¹ Tame tete'akumate kename ta'waiyarikɨ kwiepa temu'uwa ta'unanrieni, tame temeixeiya Kakaɨrari kiya. Mɨkɨ ki teɨteri wa'mamatekɨ kwawewiya, pɨ'ta ki ka'uniwetɨ ta'heima mieme. ² Mɨta ana'i kwiepa ta'kie tame tepiwawirie, pɨteteku'eriwatɨ kename tetehautaniɨtɨatɨka ta'heiama miemekɨ. ³ Tame ikɨ pɨtetenake'erie kepauku tete'anakapinitsie tekwakaxeiyarieni tehauxetatɨ. ⁴ Mɨta siere, mexi akuxi tame ana kwiepa teti'teni, tepiwawa, siere tetsewiximarietɨ. Tame pɨtekwatehauyahɨwa temauxetaka. Pɨta, pɨtete'hauyahɨwa kemari tete'anakapika, pɨta aku ke'tita timɨwe tukarikɨ pa'iwarieni. ⁵ Ke'ane aku tatsuku ha'aritɨa ikɨ yamanyinetsie Kakaɨrari tiuyuri, aku siere Espiritu tatsiyatuiri aku mekaxewiriyaxɨ tita uxa'a warei rakamie. ⁶ Ya'umiemeta, yuri xetene'erieka. Xetenakumaika mexi akuxi tawaiyarikɨ teu'uwani, tame Kakaɨyari hatsɨa teputewani. ⁷ Mɨta tame yuri eriyarikɨ tepu'huni, hawaikɨta tita tetexeiyakɨ. ⁸ Mɨta tame yuri tete'erie. Tame pɨtetehauyahɨwatɨtɨ tawaiyari watehaukahɨatɨ temu'uwani mɨta Kakaɨyari matɨa temu'huni. ⁹ Ya'umieme tame yateyɨa tepanti'axɨani, tame tsepa temu'uwa yata temumawe, aku Mɨkɨ aixɨ tetehau'eriyanikɨ. ¹⁰ Mɨta tame tanaitɨ Cristo hɨxie teti'uni tetixanetsieni, aku yuxexuitɨ yumamatsie metehɨni kemeteka'kɨkɨ yuwaiyaritsie, aixɨ renyinemekɨ yata tsiranyinemekɨ. ¹¹ Umaniere'ta, teteakumaitɨri Ukiyari tetexietɨ, tame teɨteri tewayatuirie aixɨ mayine. Tita tetehɨkɨ hekɨakamekɨ Kakaɨrari tatsixeiya. Ne netikwewie siere paleku hekɨaka xeme xehepaɨsta. ¹² Tame pɨtehaitɨkaitɨ tekwahaitɨka texe a'iwa tawari pɨxetate xeiyanikɨ aku kename teɨteri tekate itawa. Ta'aurie mawetsekɨ pɨta, tame texeyatuirie heiwa tiuyɨ xemauyutemawieka tahepaɨsta, aku xeme xemeixeiyanikɨ niuki aku ke'ane iyamexi mamuyu'ɨ kementekahukɨ, mɨta hawaikɨ yu iyaritsie tita metehexeiya. ¹³ Mɨta xɨka tame terukutsixitɨni, ikɨ yate anene Kakaɨyarikɨ te'anene. Mɨta xɨka tame aixɨ tetekahuni, karikɨtsɨ xeme xehepaɨsta te'aneneni. ¹⁴ Mɨta Cristo nake'eriyarika pɨtatinɨ'a, mɨta tame pɨteteku'eriwa ikɨ itsie: kename xewitɨ tewi u'mɨ yunaimetsie, mɨta, ya'umieme, yunaitɨ mepukwi. ¹⁵ Mɨkɨ pu'mɨ yunaime watsie, aku ke'ane iyamexi mamayeneniere makwa u'uwani yu'hetsie mieme pɨta Iya ke'ane mɨkɨ wareunake'erietɨ mu'mɨ mɨta makuke. ¹⁶ Ya umieme, hikɨ umautiyune tame xeime tekwatewawiriene aku teɨteri mete u'huhapaɨ, aku siere tamem kepauku heiwa pɨtemutiyɨ Cristo hepaɨsta. Mɨta hikɨ tame xeime tekwatewawiriene aku yamayinetsie. ¹⁷ Mɨta, xɨka xewitɨ Cristo'tsie rawiyani, mɨkɨ hɨkɨ hekwamekɨ mutinuiwaxɨ. Mɨkɨ kentiuka iyarikai tiuku mawirixɨ. xeunieri, mɨkɨ hekwatɨ rakɨne. ¹⁸ Ikɨ naitɨ yamanyine Kakaɨyari tipinieya. Mɨkɨ tatsi utinɨitɨa yuhamatɨa Cristo'tsie hakune siere, mɨta tatsiyatuiri uximayatsika nɨitɨarika. ¹⁹ Ikɨ'i puhɨkɨ, aku Cristo'tsie, Kakaɨyari tatsinɨitɨa Yuhamatɨa aku kwiepa teta'ma, hetɨmaiyatɨ wata'takuri mɨkɨ wahepaɨsta. Mɨkɨ ta'hetsie piti'pine niuki aku nɨitɨarika. ²⁰ Mɨta tame pɨtete uterɨwarɨwa Cristo nɨ'arimama, pɨhekuyitɨ wa'atɨ Kakaɨyari tatiwawirie waɨriyarika tame tahepaɨsta. Tame'ta texewawirei xeme, Cristo tatsihauyahɨwakɨ: "¡Xeteneuyuyahɨwiri Kakaɨyari matɨa!" ²¹ Mɨkɨ tiuyuri Cristo mayani mumierie tatatakuri hetsie. Mɨkɨ heiwa tatakuri kwatiuyupitɨa. Mɨkɨ yatikatɨa tame teyɨwawetɨ temakɨnekɨ aixɨ manyine Kakaɨyari'tsie.