¹ Yanna, ca ndinga ca xhaique ca layuu, ni ca hombre xti Israel Gucuaa ca'. ca israelita bini xtica ca layuu ni nu ladu rindani gubidxa ra nu Jordan, dede layuu na pampa ra didi guiigu' Arnón dede lu dani' Hermón, ne guinteru naaca Arabá ladu rindani gubidxa que. ² Sehón, xhaique xti ca amorreu, bibani be ndani Hesbón. Biini be mandar dede Aroer, lani nuni rua ra nu pampa xti Arnón que', dede ra nu gala' pampa que', ne dede gala' Galaad dede ra nu guiigu' Jaboc que' rua ca layu xti ca amonitas. ³ Seheón gucabe xhaique xti Araba dede nisadoo xti Cineret, ladu riasa gubidxa, dede ra nu nisadoo xti Arabá (nisadoo ni naxhii) ladu riasa gubidxa que, dede Bet Jesimot ne neza guete', dede cue dani Pisga. ⁴ Og, xhaique xti Basán, tobi de ca ni biana de ca refaitas, bibani ndani Astarot ne Edrei. ⁵ Labe nga gucabe xhaique xti dani Hermón, Salca la' ne guidubi naaca Basán, dede ra riluxhe guidxi gesureu ne ca maacateu, ne gala de Galaad, dede ne ra riluxhe guidxi Sehón, xhaique xti Hesbón. ⁶ Moisés ni runi xhiña SEÑOR, ne guidxi Israel gudiñe ca laacabe', ne Moisés ni runi xhiña SEÑOR, bidi labe ca layuu que para gaca xti ca rubenitas, ca gaditas, ne gala de ca ni zaa de Manasés. ⁷ Ca ndinga ca xhaique xti ca layuu ca ni Josué ne guidxii Israel gudiñe ca ladu riasi gubidxa de ra nu Jordan, dede ra nu Baal Gad ra nu pampa xti Libanu dede ra nu dani Halac gaxha de Seir. Josue bidi ca layuu que ca ni zaa de Israel ti gaca xti ca ni'. ⁸ Labe bidibe laaca ca dani que, ne ca pampa que, ne Araba, ne cue ca dani que, yuu nda' que', ne Neguev, layuu xti ca hititas, ca amorreu, ca cananeu, ca ferezeu, ca heveu ne ca jebuseu. ⁹ Laade ca xhaique que' nuu xhaique xti Jericó, xhaique xti Hai ni nu cue Betel, ¹⁰ Xhaique xti Jerusalén, xhaique xti Hebrón, ¹¹ Xhaique xti Jarmut, xhaique xti Laquis, ¹² Xhaique Eglón, xhaique xti Gezer, ¹³ rey xti Debir, rey xti Geder, ¹⁴ rey xti Horma, Rey xti Arad, ¹⁵ rey xti Libna, Rey xti Adulam, ¹⁶ rey xti Maceda, rey xti Betel ¹⁷ rey xti Tapúa, rey xti Hefer, ¹⁸ rey xti Afec, rey xti Sarón, ¹⁹ rey xti Madón, rey xti Hazor, ²⁰ Rey xti Simron Merón, rey xti Acsaf. ²¹ rey xti Taanac, rey xti Meguido, ²² rey xti Cedes, rey xti Jocneam xti Carmelo, ²³ rey xti Dor de ca ra nasoo Dor, rey xti Goyim de Gilgal, ²⁴ ne rey xti Tirsa. Bia' bizaa ca rey que nga gande nuu chii ne tobi.