¹ Yanna Adonisedec, xaique de Jerusalén, binadiaga de que Josué gunaaze Hai ne bixuxe be la, casi ca modo bi'ni be ne Jericó ne xaique. Ne laabe binadiaga be ximodo ca binni de Gabaón ma que nidinde né ca Israel ne nabani ca lade cabe. ² Guidxi Jerusalén bidxiibi xtalepe ti Gabaón naca ti guidxi na rooba, casi tobi de ca guidxi ni dxandi nú. Naca ni jma na rooba que Hai ne ca binni xti ni jmá nadipa ca. ³ Nga runi Adonisedec, xaique xti Jerusalén, bisenda ti diidxa ra nú Hoham xaique Hebrón, ra nú Piream xaique Jarmut, ra nú Jafía xaique xti Laquis ne ra nú Debir xaique xti Eglón: ⁴ "Latá ra nua' ne lagacané naa. Guidxelasá nu Gabaón ti guyú ti guendaratadxiladxidó laacabe ne Josué la ne guidxi Israel." ⁵ Gayu xaique xti ca amorreu; xaique xti Jerusalén, xaique xti Hebrón, xaique xti Jarmut, xaique xti Laquis, ne xaique xti Eglón guyé ca, laaca la? ne ca dxu xti ca. Ye udxii lú cabe Gabaón ne gudinde né cabe laaca. ⁶ Guidxi Gabaón que bisenda ti diidxa ra nú Josué ne ra nú ca dxu cani nú Gilgal. Rabi cabe laaca: "¡Lagacapurá! cadi gusaana tu cani runi dxiña xtitu. Latá ra nú du naguenda ne la gulá laadu, ti guiraa ca xaique xti ca amorreu cani nabani ca lu dani ma naca ca tobi si para guidxelasáca laadu." ⁷ Josué guyé Gilgal, lá la? ne ca binni ni ridinde ne guiraa xixé ru ni ridinde. ⁸ XAIQUE NU gudxi Josué: "Cadi gudxibu laacabe. Ma gulaque laacabe ndani ná' lu. Nin tobi de laacabe, que zanda di gucueza lii ora gucá lú lu laacabe." ⁹ Malasi Josué guyé ra nú cabe, bidubi gueela que guzaa cabe dede Gilwgal. ¹⁰ Ne XAIQUE NU bitiixhi be xpiani cani nanaladxi Israel ni zi gucá lú laaca que neza lú ca', laaca biiti ca laacabe de ti naroba guenda guti ndani Gabaón, ne guzaananda ca laacabe lu neza ni siguiiba Bet Horon, ne biiticabe laaca lu neza ni zee Azeca ne Maceda. ¹⁵ Josue ne guidubi Israel la? bigueta ca ra campamentu nda Gilgal. ¹⁶ Yanna ca gayu xaique di bixoñelú ca ne bicachilú ca ndani guiru dani ni nú Maceda. ¹⁷ Beda tiiddxi cabe Josué: "¡Ma bidxela cabe! Ca gayu xaique cani bicachilúca ndani guiru dani ni nú Maceda que." ¹⁸ Ná Josué: "La'gutubi guie rooba rua guiru dani ca ne la guzuhuá dxu ra que, para gundáchi laacabe. ¹⁹ Cadi laca laatu guina tu ra cá. Lasabinanda cani nanaladxi laatu ne la gucá lú laaca neza deche ca. Cadi gudiitu guiu' cabe ndani ca guidxi ca, ti XHAIQUE NU DIUXI xtitu ma nabaqui laacabe ndani ná' tu." ²⁰ Josué ne ca xiiñi Israel biluxe de biiti ca laacabe ne ti narooba guendaguti, dede ñana cabe casi casi ñacadé cabe; cadxisi de cani bibani que bixoñelú ca, biganda ca cá guidxi roo nadipa. ²¹ De racá la? guiraa naca ca dxu que biguetaca ne ti guendaratadxi ra nú Josué nda ni campamentu ni nú Maceda. Ne guiruti ñacaladxi ni nii nin ti diidxa para nucá lú ca guidxi xti Israel. ²² Ne ora que Josué guni: "La guxhale ra riu' cabe ndani cueva ne latane ra nuaa ca gayuu xhaique di". ²³ Ne lacabe binicabe casi gudxibe laca. Bedane cabe ra nube ca gayuu xhaique xti cueva que; xhaique xti Jerusalén, xhaique xti Hebrón, xhaique xti Jarmut, xhaique xti Laquis ne xhaique xti Eglón. ²⁴ Ne ora beda necabe ca xhaique que ra nu Josué la?, labee gulidxibe cada tobi de ca hombre xti Israel, ne gudxibe ca xhaique xti ca dxu que, ca ni guyee yetinde ne labe que: "La cuiaqui ñee ra yani cabe". Ne lacabe bedacabe ne gulaqui ñee ca ra yani cabe. ²⁵ Ne ora que gudxibe laca: "Cadi guidxibitu. Lagaca nadipa ne nadxibalu. Ndinga ni SEÑOR zunine ca ni ricalu labe ca ni latu chitindenetu" ²⁶ Ne ora que Josué gudindene ne biti ca xhaique guidxi que. Ne bigandabe laca lu gayuu yaaga. Bizanabe laca nandaca lu yaaga que dede gunda huadxi. ²⁷ Ne ora bedanda huadxi la?, Josué bidii xtiidxa, ne gundetebe laca de lu yaaga ne bizaabibe laca ndani cueva ra bichalu cabe que. Ne gulaqui cabe guiee ngola rua' cueva que. Ca guiee ngola ca nucani dede nagasi. ²⁸ Ne sicarí, Josué guna'se Maceda dxi que ne biti guirá xixé cabe ra que ne espada, ne xhaique cabe. Bixuxebe guirá xixé ca ne guirá xixé ni nabani ni nu raque. que nusadibe nin tobi ni nabani. Ne bini nebe xhaique Maceda, casi ca modo bini nebe xhaique Jericó. ²⁹ Josué ne guirá xixé Israel gudidica de Maceda dede Libna. Ne labe biazabe guidxelazabe Libna. ³⁰ SEÑOR laca bidii lacabe lu ná' Israel; interu xhaique cabe. Josué biaza' lu guia' guirá xixé ni nabani ne espada. Que nusadibe nin tobi ni nabani. Ne bini nebe xhaique xti guidxi que casi modo bini nebe xhaique xti Jericó. ³¹ Ne ora que Josué ne guirá xixé de Israel gudine cabe labe dede Libna de ra yenda' cabe Laquis. Lacabe biana cabe ra que ne biaza' cabe luguia' ca. ³² SEÑOR bidii Laquis lu ná' Israel. Josué gunase lacabe ra guiropa dxi que. Ne bitibe ne espada guirá xixé ni nabani ni nuu raque, casi ca bini nebe Libna. ³³ Ne ora que Horam, xhaique xti Gezer, beda gacane Laquis. Josué biaza' lugia'be ne luguia' ca xpinni be dede ra que ñaana nin tobi ni nabani. ³⁴ Ne ora que Josué ne guirá xixé Israel gudidi dede Laquis de ra yendaca be Eglón. Lacabe biana cabe ra que ne biaza' cabe gudindene cabe laca, ³⁵ ne gunase cabe laca dxiqueca. Lacabe binina cabe laca ne bixuxe cabe guirá xixé ca, casi ca Josué bini ne Laquis. ³⁶ Ne raqueru' Josué ne guidubi naca Israel gudi'dica' dede Eglón ne yendaca' Hebrón. Bidxelasaa necabe laaca. ³⁷ Gunaazecabe ne biiticabe guiraca' ne espada, de ne xa ique xtica' ne guirá' ca guidxi ni nuu guidubi bieque xti'. Binduuxecabe guiraxixe miati' nabani raqué, ne que nusaacabe nin ti ni nabani yati, zaca' casica Josué bi'ni' ne ca de Eglón. Laabe binduuxebe guiraxixeca' ne guirá' miati' nabeza ndaani' guidxi que. ³⁸ Raqué bigueta' Josué, ne guirá' ca hua'chu' xti' Israel biguetaca' ne laabe ne gudi'dicabe neza Debir ne bidxelasaa necabe laaca. ³⁹ Laabe bitagunabe laaca ne xa ique xtica', ne guirá' ca guidxi ni nuu gaxha. Biiticabe laaca ne espada ne binduuxebe de guiraxixe miati' nabani raqué. Josué qui nusaana' nin ti nabani yati, casica laabe bi'nibe ne Hebrón ne xa ique xti', ne sacaca casi bi'nibe ne Libna ne xa ique xti'. ⁴⁰ Josué bitaguná' de guirpa' ca guidxi, ca dani, Néguev, ca layú la'pa' ne ca layú cue' dani, xti' guirpa' ca xa ique guidxi que, qui nusaanabe nin ti nabani yati. Bididébe guidubi naca guirá' ca miati' ni nabani, zaca casica SEÑOR NI NACA DIUXI xti' Israel ma bisaana gaca'. ⁴¹ Josué biiti laacabe ne espada dede Cades Barnea de yendabe Gaza ne guidubi guidxi Gozén dede Gabaón. ⁴² Josué bitaguná' guirá' ca xa ique guidxi di' tobisi tiru purti SEÑOR NI NACA DIUXI xti' Israel, bidxelasaa guni Israel. ⁴³ Raqué ru' Josué, ne guidubi Israel ne laabe, biguetacabe ra nabezacabe ndaani' Gilgal.