¹ Yaana, iraa xpuerta' Jericó dáguca'ni pur ca dxú' xti' guiidxi Israel. Irutii' caree' ne irutii' cayuu'. ² XPIXUANA'NU gudxii'be Josué: ''guuna dxichii', ma bidiie' lii' Jericó lu naa'lú, xaique xtií ne ca dxú ridxelazaa xtií. ³ Naapa'ca xhi saaca guidubi bieque guidxii, iraa ca hombre ni ridxelazaa checaa' guiduubi bieque guidxii iraa dxii. Napa xhi gunii tu ndi pur xhoopa' dxii. ⁴ Gaadxe' xaique yu'du napa ca' xhi guacaa gaadxe' xcachu chiivu ne zaa niirú ca lu guíñaa. Lu gaadxe' dxii, za zaa caa' guiduubi bieque guidxii gaadxe' tiirú, nee ca xaique yu'du napa'ca xhi guxhiidxi ca' caa cachu. ⁵ Lacabe naquiñe guxhiidxi cabe xadxii ne ca xcachu chivu, ne ora gunadiaga cabe xhidxii cachu ira bínni suguaa ca' ridxii ne xtale xtiipa, ne líndaa' xti guiidxi que siabaa. Ca xíñii' Israel sucaa' lú caa', cada tobii zii zaa niirú. ⁶ Nee rá que' Josué xiiñi Nun, bicaa riidxibe ca' xaique yu'du ne gudxii'be laaca': ''La gúaa guiiña ra bidii xtiidxa Diudxi bínni, ne la gudii gaadxe' xaique yu'du gúaaca' gaadxe' xcachu chivu ne zaa' niiru'ca lu guiiña xtí XPIXUÁNANU''. ⁷ Nee gudxii be bínni guiidxi: ''La chee' ne la zaa' guiduubi biéque guiidxi, ne ca hombre ni ridxelazaa' za zaa' niiru'ca lu guiiña xtí XPIXUÁNANU''. ⁸ Nee casi Josué gudxii'be ca bínni guiidxi que, ca gaadxe' xaique yu'du que guyuaa'ca caa gaadxe' xcachu chivu ra lú XPIXUÁNANU. Ne bia zeca'be zii xhiidxi ca cachu que'. Ne guiiña xtí XPIXUÁNANU ra bidii xtiidxa'be bínni nanda ca' laaca be. ⁹ Dxú ni ridxelasaa' zaa niirú ca' lú ca xaique yu'du, ne laaca' si guxhiidxi'ca caa cachu que', ne lacaa zee' xaique yu'du ca ni zaa niirú guiiña lú ca' lacaa si guxhiidxi'ca caa cachu que' gatiga. ¹⁰ Peru Josué bicaa' be bínni que', ne raabi be laa'ca:''La zaa ne cádi gúnitu ruidu, dede dxí naa' gaabe laa'tu uguaa'tu ridxii. Dxí ca'sii napa xi gúnitu ridxii. ¹¹ ''Zacaa Josué biini' be de que guiiña xti XPIXUÁNANU cheeni guiduubi bieque guiidxii ti tiiru dxí que'. Gudi'di si ndi guyuu' cabe ra nabezacabe ne gudi'di cabe gueela' ra que'. ¹² Nee ra que' Josué biaasa be nacanda gaaru' ne ca xaique yu'du guyuaa ca' guiiña xtí XPIXUÁNANU. ¹³ Nee ca gaadxe xaique yu'du ni guyuaa ca' ca gaadxe' xcáchuu chivu ra lú guiiña xti XPIXUÁNANU, ne ni guzaa'ca sin iguude'ca, zee'ca zii guxhiidxi ca' xcachu ca'. Ca dxú ni ridxelasaa' zaa niirú ca' luu cabe, ca xcaadxi que' naanda ca' neza déche guiiña xtí XPIXUÁNANU, ne ca cáchu que' rixhiidxi ca ni gatiga. ¹⁴ Ra guiiropa dxí guzaa cabe guiduubi biéque guiidxi tí tiiru ne biguéta cabe ra nabeza cabe. Laaca be biini' cabe ndí xhoopa dxí. ¹⁵ Nee guuca ra bizaa' gaadxe' dxí que' biása cabe orá gundaani gubiidxa, ne guzaa cabe guiduubi biéque guiidxi casi ca' maca biini' cabe, ne yaana la? biini' cabe ni gaadxe' tiiru. Dxí que' nga laaca be guzaa cabe guiduubi biéque guiidxi gaadxe' tiiru. ¹⁶ Ra bizaa' gaadxe' dxí que' nga, orá ca' xaique yu'du bixhiidxi'ca cachu xti ca', ni Josué bizeenda' bínni guiidxi gúnii ra gúniibe: ''¡La uguaa' ridxii!, pur tí XPIXUÁNANU ma bidii' be laa' tu' guiidxi dii'.'' ¹⁷ XPIXUÁNANU gudxii laaca be, ínteeru guiidxi que' ne ni nuu' ndaani' ni, saca dee ni. Rahab xha' gúnaa' saca'si que' laa'si zalaa'-- laa'be ne irá ca lisaa' xti be ni nuu' ne laa'be ra liidxi be-- pur ti laa'be bicaachi'be ca hombre ni biseenda' nú. ¹⁸ Ne laa'tu, laa gatanaa de ca xhiixa' ni ma biree' chuu', para gaca dee, caadi guicaadi'tu nin tobii de laa'ca ni. Pa gunii tu nga la', zedanee' tú guenda riaaba dii' ne guenda nana ndaani ra nabeeza Israel ne óra caa la? napa xhi gaca dee. ¹⁹ Irá plata, oro ne ca xhiixa gúyaa' ca' de bronce ne guiiba' zaree' chuu' ca' nii para XPIXUÁNANU. Ca ndií napa xhí cheeca' ra riaapa' xpidxiichi XPIXUÁNANU.'' ²⁰ Nee óra ca bínni que' binadiaaga ca' guxhiidxi cachuu, biguua' iraa ca riidxi ne líndaa' roo' de guiie que' biaaba ní ne lacaa be guyuu' cabe ndaani' guiidxi que', iraa ca' bíaa'si si zaa niirú ca'. Ne bitagu naa ca be guiidxi. ²¹ Nee biini dee ca be iraa xhixe' ni nuu' ndaani' guiidxi que' ne espada --hombre ne gunaa', badu nguiuu' ne binigoola, yúsee, dendxuu' ne burru. ²² Nee óra que', Josué gúdxi' be guiroopa' hombre ni yeunda'chii' ca' guiidxi que': ''La chee rá liidxi xha gúnaa' zacasi que'. La cuee gúnaa' que' ne caa lisaa' xti'be ni nuu' rá liidxi be, casi laa'tu bidii' xtiidxa tú laabe. ²³ Nee saque' ca badu nguiuu' ni yeunda'chii' ca' guiidxi que' guyuu' cabe' ne gulee' cabe' Rahab. Laaca'be gulee' cabe bixhooze be, jñia be, ca bisaa'na be ne ira' ca lisaa' ni nuu' ca' ra nuu'be. Llené cabe laaca' adxee laadu de ndaani' ra nabésa Israel. ²⁴ Ne bizaaqui' cabe guiidxi que' ne ira' ni nuu' ndaani' ni. Plata, oro nee ca traste de bronce ne guiiba' sii' biaa'pa ca' ni ra riaa'pa xpidxiichi XPIXUÁNANU. ²⁵ Nee Josué bidii' ibaaní Rahab xha gunaa' saca'si que', bínni liidxi bixhooze'be ne irá ni nuu' rá nuu'be. Ca xiñii' be nabaani ca' Israel dede yaana dxii, tí pur ti' laa'be bicaachi' be ca hombre ni biseenda' Josué chi gundaachi' ca Jericó. ²⁶ Nee óra que' Josué bisaana lú naa cabe ne biidi' xtiidxa' laaca be ne naa: ''Zaguiiba' dii luguiaa' hombre ra lú DIUXI ni laa' ibigueta' guindiisa' guiidxi xtí Jericó. Xiñii be lu goola salaa raa guilaa' ra gusuhuaa' guiidxi ne xúncu xti be gátii' ra xpuerta guiidxi.'' ²⁷ Ne XPIXUÁNANU guzaa ne Josué ne xláa Josué binibiaa' ca be ni lú guidxiilayu.