¹ Axni wa PUCHINA xlakaxwalinit naliyan Elías nak akgapun, wa Elías titalh Eliseo nak Gigal. ² Elías tiwanilh Eliseo: “ Unu kamakgaxtakty, katlawa litlan, xlakata wa PUCHINA kimalakgachama nak Betel.” Eliseo kgalhyinalh: “Chuna lantla lamá PUCHINA, nachuna lantla wix lapat, kit nik timakgaxtajnin.” Chuna nchu ankgolh nak Betel. ³ Xkamankan makatsininanin)…. tiku xwilakgolh nak Betel lakgankgolh Eliseo chu tiwanikgolh: “ ¿Ay katsiya pi wa PUCHINA naliyan mimalá lanchiyu¿” Eliseo kgalhninalh: “Katsiy, wampi nikalichuwinanty uma.” ⁴ Elías wanilh xla: “Eliseo, unu kinkgalhkgalhi, katlawa litlan, xpalakata wa PUCHINA kimalakgachama nak Jericó.” Chu Eliseo kgalhtinalh: “Chuna xla laku lamá PUCHINA, chu wix laku lapat, kit nik timakgaxtajnin. “Chuna lakxtum akgolh nak Jericó. ⁵ Chunanchu xkamankan makatsininanin) tiku ankgolh nak Jericó, lakmimkholh Eliseo, tiwanikgolh: “¿Ay katsiya pi wa PUCHINA lanchiyu nalin mi malaná¿ “Eliseo kgalhtinalh: “ Katsiya, wampi nikalichuwinanty uma.” ⁶ Awenchu Eliseo wanilh: “ Unu katamakgaxtakty, katlawa litlan, Wa PUCHINA kimalakgachama nak Jodán. “ Eliseo kgalhtinalh: “chuna lakú lamá PUCHINA, chu wix lapat, kit nik timakgaxtajnin.” Chunanchu lakxtum ankgolh xchatuykan. ⁷ Aya xkgotanuma, tipuxamakaw xkamankan makatsinanin)….makgat titachokgokgolh; xlimakgwa xlakan xchayuykan na tatxkgokgolh nak Jordán. ⁸ Elías tiyalh tuku xlitakgatlapay, kgaswitli na lisnokli chuchut. Titapapitsilh na pulakyuy tiwa, chunanchu tlan titaxtukgolh nak xa kaskakni tiyat. ⁹ Akxni xlakan xtaxtukgonita, wa Elías tiwanilh Eliseo:”Kakinkgalskinti tuku tlan nak tlaway minpalakata xlimakgwa ya kimapanukan nak milakatín.” Eliseo kgalhtinalh: “Katlawa litlan kamasta talakaskin pi pulaktuy xlakata mi spiritu kakilakmilh:” ¹⁰ Elías kgalhyinalh: “Wix skinty tuku lu tuwa. Lapi wix naki ukxilha akan nakilinkan, chuna nakantaxtuy, palapi nichuna nchu, wamputum pi chuna katikgantaxtulh.” ¹¹ Xlimakgwa wa xla kán xamakgolh xkgalhchuwintilkgoy, akgtum putlaw xla lhkuyat chu kawayus xla lhkuyat titasyulh, wa tiku kamapitsilh chatuy lakchikuwin la chatunu, wa Elías tawkalh nak akgapun. ¹² Eliseo ukxilhli pixtlanka chiwinalh: “¡Kintlati, Kintlati, wa putlaw xalak Israel chu lakchixkuwin makayujnanin!" Chu yalh maktum uxilhka Elías; Wa tiyalh klhakgat, lakxtitli maktuy tlawalh. ¹³ Wa xla sakilh tuku xlitakgatlapay Elías wantu xkgataktanit, na titaspitli anta titayalh nak xkilhtun Jordán. ¹⁴ Wa xla, lisnokli chuchut tuku xlitakgatlapay Elías wantu tikgataktalh, chu tiwa: “ ¿Niku nchu wi PUCHINA, x Dios Elías?” Akxni xla snokli chuchut, titapapitsilh pulaktuy, chu Eliseo tipunataxtulh. ¹⁵ Akxni xlakgawasan makatsinanin tiku xyakgocha nak xakgalhpatu Jericó tikxilhkgolh, xla´kan tiwankgolh:”¡Wa kspiritu Elías lijaxma Eliseo¡” Chuna xla´kan minkgolh talamanokglhokgoy, laktakilhputakgolh nak xlakatin. ¹⁶ Wa xlakan wanikgolh: “Uma wilakgolh tipuxamakaw lakchixkuwin laktliwakgan, nak xlakstipan milakskujnin. Kaskiniyan litlan pi xkamalakgacha nankgoy putsakgoy mimalaná, Champala wa kspiritu PUCHINA liyalh na timakgalh pala nak sipi.” Eliseo kgalhtinalh: “Nikakamalakgachatit.” ¹⁷ Wampi wa xla´kan xkilhwamakgolh, pi wa Eliseo maxanalh, wa xla wá:” kakamalakgacha.” Alistalh xla´kan malakgachakgolh tipuxamakaw lakchixkuwin, aktutu kilhtamaku putsakgolh, wampi ninitakgskgolh. ¹⁸ Xlakan laktaspitpalakgolh Eliseo, xlimakgwa wa xla anta xtatakgsa nak Jericó, wa xla kawanilh:” ¿Ani kgwanin wixinin: ´pi ni napinatit? ¹⁹ Wa lakchixkuwin xalak kachikin wanikgolh Eliseo: “Kamakatsiniyan tuku lama, anta niku tataksa kachikin, lu lilakgatit, chuna laku ukxilha ki malaná, wa chuchut nilakwan, chu tiyat nimastay xa tawakat. ²⁰ Eliseo kgalhtinalh:”Kakilitanitit patum tlamakg xa sasti na kamajutit matsat,” chu xla´kan liminikgolh. ²¹ Eliseo taxtulh kgapun niku wi taxtuna xla chuchut chu tilakmakalh matsat, chuna xla tiwá: “WA PUCHINA noyma wan: ´Kit kmapaksanit uma chuchut. Lanchiyu, chu tu mimacha kilhtamaku, yahl katiyanalh linin ,chu tiyat tuku ni mastay xa tawakat.´´ ²² Chunanchu wa chuchut pakskgolh tima kilhtamaku, chuna lantla ti chuwinalh Eliseo. ²³ Alistalh wa Eliseo xaksputma, alh anta nak Betel. Xlimakwa wa xla xaksputma nak tijí, taxtukgocha kaman nakachikín chu likgalhgkgamanankgolh Eliseo: wa xla´kan wanikgolh: “¡Kapit, katawka, wix akglhpimpili, “Katawka, wix akglhpimpili¡” ²⁴ Eliseo talkgaspitli na kawxilhli; wa xka kawanilh tuku nitlan tachiwin nak xtakuwini PUCHINA. Chu tantuy oso xa laknatsitna taxtukgocha kakiwin, kalaktsakgawalikgolh tipuxamatuy lakgawasan. ²⁵ Alistalh wa Eliseo alh nak Monte Carmelo, Awen chu ti taspitli nak Samaria.