¹ Tete uximayatɨ teyunɨtɨ Hamatɨana, hapaɨna siere texewawirie imikieri yumamatsie xehɨ xeka itawe'erietɨ. ² Metsɨ Mɨkɨ pɨhaine: ''KEPAUKU AIXɨ TI'ANEKAI NE NEXEU'ENI, HAPAɨNA TUKARI WIKWESTɨARIKA MAYA'ATSIE NE NEXE'UPAREWI.'' Xeunieri, hikɨ kahɨkɨtɨni aixɨ ti'anetsie. Xeunieri, hikɨ kahɨkɨtɨni wikwestɨarika tukari. ³ Ni xeime hɨxie tete tekwatayeni metiwitsenikɨ, mɨta tame pɨtekwatehauyahɨwa aku ta'uximayatsika tatawe'eriwa. ⁴ Ta'aurie mawetse pɨta, tata'inɨatatɨwe ke'ane tehɨkɨ aku kete'tekahukɨ, kename Kakaɨyari uximayatame tehɨkɨ. Tehɨkɨ Mɨkɨ uximayatame waɨkawa tete'ukanenewietɨ, hamauyuhɨaweni, heiwata hayuheiwerieka, ⁵ hetiweiwani, hamantahɨiyani, hamaunamieni, hamutikerieni uximayatsika tɨrɨkaɨyemetsie, tɨkarikɨ tekakutsutɨ, ha hauhakamɨtɨ, ⁶ yatɨtɨ aixɨ te'ane, tete'akumate waɨka, tekwayumexɨitɨa Mɨkɨ xeikɨa te pitakwewie, waɨkawa texehauyahɨwa, Espirutu Santo'tsie. ⁷ Tehɨkɨ nɨ'aritsixi niuki tekuxatani yuri hɨkɨ Kakaɨyari tɨrɨkariyaya'kɨ. Temeixeiya teyunama aixɨ anyinemekɨ ta'mama tserie hapɨna ta'utata. ⁸ Tame tete uximaya eiwa teɨteri paleku metatsi xeiya heiwa'ta hawaikɨ, heiwa meta tewawirietɨweni, heiwata paleku metateku eriyani. ⁹ Tame tete uximaya wa'atɨ xeiwitɨ katatixexeiya hapɨ, akuxi paleku texexeiyarɨwatɨ. Tame tete uximaya wari tetekuwikwewetɨ mɨta ¡xekeneunieri! akuxi tepayeneniere.Tame tete uximaya tɨrɨkaɨyemekɨ wa'atɨ tete apine yɨkɨ tetekahutɨ, ayɨweka ta tukari tekwanawaiyariewe. ¹⁰ Tame tepu uwa teyuheiwerietɨ, yaxeikɨa'ta waɨka teyutemamawie, tame wari teteyɨa, hipameta waɨkawa mete hexeiyame tewarayeitɨa. Pɨtete uyuxexeiya wa'atɨ tixaɨ tekate hexeiya, masi'ta naime tetehexeiya. ¹¹ Tame tekuxata naime yuri manyɨne Corintios'tari, mɨta ta iyari panta yepie xehapaɨsta. ¹² Tame paleku aixɨ texetehau'eriya, xemeta hawaikɨ paleku xekwa tate hau'eriya. ¹³ Hikɨta pɨti anenikeyu paleku teteyuku eriyani tehauyuyahɨatɨ, tɨri wahapɨ nexetikuhɨawe, yu iyari xenantayepiexɨa ya xeikɨa tetehau'yu nake'erieka. ¹⁴ Xekwa akuwɨka iya wamatɨa yuri me kwate erie. Ke hapɨ ¿me'te yunɨ'ɨ aixɨ manyɨne'kɨ, tsiti anematɨa? ¿Mɨta meteyu iyata hekɨariya'matɨa yɨwiriya? ¹⁵ ¿ Meteyu iyata Cristo matɨa Belial? ¿ Tita meteyuyatuirie yuri ti eriematɨa iya yuri kwa tierie matɨa? ¹⁶ ¿Mɨkɨta kemete hauyuku hana Kakaɨyari xirikieya matɨa yusite? Kari'kɨ tame tehukɨtɨni Kakaɨyari mayaniere xirikieya, aku Kakaɨyari pɨmutayɨ: ''WAHAMATɨA NE KAYARɨNI METASIERE WAHAMATɨA NE MUYEIKANI. NE NEPAYANI WA KAKAɨYARI, MɨKɨTA MAPAKɨNE NE KIEKARI.'' ¹⁷ Ya umieme'ta: ''XEKENEWAYAKɨNɨ WA HATSɨA, WAXEKENEU ɨRI,'' pɨ paine Ukiyari. ''TI MAIWEME XEKWATEKU MAɨWANI, NETA PALEKU NEXE ANKWEWIENI. ¹⁸ NE NEPAYANI YAUKAME XE HAPAɨSTA XEMETA NENIWAMA XEPAKɨNE,'' pɨ kanaineni Ukiyari kunie titɨrikaɨye