¹ Chatum xpuskat xkgawasa makatsinina, tasatilay tilakmilh Eliseo, tiwanilh: “Wa miskujni, kinchixkú, nilh, chu wix katsiya pi wa miskujni xpekwaniy PUCHINA. Lanchiyu minkgonit matajenanin nalinkgoy chatuy laktsu kilakgawasan la tachinin.” ² Chuna nchu Eliseo wanilh ama puskat: “ ¿Tuku tlan naktlaway mimpalakata¿ ¿Kakiwani tuku wix kgalhiya nak chiki¿ Wa xla wá: “Wa miskujni nituktsu kgalhiy nak chiki, xmanwa patum tlamakgn aceite. ³ Wanchu Eliseo wá: “Kapit kgapun kakakimakskiwa tlamakgn mililakatsu, tlamakgn tu nitu tajuma. Kkaskiwa chunta nimpalit natakgsa. ⁴ Chu napina natanuya nak minchikik na namakchuwaya mimalakcha chu milakgawasan, chu nakamatsamaya aceite putum tlamakgn; tununkg nakayawaya tlamakgn tu natatsamtilakgoy. ⁵ Chuna xla puskat makgaxtakli Eliseo chu malakchuwalh malakcha chu xkgaman. Xlakgawasan liminikgolh tlamakgn, chu xla kalimatsamalh aceite. ⁶ Akxni wa tlamakgn tatsamakgolh, wa xla wanilh xkgawasa: “ Kalita apatum tlamakgn. “ Wampi wa xla kgalhtilh xtsi, “Yalhtu tlamakgn.” Chu aya sputli aceite. ⁷ Wanchu xla lakmilh kskujni Dios. Eliseo wanilh, “ Kapit, kakista aceite chu nalixokgonana tuku liwla, wa tuku nakgataxtuy, nakalitalatapaya milakgawasan. ⁸ Milh kilhtamaku Eliseo xtlawama nak Sunem niku xwi chatum puskat matamakuna; xla puskat wanilh pi na an tawayan nak xchik. La makgatunu xtitlawan Eliseo anta, wa Eliseo xtitaxtuy anta xtiwayan. ⁹ Wa puskat tiwanilh xchixku: “Ukxilha, akit kukxilha pi wa ama chixku xa santujlani xla Dios wanti ankgalhin titaxtuy unú. ¹⁰ Natlawayaw aktum aktsu chiki talhman xla Eliseo, chu nawiliyaw nak xpulakni aktum putama, akgtum mesa, chu akgtum limakskgo. Chu akxni nakinkalakminan, wa xla anta natawilay. ¹¹ Axni chimpa kilhtamaku Eliseo taspitpa, waxla anta tilhtatapa nak chiki ¹² Eliseo wanilh Giezi kskujni: “Katasani Sunamita.” Axni xla tasanilh, wa xla anta tayalh nak xlakatin. ¹³ Eliseo wanilh xla ´Wix lu lhuwata titaxta takglhuwit kaxpalata kinkamaktakgalhpat kinin. ¿Tuku tlan nak tlaway mimpalakata? ¿Tlan kawa natakgalhchuwinanaw puxku mimpalakata o wa lakapuxkuna xla maktakgalhnanin?´´Giezi kgalhtinalh: “Kit kimakgtakgalhkgoy tachixkuwitat xalak kinkachikin. ¹⁴ Chuna nchu Eliseo wá: “¿Tuku chi tlan natlawayaw xpalakata?” Giezi kgalhtinalh: “Wa xla nitu xla xkaman, wa xchixku lu kgoltsina . ¹⁵ Chu Eliseo kgalhtinalh: “Katasani.” Akxni xla tasanilh, wa xla anta tayalh nak xa kilhtin malakcha. ¹⁶ Eliseo wá: “Wa uma kilhtamaku uma kata, a aktum kata, wix nakgaliya chatum skgata nak mimakán. “Nixlikana, kskujni Dios, ni kajskgawi miskujni. ¹⁷ Wampi wa puskat kgalhilh chatum skgata chu malakachinilh chatum kgawasa lax tanunita tununk kata, chuna lantla Eliseo xwaninit ama puskat. ¹⁸ Akxni wa kgawasa stakli, milh aktum kilhtamakú xla taxtulh kilhtin niku xlama xtlat, wa xla anta xkatalamá tuku xlakskujnanikgoy. ¹⁹ Wa xla wanilh xtlat: “Kiyakxekga, kiyakxekga.” Wa xtat wanilh kskujni: “Kalipini xtlat. “ ²⁰ Akxni wa skujni tiyalh liyanilh xtsi, wa kgawasa anta tawi nak laktsokgosni xtsi akxni tastunulh wa xla kgasa nilh. ²¹ Wa puskat tayalh chu tlamilh xkgawasa nak xputama kskujni Dios, malakchuwalh nak malakcha , chu taxtulh. ²² Wa xla tasilh xchixku, chu wanilh: “Katlawa litlan kakimalakgachannipi lakskujnin chu axnu, chuna chi tlan pala nak lakgan kskujni Dios chu pala nak kitaspita. ²³ Wa xchixku wá: “¿Tuxpalakata wix pimputuna lanchiyu¿ ni xaskgata papa lanchiyu nimpala sábado lanchiyu. Wa xla kgalhtinalh: “Putum tlan nakitaxtuy.” ²⁴ Wa kgatlapalh tantum axnu chu wanilh skujni: “Lakapala kapit: ni lakatsuku kiti lipina, chu akan pala kit nakuaniyan. ²⁵ Chuna xla alh, chu milh chixku kskujni Dios anta nak xakakiwin Carmelo. Chuna nchu akxni wa chixku kskujni Dios ukxilhli makgatku xminacha, xla wanilh Giezi kskujni: ²⁶ Aminachá puskat Sunamita, katlawa litlan lakapala kalakpit chu kawani: ¿Tlan tatakgsatit chu minchixku, chu minkgawasa¿´´´ Wa xla kgalhtilh: “Putum tlan wilatit”. ²⁷ Akxni xla kimanoklhulh kskujni Dios nak kakiwaín, xla laktakilhputalh nak xtuwan. Giezi talakatsuwilh xmapanuputun. Wampi wa kskujni Dios wá: “Kamakgaxtajti nikamaklhuwí, wa xla lu talipuwanima, wampi wa PUCHINA nitu kimakatsininit uma takglhuwit, nitu akimakatsiniy. ²⁸ Chuna nchu xla wá: “¿Akskinin chatum kgawasa, kimalaná? Anikuanin kit: ´¿Nikakikjskgawi? ²⁹ Chu Eliseo wanilh Giezi: “Ka lhakgananti na kilhtayayaw tiji chu katiya ki lixtokgo. Kapit nak xchik. Pala wix natatanoklha chatum chixkú, ni naxakgatliya, chi pala wi tiku naxakgatliyan ni nakgalhtinana. Anta nawaliya kilixtokgo nak xla´kan kgawasa”. ³⁰ Wampi wa xtsi kgawasa wá: “chuna lantla wí PUCHINA, chu xlimakwa wix wíla, kit nik timakgaxtaknin.” Chuna nchu Eliseo tayalh na stalanilh. ³¹ Giezi lakapala kapulanilh chu wa lixtokgo walinilh nak xla´kan kgawasa, wampi wa aktsu kgawasa ni chuwinalh na ni kgaxmatli, chu Giezi laktaspitli Eliseo chu wanilh: “Wa kgawasa ni lakgawan.” ³² vAkxni Eliseo lakapalhli nak chiki, wa kgawasa ay xninit na antaku xma nak putma. ³³ Chuna nchu Eliseo tanulh, kamalakchuwalh nak malakcha chu tachiwinalh PUCHINA. ³⁴ Wa xla tawakalh chu anta laktamalh kgawasa; anta walilh xkilhni ,nak kilhni kgawasa, chu xlakgastapu anta walilh nak xlakgastapu kgawasa, chuxmakan anta walilh nak xmakan kgwasa talakstokli lax lakma kgawasa, chu xtiyat liwa kgawasa tsukulh tsitsijwan. ³⁵ Wanchu Eliseo takilh chu tsukulh tlawan la nak xkilhtunin nak chiki na ti tawakapa laktamapa kgawasa chu talakstokgnpa. Wa kgawasa akjtixaknalh maktujun chu ay lakgawanalh. ³⁶ Chu Eliseo tasanilh Giezi chu wá: “Katasani Sunamita” chu xla tasanilh, chu akxni xla tanulh nak chiki, Eliseo wá: “Katiya minkgwasa.” ³⁷ Chuna nchu xla, anta tamacha nak xtuwan Eliseo chu kakilhputalh anta nak tiyat, chu tiyalh xkgawasa na tataxtulh. ³⁸ Wanchu Eliseo taspitpa amajktum litum nak Gilgal. Xwi tatsikstat anta tima kachikin, chu xlakgawasan palakachiwinanin anta xwilakgalh nak xlakatin. Chu xla wanilh kskujni: “ka wali patum tlamaklh nak lhkuyat na kalakaxtlawa liwat xlakan xlakgawasan palakachiwinanin. ³⁹ Chatum alh nak pukuxtu laki nalimin tuku anan. Takgsli uva xala kakiwin chu sakilh lhuwa nipxi xala kakiwin tu limatsamalh lhakgat. ⁴⁰ Chu xlakan majukgolh taliwan laki wa lakchixkuwin nawayankgoy. Xlimakgwa wá xla´kan xwayamakgolh, xalan pixtlanka chuwinankgolh: “Kskujni Dios, wi linin nak tlamank!” Nilay wayankgolh tlakg lhuwa. ⁴¹ Wampi wa Eliseo wá: “Kalitantit aktsu harina.” Wa xla majulh nak tlamank chu wá: “kakamajuntit tachixkuwitat, lakimpi tlan nawayankgoy.” Yalhu xanan linin nak tlamank. ⁴² Chatum chixku milh anta nak Baal Salisa, tilakmilh kskujni Dios tiliminilh makpuxam kaxtilanchu xla sebada, tu lu pulana timakgalalh, chu limilh xasasti trigo. Xla wá: “kakamaxki uma tachixkuwitat lakimpi tlan nawayankgoy.” ⁴³ Wa kskujni wá: “ ¿Lantla nchu tlan nak kalkgawiliy uma akgtum ciento lakchixkuwin¿ Wampi Eliseo wá, kakamaxki uma lakchixkuwin lakimpi wa xla´kan tlan nawayankgoy, xpalakata chuna wan PUCHINA: Wá xla´kan nawankgoy chu na nakakgataxtuniy.´´´ ⁴⁴ Wa kskujni walilh nak xlakatinkan lakchixkuwin: xla´kan wayankgolh, na akgataxtulh chuna lalh lantla chuwinalh PUCHINA, kgantaxtulh.