1
26
Ali echi Juani ku nijewika jeaneli. nije pako echi bawi jiti.we nalina.tamuje yua ati bile mapu tiemi ke machi;
27
jena ju mapu nawama juba tami yua, ke risencia june mapu solonama echi correa binoi nila akarrachi."
28
Jena namuti ikili echona Betania echona chusiwina Jordan, napona Juani pakoli
29
Chesine rawe,Juani riwali echi Jesusi mulubewa binoi ali anili, Je nai ati echi ta Bowa Onoruami mapu e echi chati olalila jenai kawirali!
30
Jena ju nopi nije anili: Juba tami yua mawama bile Rijoi mapu ju bacha tami yua, nopiria nili bacha tami yua:
31
Nije ketasi machili, chopi rikaria nawaline pakomia bawi jiti mapurika Echi nima riwirtame echi Israeli.
32
Juani mawesali, anika: "Nije riwakine echi Riosi Iwikala nawagachi nopiria bile makawi chona ripana riwigachi jona ali chona Binoi yua asali.
33
Nije ke machili chopi echi tami juli pakonla bawi jiti,tami aneli: maponamo ritiwa. echi Iwiga nawame ali echona a tibisa echi ju mapo ni bichiwa pakola echi Iwiga jiti.'.
34
Nije ritei ali nawesine Jena ju echi Riosi Ranala."
35
Uche'sine, ba'alinla rawe, mapali Juani asali echi okua Jesusi anajatami yua,
36
Inesia Jesusi simirame, jeanili: Ine, echi ta'a Bowa echi Onoruami!"
37
Ali echi okua Jesusi anajatami akesa jeanichi namuti, anajatali echi Jesusi.
38
Chopi echi Jesusi ku rowili ali ineli , ali je aneli; "¿Pir ami?" Ali echika ku nijewika jeaneli; "BINERIAMI, (mapurika aniwame ju Binerami'),
¿come bite?"
39
Echi jeaneli; "Kina simasi ali riwibotomo". Li echi sili ali riwali come bitela; ali tibili Echi yua echali rawe, mapali ma aliwachi nili.
40
Bile echi okua kipuli echi Juani raichame ali anajatili echi Jesusi simili Andresi, echi rijimara Simoni Pegro.
41
Echi riwali bacha binoi rijimara Simoni, ali jeaneli; "Ma riwakite echi Onoruami" [mapurika aniwame ju Jesucristo].
42
Mapali pali binoi echi Jesusi yua. Jesusi ineli ali anili; "Muje ju echi Simoni, echi Juani ranala muje nima anerame Cefas''(mapurika aniwame ju Pegro).
43
Echali ba'alinala rawe, mapali Jesusi li machinili echona Galileachi, riwali echi Felipe ali aneli; ''Tami najati.''
44
Felipe biteme nili echona Betzaida, chona walu poblochi mapona biteli Andresi ali Pegro.
45
Felipe riwali echi natanael ali aneli; ''Ma' ti riwali chika nira osala Moisesi echi nulaliwame echi Riosi jiti nulerame ju ra'ichanala, Jesusi, echi Jose ranala nazaretachi biteami .''
46
Natanael je aneli; "¿A omerama jare namuti ala machina echona Nazaretachi?'' Felipe je aneli; "kina simi ali simika."
47
Jesusi riwali echi Natanael mulu beusiami Binoi yua.: "Inesi, bichiwali Israelita, mapo ke tasi akaleme ju!'
48
Natanael jeaneli: "¿kome jonsa tami machimo?" Jesusi ku nijewika jeaneli: "Ne bacha Felipe nimi bayeli mapali asalimo echona rale chunarili, Nije nimi riwakine."
49
Natanael nijewili: "¡Binerami, Muje ju echi Onoruami Ranala! ¡Muje ju echi Walula echona Israel!
50
Jesusi ku nijewili ali anili: "¿Chorika nimi aneki: Nimi riwakine echona rale chunarili,' jipe a bichiwimo? Namuti weli jena riwimemo.''
51
Ali binoi jeaneli ; "Ne bichiwali, Ne bichiwali tiemi nimi ane: Riwibotimo echi riwigachi iraptame ali echi Riosi kapitanuala jimame ali tikime ripana echona Riosi Ranalachi ."