, vɔ tsi yí nyi bé ŋdjenayé lɔ, ŋle mi to nunyan yo yédjédjé mɛ. ¹⁷ ŋxɔ viȡéwó le miáshi to mɛyió ŋsɔ ȡéȡa mi lɔ djia? ¹⁸ ŋdo ŋsɛn Tito bé ya va miá gbɔ, yí ŋdɔ mɛbu tsan kpéȡoŋtsi. Ðe Tito ba mi, kpɔ viȡe le miá djia? Miŋde zɔn mɔn ȡéka dji lo? Miŋzɔn le fɔtoxoé ȡeka dji lo? ¹⁹ Súsúwɔ mi le bé, gaxoxo xɔnwó mɛ lɔ, mi le mian djɔdjɔɛnyinyi ta hluinwɔ le miágbɔa. Le Mawu ŋmɛn, le Kristo mɛ lɔ, mi le nuxoxowɔ so nushianu ŋtsi nɛ miá shinshin. ²⁰ Ðo ŋle vɔnvɔnwɔ bé, le vavá nyɛn mɛ lɔ, nyɛn ŋda kpɔ mi, letsi ŋdjio, yí miŋda kpɔm letsi mi djio. ŋle vɔnvɔnwɔ bé, na va kpɔ nyɔnhɛnhɛnwó, nuhuanwó, djibibíwó, amɛȡeki tɔ djídjíwó, nyɔnvlototo ȡa mɛnŋtsiwó, dada, kú tsakakáwó. ²¹ ŋle vɔnvɔn bé, le axin tɔtrɔva mɛ lɔ, Mawu la do ŋkpɛnŋ le miá ŋmɛn, bé na va nɔn kuifanwó ȡo mɛtsiwó woa nuvɔn, yí wó ŋde kpɔ trɔ le makɔmakɔnyinyi, gbɔdɔdɔn yó nunyɔnwun, kú nuvɔn tsi woa wó le lɔ, wó yomeo ta.