¹ ADDING TEXT TO WACS COPY. Unde abilei tuka abilei musa, CHANGE unde bekilei, unde benilei na mbukesuosu, unde bipediei na njika sasu enikani biliana nelehe la bulamo. ² Na bulamo undoo atu kasenge kpalaa, mpaa benii, bilikibi kpalaa, na panja kanu bulamo undoo akese ngbokpu kangbuende abi nanjo epana odu wepilikene kiasu. ³ Unde benii na ekali besu bitangieitoha kianu kangbwato dukana banu kulasu, na tundana lasu n'epana Miki make Yeso Klisto. ⁴ Mpaa bikekito kanu elehe undoo kangba esilo lasu enikane lobee. ⁵ Unde ndulu kebia unde bekiituka na njoke kangbua tangiali kanu, Akodola endi emole na subake, tudaka ata nadeleka. ⁶ Kabengo biluhu yende bekani nayee na tamba nayee ngo besu katamba suba tudaha besu katimikana na besunda kakola ningoo. ⁷ Mpaa kibitambe suba haapu yendene esuba haapu, besu kekikiana kangalasu na makio ma Yeso Klisto Miki make ekasukusa lasu tuka eloloi ngbokpu. ⁸ Kabengo biluhu sabende besu kanga eloloi, besu ketima mayasu na undoo enda subasu. ⁹ Mpaa kibidue eloloi lasu ngbokpu, eyendi ukpali makekikyana na maka luhuo ningoo akuono ekala eloloi asu na sukusalasu na eloloi ngbokpu. ¹⁰ Kibi luhue sabende kibikolimbe eloloi kesini biluhuto sabendee endi tua mbela, kesini elehe lake enda kasubasu.