¹ Asun´na, othuna wanrimaaka ni yoovekelaaka wamluku mwaha waale wira yoopwee. ² Maana kinvaha namoona wira ayenatja ahaanamfento nimluku, masi woohikhala nuutjuwelatja. ³ Vano, ahitjuweleehaka esariya yamluku, arweelaka othoonhera esariyaaya khayiihelatjenre esariya yamluku. ⁴ Vano kristu mweethihero okethelowosariya wa ooteene yoole naamini. ⁵ Kontha mosi nantikha mwaha wosariya en´mwa nketheloni, "mthu neethela esariya en´mwa nketheloni naahala okhala wosariya yeeyo. ⁶ Masi esariya en´mwa mowaamini en´himya: M´hiire wanrimaniwinhu: Tipani n´hala orwaa wiirimu?. ⁷ Wala tipani n´hala okhuruwa mpkha wooripela? ⁸ Masi en´himya esyani? Nuulumo niri wakhiviru ninhu mwaanomwimhu ni wanrimaniwinhu "n´na nuulumo nowaamini ninlalyeehu". ⁹ Vano nimalakweenhu mwalaphululaka yesu toko pwiya, ni mwathunaka wanrimaniwinhu wira mluku homun´wemliha mwa ookwa, n´naahala woopwaa. ¹⁰ Kontha nrima wathuna esariya, ni malaku yalaphulula wira yoopwee. ¹¹ Vano yowantikiya en´himya: "Ooteene nompheela yoole khan´hala opathihatjiya ehaaya". ¹² Vano khuuvo okawanyaatja matjudewu ni magregu, kontha apwiya yaayo apwiya aathu ooteene akhale thatjiri ni ooteene anonvuwiha. ¹³ Kontha ooteene anvuwiha ntjina naapwiya anaahala woopwaa. ¹⁴ Ankonvuwiha tjani yoole hin´mwaaminyaaya? Ni ankompheela tjani yoole hiiwaalyaaya wuulumiya? Ni ankowiiwa tjani hikhanle oophela okhomela?. ¹⁵ Ni ankookhomela tjani ahiveleelihiye? Toko tjantikhiyaaya: " Tjoopwanela enhaa tjayaale anlalya tjooreera tjonaanano". ¹⁶ Masi kahi wira ooteene yaahiiwa ehapari. Maana Isaias hiira: pwiya tipani aamin´ni mthaavanihu? ¹⁷ Vano waamini on´mwa ni wiiwanuuumo na kristu. ¹⁸ Masi mi kinaakoha: Ayenatja khayiiwatjale? Kweeli ntjuunayanihiiwanyaa etuniya yooteene, nimoolumwaaya mpaka wuumalani wotuniya. ¹⁹ Ohiya vaa, kinaakoha, Israel khaatjuwela? Yoopatjera, Mosi hiira, mi kinawuukumiherani ehatje wayaaleahiri elapo emotja; Eriyari wolapo emotja woohiiwananatja, mi kinkowuupatjapatjani nuuviruwa. ²⁰ Ni Isaias hiiwa yiiriyaka: Mi kipwanhiye naale ahinkitholathola; Kihothapa wa yaale yaakikohakoha. ²¹ Wa Israel yena hiira: Nihuku noteene kaahotaphula matataaka mwansovo oohiiwelela ni oohithuneethu.