¹ Xani Goyakalu tokanu ginyegitlu Gonas, Gamitayi gwene , wane chinru . ² Pyotunatanu, tsrupokchi Niniwe pyanu punkaklewyegityapna. Girixanu gektutpotu kamrutatkana. ³ Seyni Gonasi yotunota rasukinripa Goyakalu yegiya Tarsi chinikowaka-ya.Gope chinikowaka -ya, wane rukshikyalo sato kanawa Tarsi yachropa. Wenutlo yagapgatinropa sure, ruptekatkalo kanawa Tarsi yinripatka, gowuka yinripatka Goyakalu yegiya ⁴ seyni Goyakalu yokanatlu tru kannipgeru tru wenu-ya ga wa kyowikolpotu rixatka. Tunkata gitspatgaletmaka wa kanawa. ⁵ Walatlo kamrurewatyachinni giglajitana retyawakluna kyowukolu ga wa yinuwaka saplewyegitluna royakalutna. Ga wa yinuwaka giknopjegletluna wa twunru wa kanawa tumkata gimlikletinripa.Seyni Gonasu gitokotlo potu yatka wane rumka potutya ⁶ Wane rixatka runa kanawa gitrukate wale yegi wane chinru."¿klu pumkanatya pixa ? ¡ pyotunotanu! ¡poyakalute psaplewyegitanu! patakxani wale gimkata gipxakletanwu wma mupninitipa. ⁷ Wane chinkakna pegnuruneko ginanu gipenoklu wkamrutanu, Wumatyaplu katu chinanni wa tye mugjetu giknogwu . wane rixatkana kamrutatkaluna gipenoklu, wane rujrukya Gonasu. ⁸ Waneklu wane chinruna Gonasu,"wuya wane pnawaka punkakanwu katu chinanu tye mugjetu giknogwu.¿Girni wa pkamrure ga wa ginaka giyakatyachriyi?¿Girni wa puchijne ga wa giru pokchi punya?. ⁹ Wane china Gonasu:Gitni gewreyno; Goyakalu pikachrino ,Goyakalu tengogne gajeru, wa tru wenu kamrutachri ga wa chiji". ¹⁰ wale chinanu yinni pnutpiklenatkana,wanechimruna gonasa ¿klu pkamruta? wanna yine gimata wa rasukinru goyakalu yegi-ya, giruxanu wane chinna Gonasu. ¹¹ wane chinruna Gonasu,"¿gi wixpokatanyi?, wa runkata gitukletinrupa wa tsru wenu shpurga. girixanu pnute yakpotu rixatka. ¹² Gonasu wane china,"koshchekanno giknokgatanno tsru wenu. Waneklu tsru wenu gitukashpurgatanu gixa chinanu.Numata gita chinanukni rawatka tye gichko mnipgelu gixa chinanu. ¹³ Gawa wala-tlo, kamrurewatyachinninkatka ganikgapotutni ruxpakinripna chiji , seyni wa tsru wenu pnutpotu rixa muchkonushpurgata. ¹⁴ wale chinanu saplewyegitluna Goyakalu wane chinna. wanjityi Goyakalu, wanjityi Goyakalu ,gi petashgipnaletanunwu wa tye yineru mukochire chinanu , girixanu pixa galukyawakni wane rixanu. ¹⁵ Waneklu koshchekanatkaluna wa Gonasni trsu wenu riknokgatanatkaluna waneklu rutuka shpurgantatka trsu wenu. ¹⁶ Waneklu yine pikatkalu Goyakalu .Wanna genekashlu rixyegitatkaluna Goyakalu, ga wa rutaknawana romkagityapluna. ¹⁷ Xani Goyakalu galpokyegitlu sato tsro shima wala niklokyaplu, wala nanwaka rawanata mapa gogne ga wa mapa yechno