¹ Hili lilikuwa neno ambalo lilikuja kwa Yeremia kuhusu Wayahudi wote walioishi katika nchi ya Misri, wale wanaoishi Migdoli, Tahpanhesi, Memphis, na katika nchi ya Patrosi. ² "Yahwe wa majeshi, Mungu wa Israel, asema hivi: Wewe mwenyewe umeyaona maafa yote niliyoleta juu ya Yerusalemu na miji yote ya Yuda. Ona, yamekuwa ukiwa leo. Hakuna hata mmoja aishie humo. ³ Hii ni kwa sababu ya mambo maovu waliyofanya kunichokoza mimi kwa kwenda kuchoma ubani na kuabudu miungu mingine. Hii ilikuwa si miungu ambayo wao wenyewe, wala ninyi, au mababu zenu walijua. ⁴ Basi nirudie kuwatuma watumwa wangu wote manabii kwao. Niliwatuma wao kusema, 'Acha kufanya vitu hivi machukizo ambayo nachukia. ⁵ Lakini hawakunisikiliza. Walikataa kuwa makini au kuyaacha maovu kwa kuchoma ubani kwa miungu mingine. ⁶ Basi hasira yangu na gadhabu yangu zilimwagwa na kuwasha moto kwenye miji ya Yuda na mitaa ya Yerusalemu. Basi waliharibiwa na kuteketezwa, kama katika siku ya leo." ⁷ Basi sasa Yahwe, Mungu wa majeshi na Mungu wa Israeli, asema hivi, "Kwanini unafanya maovu makubwa dhidi yenu? Kwanini mnasababisha ninyi wenyewe kujitenga kutoka miongoni mwa Yuda - wanaume na wanawake, watoto na wanyonyao? Hakuna mabaki yenu yatabaki. ⁸ Kwa maovu yenu mmenikosea pamoja na matendo ya mikono yenu, kwa kuchoma ubani kwa miungu mingine kwenye nchi ya Misri, ambapo mmekwenda kuishi. Mmeenda huko ili kwamba mtaangamizwa, ili kwamba mtalaaniwa na mashutumu miongoni mwa mataifa yote ya duniani. ⁹ Mmesahau maovu yaliyofanywa na mababu zenu na maouvu yaliyofanywa na wafalme wa Yuda na wake zao? Mmesahau uovu muliofanya wenyewe na wake zenu katika nchi ya Yuda na mitaa ya Yerusalemu? ¹⁰ Hata siku hii, hawajanyenyekea bado. Hawaheshimu sheria yangu au maagizo niliyoweka mbele yao na mababu zao, wala hawatembei kati yake." ¹¹ Kwa hiyo sasa Yahwe wa majeshi, Mungu wa Israel, asema hivi, "Ona, Nimekaribia kuweka uso wangu dhidi yenu kuleta maafa kwenu na kuiharibu Yuda yote. ¹² Kwa kuwa nitachukua mabaki wa Yuda ambaye ameanza safari kwenda nchi ya Misri kuishi huko. Nitafanya hivi ili kwamba wapatekuangamia wote katika nchi ya Misri. Wataanguka kwa upanga na njaa. Kutoka kwa wadogo hadi kwa wakubwa wataangamia kwa upanga na njaa. Watakufa na watakuwa laana, kitu cha shutuma--laana na matukano. ¹³ Kwa kuwa nitawaadhibu watu wanaoikalia nchi ya Misri kama nilivyoadhibu Yerusalem kwa upanga, njaa, na pigo. ¹⁴ kiasi kwamba, kusiwepo mabaki yeyote ya Yuda ambao wameenda kuishi huko kwenye nchi ya Misri watatoroka au kunusurika au kurudi kwenye nchi ya Yuda, wanakotamani kurudi na kuishi; na hakuna mmoja kati yao atakaye rudi isipokuwa a wachache ambao walitoroka kutoka huko." ¹⁵ Kisha watu wote ambao walijua kwamba wake zao walikuwa wakichoma ubani kwa miungu mingine, na wanawake wote waliokuwa katika kusanyiko kuu, na watu wote ambao walikuwa wakiishi kwenye nchi ya Misri katika Pathrosi walimjibu Yeremia. ¹⁶ Walisema, "Kuhusu neno ambalo umetuambia sisi kwa jina la Yahwe: Hatutakusikiliza. ¹⁷ Kwa hakika tutafanya mambo yote ambayo tulisema tuntafanya-- kuchoma ubani kwa malkia wa mbingu na kumwaga kinywaji cha sadaka kwake kama sisi, mababu zetu, wafalme wetu, na viongozi wetu walivyofanya kwenye miji ya Yuda na mitaa ya Yerusalemu. Kisha tutajazwa pamoja na chakula na tutafanikiwa, pasipo kupata maafa yoyote. ¹⁸ Tulipojiepusha kufanya mambo haya, kutotoa sadaka ya ubani kwa malkia wa mbingu na kutomwanga kinywaji cha sadaka kwake, tulikuwa wote tunateswa na umaskini na tulikuwa tunakufa kwa upanga na njaa." ¹⁹ Wanawake walisema, "Wakati tulipokuwa tunatengeneza ubani wa sadaka mbele ya malkia wa mbingu na kumwaga kinywaji cha sadaka kwake, ilikuwa ni kinyume dhidi ya waume zetu kwa kutengeneza keki kwa sura yake na kumwanga sadaka ya kinywaji kwake?" ²⁰ Kisha Yeremia alisema kwa watu wote-- kwa wanaume na wanawake, na watu wote waliomjibu yeye-- alihubiri na kusema, ²¹ "Je Yahwe hakukumbuka ubani ambao mliuchoma kwenye miji ya Yuda na mitaa ya Yerusalem-- wewe na mababu zenu, wafalme wenu na viongozi, na watu wa nchi? Kwa kuwa Yahwe anakumbuka hili kwenye akili; inakuja kwenye mawazo yake. ²² Basi hawakuweza tena kuvumilia kwa sababu ya matendo yenu maovu, kwa sababu machukizo ambayo mlifanya. Basi nchi yenu imekuwa ukiwa, kitisho, na laana basi hapakuwa na mkazi tena hata siku hii. ²³ Kwa sababu mlichoma ubani na kufanya dhambi dhidi ya Yahwe, na kwasababu msingesikiliza sauti yake, sheria yake, amri zake, au maagizo ya agano lake, maafa haya dhidi yenu yemetokea kama ilivyo kwa siku hii. " ²⁴ Kisha Yeremia alisema kwa watu wote na wanawake wote, " Sikia neno la Yahwe, Yuda yote ambao wamo katika nchi ya Misri. ²⁵ Yahwe wa majeshi, Mungu wa Israel, asema hivi, Wewe na wake zako wote mmesema kwa vinywa vyenu na kubeba kwa mikono yenu kile mlichosema, " Hakika tutabeba viapo ambavyo tulifanya kumwabudu Malkia wa Mbinguni, kumwanga kinywaji cha sadaka kwake." Sasa timiza viapo vyenu, mkavibebe." ²⁶ Basi, sikiliza neno la Yahwe, Yuda yote ambao mnaishi katika nchi ya Misri, 'Ona, Nimeapa kwa jina langu kuu--asema Yahwe. Jina langu halitaitwa kwa vinywa vya wanaume wowote wa Yuda kwenye nchi ya Misri, wewe ambaye sasa unasema, "Kama Bwana Yahwe aishivyo." ²⁷ Tizama, Ninawachunga kwa ajili ya maafa na si kwa wema. Kila mtu wa Yuda katika nchi ya Misri ataangamia kwa upanga na njaa mpaka watakapoisha wote. ²⁸ Kisha walionusurika kwa upanga watarudi nchi ya Yuda kutoka nchi ya Misri, wakiwa idadi ndogo. Basi mabaki yote ya Yuda walioenda kwenye nchi ya Misri kuishi huko watajua ni ninani ambaye neno lake litasimama--langu au lao. ²⁹ Hii itakuwa ishara kwenu-- hili ni tamko la Yahwe--kwamba ninaiweka dhidi yenu katika eneo hili, kiasi cha kujua kwamba maneno yangu hakika yatawavamia pamoja na maafa. ³⁰ Yahwe asema hivi, 'Tazama, ninakaribia kumtia Farao Hofra mfalme wa Misri kwenye mkono wa adui zake na kwenye mkono wa wale wanaotafuta kumuua. Itakuwa sawa kama wakati nilimpa Sedekia mfalme wa Yuda kuwa kwenye mkono wa Nebukadreza mfalme wa Babeli, adui wake aliyetafuta maisha yake.