7 ¹ YUMTZILÉ tu a'alaj ti Moisés: "Ilej; Teené dzc in meetkeech bey jun tuul diose u ti'al Faraón. Aaroné, a suku'un, ku' beetkuba teech ajbobat. ² Teech ken a a'al tu laakal baax ken in tsolteech u ti'al a a'al. Aarone, a suku'uné, ku t'aanik Faraón u ti'al leetie ka u cha'aj u jook'ol tu lu'um u ka'ajil Israel. ³ Baalé Teen ken in dzuikunstun u puksi'ik'al Faraón yetel Teen ken in esteech yabkach u chikulalil in Pajtalil, yabkach jak'am olaliloob tu lu'umí Egipto. ⁴ Baalé Faraone ma' u bin u ch'enxikinteex, bey tunó Teen ken in dza' in k'aab yokol Egipto yetel ken in jossoob in ajbateiloob, in k'aajal, u chi'ibaloob Israel, pachil ti u lu'umil Egipto yeetel u nuukuch meyajiloob j'aads. ⁵ Le egipcioiloobo yan un ojeltkoob Teen le YUMTZILÓ le ch'een in chuk'pachtoob te Egiptoo yeetel ka' in jo'osik le israelitaoobo ichiloob." ⁶ Moisés yeetel Aaroné tu meetoob beya'; Leetiobe tu meetoob jach jen bix YUMTZIL tu k'ubental ti'oob. ⁷ Moisese ochenta ja'boob tí yeetel Aaroné ochenta y tres jaboob tí le ka' tu t'aanoob Faraón. ⁸ YUMTZILÉ tu a'alaj ti Moisés yeetel ti Aarón: ⁹ "Kéen Faraón u a'alteexe: 'Beteex jun p'eel nojoch chik'ulaj', teech ka a'alik ti Aarone: 'Ch'a le xolteo pikchinte tu t'aan le Faraono, u ti'al ka sutuk jun tuul ka'ani."' ¹⁰ Bey tunó Moisés yetel Aaroné biinoob tuux yan Faraón, leti'oobe tu metoob jach jen bix YUMTZIL tu k'ubental. Aarone tu pikchintaj u xolte' tu t'an Faraón yetel u meyajoob, le le'lá sut jun tuul ka'ani. ¹¹ Ka'tune, Faraone tu t'aanaj xan u ajnaatoob yetel u ajpulyajoob. Leti'oobe tu beetob xan yetel u ajmeniloob. ¹² JUjuntúul wínke tu pikchintaj u xolte, le xolteoobo sutoob kanil. Baale u xolte Aarone tu luk'a u ka'anoob letioob. ¹³ Lu puksi'ik'al Faraone dsuikunsabij leti'e ma' tu ch'enxikinti', jach jen bix YUMTZIL tu a'alaj. ¹⁴ YUMTZILÉ tu a'alaj ti Moisés: "Lu puksi'i'k'al Faraone talam ts'u'uy, leti'e m'a u yootik u cha'aj ku bin le kaajo. ¹⁵ Xeen ti Faraon jatscab k'iin chen xiik leti' te ja'o. wa'alen jaal le xelja'o u ti'al a nuptaantik, yetel ch'a ta k'ab le xolte suutik kaano'. ¹⁶ A'al ti leti: YUMTZILE, u jajal Dios le Hebreosoobo, dsoc u tuxtiken ti teech in a'alteech: "cha'aj u bin in kajal, u ti'al u beytu k'ultikenoob te tokoy lu'umó. Tak teaki teeche ma' a ch'enxikintí.' ¹⁷ YUMTZILÉ a'alik beyá: 'Yetel le lelaj yan a k'ajoltik Teen le YUMÓ. Teen binkajen in lobilté u ja'il le xelja' Nilo yeetel le xolte yan tin k'ab yetel le xelja'o yan u sutul k'i'iki. ¹⁸ Le kayoob yan te xelj'ao yan u kímiloob yetel le xelja'o yan u tú'taj. Le Egipcioiloobo ma' u binoob u pajtal u yuk'oob lu ja'il le xelja'o."' ¹⁹ Beytunó YUMTZILÉ tu a'alaj ti Moisés: "A'al ti Aarón: 'ch'a a xolteo yetel tiich a k'ab yok'ol u ja'il Egipto, yetel yok'ol u xelja'il, alkabja'il, ets'ekbalja' yetel tu laakal tuux tu ak'al ja'. yolaj tu beyá u ja'iloobe yan u sutuloob k'i'ikí. Beet beyá yolal u yantal k'i'ik ti tu laakal u lu'umil Egipto, bey xan tuux ku' jeesal ja' ti ch'é yetel ti tuunich."' ²⁰ Moisés yetel Aaroné tu beetoob jen bix YUMTZIL tu kubentaj ti'oob. Aaroné tu lisaj le xolte yetel tu p'ucháj le ja' yan te xelja'o, tu tan u ich Faraón yetel u j'koosoob. Ta laakal u ja'il le xelja'o keex k'i'ki. ²¹ Le kayoob te xelja'o kíimoob yetel le xelja'o chun u túutaj. Le Egipcioiloobo ma' u pajtal u yuk'oob u ja'il le xelja'o yetel le k'i'ko ti'an tu laakal u lu'mil Egiptoe. ²² Baale u ajnatiloob Egiptoe tu beetoob xan u la'ili bey yetel u ajmeniloob, bey tunó lu puks'i'ik'al Faraone dsuykunsaab yetel ma' tu yotaj u ch'enxikintej Moisés yetel Aaroní, jach jen bix YUMTZIL tu a'alaj ku' úuchul. ²³ Bey tunó, Faraone sunajé ka bin tu najíl, Leti'e mix tak tu t'aanoltaj le jeelá. ²⁴ Tuláakal le egipcioobo tu páanoob tu suutul le xelja'o u ti'al u uk'ulkoob ja', baale leti'obe ma' beychaj u uk'ultikoob u ja'il xan le xelja'o. ²⁵ Úuk k'iin manoob ti le YUMTZIL tu ch'a'apachtaj le xelja'o.