6 ¹ Beytuno le YUMTZILÓ tu a'alaj ti Moisés: "Teaki teech ka uilik le baax le ken in be'et ti Faraón. Teeche yan a uilik le le'la, tumené leetie yan u cha'ak a biineex tu yetel u mu'ukil in k'aab. Tu olal u mu'ukil in k'aab, leeti yan un joosk'eexoob ti tu lu'um." ² Jajal Diose tu t'aaná Moisés ka' tu a'alaj ti: "Teene ten YUMTZIL. ³ Teen le maax chikp'a ti Abraham, ti Isaac yetel ti Jacob bey Jajal Dios yan tu la'akal u pajtalil; baale in k'aabaé, YUMTZIL, teené ma' u k'aajolmenó ka'achilí. ⁴ Teen xané tin wakunsaj jun péll nupt'aan yeeteloob, tu olal in dzaiktioob u lu'umil Caanan, u lu'umil tuux ma' kajlajoob bey u kajnoliloobe, le lu'um tuux kaach aj nunumoob. ⁵ Bey xan, teen' dzok in ch'enxikintik u áakam le Israelitaoobo le ma'axoob le Egipcioiloobo dzok'aan u palitziltikoob, yetel dzok in k'aajbesik In nupt'aan. ⁶ Tu olal tune, a'al te Israelitaoobo: 'Teen le YUMTZILÓ. Teen ken in jo'osoob ti lu palitsiló tumen le Egipcioiloobo, yeetel Teen ken in ja'alk'atoob ti tu pajtaliloob. Teen kin to'okileex yeetel jun p'eel chika'anil In pajtalil, yeetel nuukuch muuk'aan pajtalil pis'olal. ⁷ Teen ken in t'aascoob ti Teen bey in tiileexé, yetel Teené yan a jajal Dios keneex. Teexe yan a oikeexe Teen le Yumtzil a Jajal Dioseex, maax j'ooseex tu palitsilil le Egipcioiloobo. ⁸ Teen ken in t'aaseex te lu'um tin jalacht'antaj ti Abraham, ti Isaac yetel ti Jacob. Teen ken in ds'aj teex a ti'alteex. Teen le YUMTZILÓ. ⁹ K'atun Moisés ka tu a'alaj e le'lá ti le Israelitaoobo, leetioobe ma' tu ch'enxikintoobi tu yolal u lúubul olalí lu palitsiltaloob. ¹⁰ Beyó YUMTZILÉ tu t'aanaj Moisés ka tu a'alaj ti: ¹¹ "Xeen ka a'al ti Faraón, u ajauil Egipto, ka u cha' u bin u ya'abkach ma'akiloob Israel te tu lu'umó". ¹² Moisese tu a'alaj ti YUMTZIL: "Wa le Israelitaoobo ma' u ch'enxikintenoobi, ¿Baen tun le Faraono yan u ch'enxikinten, tumen teene ma' maaloob in t'aaní?" ¹³ Le YUMTZILÓ tu t'aaná Moisés yetel Aarón. Leetie tu dza'aj jun p'eel k'uben u ti'al le israelitaoobo yetel ti Faraón, u ajauil Egipto, u ti'al ka' u josoob le Israelitaoob te tu pachil u lu'umil Egipto. ¹⁴ E leelooba letioob kaach u ajpolaloob ti u najiloob u yumoob: u paalal Rubén, le u yaax paal Israel, leetioob Hanóc, Falú, Hezrón yetel Carmi. E le'looba leetiob ka'ach u uuchben ch'i'ibaliloob Rubén. ¹⁵ U paalal Simeón leetioob Jemuel, Jamín, Ohad, Jaquín, Zohar yetel Saúl, u paal jun t'uul xcananeaí. E le'looba leetiob ka'ach u uuchben ch'i'ibaliloob Simeón. ¹⁶ Way tuné tuux task'unta'an u k'aabaoob u paalal Leví, u múul yetel u ch'i'lenkaboob. Leetioobe Gersón, Coat yetel Merari. Levíe kuxlaj tak 137 ja'aboob ti. ¹⁷ U paalal Gersone leetioob Libni yetel Simei. ¹⁸ U paalal Cohat leetioob Amram, Izhar, Hebrón yetel Uziel. Cohate kuxláj tak 133 ja'aboob ti. ¹⁹ U paalal Merarie leetioob Mahli, Musi. E lelooba tu be'etubaoob u uchben ch'i'ilencabiloob ti le Levitaoobo, u múul yetel u ch'i'ilencabiloob. ²⁰ Amrané ts'o'kunbeel yetel Jocabed, u ki'ik u yuum. Leetie tu dsa'aj ti Aarón yetel Moisés. Amramé kuxláj 137 j'aaboob ka ki'imi'. ²¹ U paalal Izhar leetiob Coré, Nefeg yetel Zicri. ²² U paalal Uziel leetioob Misael, Elzafán yetel Sitri. ²³ Aaroné ts'o'kubel yetel Eliseba, u xpaal Aminadab, u ki'ik Naasón. Leetié u dsa'aj ti Nadab, Abiú, Eleazar yetel Itamar. ²⁴ U paalal Coré leetioob Asir, Elcana yetel Abiasaf. E lelooba tu be'etubaoob u uchben ch'i'ilencabiloob ti le Coreítasoobo. ²⁵ Eleazar, u paal Aarón, ts'o'kubel yetel jun t'uul u xpaalal Futiel. Leetie tu dza'aj ti Finees. E le'looba leetioob u ajp'oolaloob u najil u yuumoob ichiloob le Levitaoobo, u múul yetel u ch'i'ilencabiloob. ²⁶ Le k'aatuul ma'akooba leetioob Aarón yetel Moisés maaxoob YUMTZILÉ tu a'alaj: "J'ooseex le Israelitaoobo tu lu'umiloob le Egipcioiloobo, yetel u m'uuch baatel maakiloob." ²⁷ Aarón yetel Moisese tu t'aanoob Faraón, u ajauil Egipto, u ti'al ka u cha'aj u j'ooscoob le Israelitaoobo ti u lu'umil Egipto. E leelooba la'ili leetioob Moisés yetel Aarón. ²⁸ YUMTZIL tun ka' tu t'aanaj Moisés tu lu'umil Egiptoe, ²⁹ Leetie tu a'alaj ti: "Ten le YUUMÓ. A'al ti Faraón, u ajauil Egipto, tu la'akal baax ken In a'al ti teech. ³⁰ Baale Moisese tu a'alaj ti YUMTZIL: "Teené ma' uts in t'aaní, ¿Baen tun le Faraón ken un ch'enxikintenó?