¹ Ma' u kimactalao'ol, Israel, yéetel jach kimac'olal jen bix u jeel winko'obo. Men te'exe kebanchaje'éx, ta xump'ajtex Ku. Té'exe a yabilme'ex a tz'ake'ex u bo'olal jun tu'ul xpac keban tu'ux cu p'u'uchul trigoo. ² Ba'ale lu t'o'olil tu'ux cu p'u'uchul trigoo yéetel le trapi'icho mix táan u tsentalo'ob, le tu'umben vinoo yan u p'aatal minantio'ob. ³ Ma'bíin cajlaco'ob tu lu'umi' Yuumtzil; tu je'ele', Efraine' bíin suunac Egipto yéetel jun p'eel' kíine yan u jaant'ko'ob k'ak'as jaana' tac Asiria. ⁴ Leti'obe ma' bíin u weko'ob u siiba'lil vinoo ti Yuumtzil, mix xan leti'obe cu utz'talo'ob tu táan. U quiimsbil ba'alche'obe cuj suutu' tio'obe bey u jaanlil yaaj'olal: tu lacaj bax bíin un jaanto'obe yan un k'a'aslo'ob. Le u jaanlo'obo cheén u ti'alo'ob; ma' bíin talaco'ob tu kulnaj Yuumtzil. ⁵ ¿Ba'ax bíin a beete'ex tu kiinil yeya'an kiinbesaj, tu kiinil kiinbesajil Yuumtzil? ⁶ Beey'tuno', ilej, ma leti'obe cu púudzulo'ob ti' le xu'ulsajó, Egiptoe bíin u muucho'ob, yéetel Menfise bínn u mu'uc'co'ob.Le laalo'obo yaan tu ti'atco'ob u taakino'on plata yéetel kiixoób bíib ch'upic u naajilo'ob. ⁷ U kiinilo'ob le jaadzo' taan u kuchul; u kiinilo'ob u yúuchul bo'olé tan u taalo'ob. Chá tu la'aka Israel ka' u yoitel tu laakal le ba'alo'oba. Le aj bóobato' ma' naat yéetel le máac yan sáasil tuucul ti'e' jun tuul winic ma' tu yóol yanilí. yó'olal u nuucuch k'eeban yéetel u nojoch p'eekil. ⁸ Le p'iil ichó leti'e aj ca'ananó u tial Ku yóokol Efraín. Le wíinco'obo cu meétco'ob leech ti', jeén tuux ka xíiké. ⁹ Leti'obe jach talam ká'a'schajo'ob jen bix tu k''iinil Guibeá. Ku ken u taas tu tuucul u kebano'ob yéetel leti'e bíin u jadz tu yo'olal u kebano'ob. ¹⁰ Yuumtzile cu ya'alik: ''ka' tin nuptáantaj Israele, bey u nuptáantaj uva'ob te xtocoy lu'umo. Bey u yáax ich higoe' bey uch kin nuptáanticoób u tatao'ob. Ba'ale' leti'obe kucho'ob ti Baal Peor yéetel leti'obe tu kububao'ob ti le suulakí paat'kuo. Leti'obe ca tu beetajuba'ob jach p'ecbe'eno'ob je'el bix le paat'kuo cu yaacuntico'ob ca'acho'. ¹¹ Jaalakil ti Efraín, u kiliichi' bíin xiknalnac bey jun túul ch'íiiche'. Ma bíin yaanac síijilil, mix yomcha'alil yéetel mix u láak u mejen paalalo'obi. ¹² Keex leti'ob u tasmo'ob paalale', tené bíin in bistio'obe yoolaj mix jun túul cu pat'li'i. ¡Yaj ti leti'ob le quéen in tzelimbáa ti'obe! ¹³ Te'ene tzin iilik Efraín, bey yanic Tiroe, u pákmubá in cool , ba'ale' Efraine bíin u bisic u paalalo'ob ti maax cu quinsco'ob." Dzáatio'ob, YUUMTZIL-- ¿ba'ax bíin a dzáatio'ob? ¹⁴ Dzáa te xcolelo'ob juun péel' che zijza'ajil tu jobnelo 'ob yéetel u yiimo'obe ma' un dzáaco'ob lechee. ¹⁵ ''Tu yo'olal tu la'acal u keebano'ob Gilgal, tuux chu'un in chapektico'ob. Yo'olal u talam keebano'ob, Teene' bíin in jóoso'ob tin wotoch. Ma' bíin in ca'a yaabilto'ob; u nuuquilo'obe má tu yu'ubico'ob táan. ¹⁶ Efraine juun p'eel' c'o'ojanil, yéetel u motzo'obe tikintak; leti'obe ma'un ichanquililo'ob. Bey xan ma' yaan u paalalilo'ob, Teen bíin in beet u quíimilo'ob''. ¹⁷ In Kue yaan u naachcunsico'ob tumen leti'obe ma'tu ch'en xiquinto'obi. Leti'obe yan u suutlo'ob aj máanaco'ob saatalo'ob ichil u láak caajo'ob.