¹ U kajnaile;ex Israel, te'exe' u'uye'ex, u t'áan Yumtsil. Yumtsile' yan jump'éel takpol ta yóosale'ex, u kajnalile'ex le lu'umo', tumen waye' bey mina'an u jáajil wa u tojkuxtalil le nup't'áano', bey mix xan kájóoltan yumtsile'. ² Jach yan konochi', tus, kinsaj, óokol yéetel pak' k'eban. U kajnalilo'ob le lu'umo jach ts'óok u k'uchulo'ob tu xul, kinsajil yóosal kinsajil. ³ le óolale' le lu'umo' tan u tíjil, yéetel u kajnalilo'obe' tan u ts'o'koltió'ob; u áalak'iloób le k'áaxo', yéetel le ch'íich'o'obo', beyxan u káayil le k'áanabo', tan u kíimilo'ob. ⁴ ba'ale' ma' cha'ike'ex ti mix júuntul u tal takpóol; ma cha'ike'ex ka tak u takupóol u jel winik. tumen te'ex aj k'ine'ex kin takik a póole'ex. ⁵ Te'exe aj k'ine'ex ma'u'uyajt'ane'ex bul k'íin; le ajbobato'bo' ma'u'uyajt'ano'ob ta wéetele'ex buláak'ab, ten tune' yan in ts'o'oksil ti' Israel bey a na'e'xe'. ⁶ in káajale' tan u ts'o'oksal ti' tumen mina'an u k'aj óolal. Tumen te'exe', ajk'ine'ex, ts'o'ok a pulike'ex le k'aj óolalo', ten tune' bey in ajk'ine'exe' yan in pulike'ex. Tumen te'exe ts'o'ok a tubsike'ex in wa'almajt'áan, kex a k'ujene'ex, ten tune' yan in tubsik a palale'ex. ⁷ bey u yabkuntikuba le ajk'íino'obo', bey ya'ab u k'ebantalo'ob tin tano'. Leti'óobe' tu k'exo'ob u kilíichilo'ob yéetel u su'lakilo'ob. ⁸ leti'óobe' ku ts'entikubao'ob yéetel u k'ebanil in káajalo'; leti'óob ku sen ts'ibotiko'ob tu yóosal u kébano'ob. ⁹ jel bix tin káajale' bey xan ti' le ajk'íino'ob; bin in jats' tulakalo'ob tu yóosal ba'ax tu metajo'ob; yan in sutik ti'óob ba'ax tu metajo'ob. ¹⁰ leti'o'obe yan u janalo'ob ba'ale' ma' chúuka'ni'; Leti'o'obe yan u pak' k'ebano'ob báale mixtan u yantal u palalo'ob, tumen ts'o'ok u nachtalo'ob ti' Yumtsil. ¹¹ leti'o'obe u yabiltmajo'ob le talank'ebano', le vinoó yéetel le tumben vinoó. ¹² in káajale' ku k'atbalo'ob ti' u k'ujo'ob de che', u kach che'o'obe' leti' tsik u na'ato'ob. Tumen jump'éel tukul ti' k'ak'ask'eban bisiko'ob. Leti'o'obe' tu betikubaob jel bix le x-pak'alk'ebano'bo ket ka u tojkinsej u kuxtalo'ob ti' u k'ujo'ob. ¹³ leti'o'obe ku kinsaj siba'lo'ob tu yóok'ol le ka'anal búutuno' yéetel ku tokiko'ob poom yok'ol le búutuno', beyxan tu yanal béek, koopo' yéetel laurel, tumen uts u bo'oy. la'tene', u palalch'upo'be' ku metiko'ob talank'eban, u yilbóobe' ku betiko'ob pak'keban. ¹⁴ tene' mixtan in jats'ik u chupulpalalo'ob wa tu ch'áaj u meto'ob talank'eban, mix xan u yilibo'ob, chen u méeto'ob pak' k'eban. Tak xan le xibo'ob ku ts'ikubao'ob u meto'ob le pak' k'ebano', leti'o'obe ku kinsaj sibalo'ob tu yóosal u pajtal u beetiko'ob le ba'ax k'aso' yéetel le xtalanpak' k'ebano'bo'. Bey xan le káaj ma' tan u náatike' yan u lubsa'aj. ¹⁵ Israel, kex tech ts'o'ok a beetik talank'ebane', mix Juda ka' k'ebanchajak. Téexe ma' bine'ex Gilgal; yéetel ma' bine'ex Bet Avén, yéetel ma' jalacht'ane'ex: "Bix u kajtal Yumtsil". ¹⁶ Israele' ma' tu yúubo'ob t'áani', bey juntul chan xch'upulwakax ma' tu yúubajt'áane'. ¿Bix tun xan Yumtsil kenu tase'ex janal su'uk bix le tamano'ob ti' jump'éel nojsúuke'? ¹⁷ Efrain tu much'uba yéetel patbilk'ujo'ob; cha'éex tu júun'. ¹⁸ Kex ts'o'ok u man u kaltalile', leti'o'obe layili' u beetiko'ob k'ebane'; u nojchil le káajo' u yabiltmo'ob le su'lakilo'. ¹⁹ Yan u tóobo tumen u xik' le íik'o'; leti'o'obe yan u sulaktalo'ob tu yóosal uch u béetiko'ob kinsaj sibal.