2 ¹ Bakia rawe simirsa, niruli niwikuame echona Caná Galileachi ali echi Jesusi iyela echona si asali. ² Jesusi ali echi anajatami bayerami nili echona niwiluachi. ³ Mapali ma suwibali echi bajikuame, echi Jesusi iyela jeaneli: "aboni ke tasi niwi bajikuame. " ⁴ Echi Jesusi ku jeaneli: " mukui, ¿chosia tami yua nawa? mapurika ke cho seba mapali nije ku nawamare." ⁵ Iyela jeaneli echi nochami: "mapuyiri namuti nula chopi olasi. ⁶ Echona niruli usani sokoli rite jiti niwarame, nerame nili mapurika ku biwime niraa nima echi juriosi; ne ibili nira bochili kichaosa makowi ali bile ciento na makoi mali litrochi. ⁷ Jesusi jeaneli bochiwisi echi sokoli bawi jiti. echiria ma bochiwili japi isi ma ne bochisa. ⁸ Ali echiriga aneli echi nochami machipasi: "pi taa ali ierika echi tibuntame ali echirika olali. ⁹ Echi tibuntame pi ta bajili echi bawi uva jiti niwarami, we nalina ke tasi machili ko me jona parrami niili. ali bayeli echi apanero jeaneli. ¹⁰ Suwaba ralamuli rowa echi bajikuame we kala, we nalina ma simira bajisa pi ke nateami rowa. mujeko ne kala tibuli echi bajikuame jipi yenasi. ¹¹ Jena bacha riwirtami olali echona Caná de Galileachi, ali riwirli echi Jesusi omeruala, Echi anajatami a bichiwli. ¹² Ma che sine, Jesusi, ali iyela, itemuala,na Jesusi anajatami, tikinili echona Capernaúm echona a muchuli wika rawe. ¹³ Echi juriosi Omawala ma mulube sebali ali echi Jesusi simili echona Jerusalenachi . ¹⁴ Riwali echona templochi ralinekuame echi wasi, bowa, ali makawi, na riwali nakuliwame echi onomi mapu kiili muchuli. ¹⁵ Echiriga ma kariweli echi wiya ali karika machi juli echona pacha templochi muchuwame, ali echi bowa na wasi buyachili. Echi karika chijanili onomi mapu nakuliwa ichuli banika iluli echi namuti. ¹⁶ Aneli mapu ralinewa ichuli echi makawi: "machi wanasi jena namuti. ma riwesi ralinewa je nai nije Onola bitelchi. ¹⁷ Ali echi Jesusi anajatami natali mapuria osorua chukuli: "NIJE WE KALE ECHI MUJE KALILA, MAPURIA NIJE KALA MUKUME ECHI JITI NIRA." ¹⁸ Ali echi walubeala jawame juriosi ku nijeuka je aneli : "¿piri mi riwirika ola, mapurika mi ola jipi ? " ¹⁹ Jesusi ku nijewika jeaneli: " ku nosobusi jena templo, ali nijeko bakia rawe sika kuni wilasima. ²⁰ Ali echi waluala juriosi jeanilli: "¿binoi juli naosa makoi usani bami niwaya jena templochi , na mujeko bakia rawe sika ku sunima ?" ²¹ Echi ko chopi raichika anili echi aboi ripokala nira. ²² Echirika, mapali binoi ku wilisili echona mukuami jonsa, echi Jesusi anajatami ku natli mapu echanili, ali aboi ko bichiwili, ali bichiwili echi Osurutami na mapu Jesusi raichika isili. ²³ Mapali asali echona Jerusalenachi Omowaluachi echi pascuachi , wika aboi a bichiwali echi riwala mapali aboi riwirtami nili echi namuti mapurika ikili. ²⁴ Jesusi ke tasi ne kala niraali mapurika binoi machili ²⁵ Mapurika ke tasi wesi nowaleli ku ruga anema echi rijoi niraa, mapurika binoi kala machilii echi. rijoi niraa.