¹ Ndugu zangu katika Kristo msiifuate imani ya Bwana Yesu Kristo, Bwana wa utukufu, kwa kupendelea watu fulani. ² Kama mtu fulani akiingia kwenye mikutano yenu amevaa pete za dhahabu na mavazi mazuri, pia akaingia masikini mwenye mavazi machafu, ³ na mkaonyesha kumjali zaidi yule mwenye mavazi mazuri na kusema, "Tafadhari wewe keti hapa mahali pazuri" lakini mkamwambia yule masikini, "Wewe simama pale," au "Kaa chini ya miguu yangu." ⁴ Je, hamuhukumiani ninyi wenyewe, na kuwa waamuzi wenye mawazo mabaya? ⁵ Sikilizeni, ndugu zangu wapendwa, je, Mungu hakuwachagua watu masikini wa dunia hii kuwa matajiri katika imani na warithi ufalme wa Mungu aliowaahidia wampendao? ⁶ Lakini mmewadharau masikini! Je, watu matajiri wanaowatendea ninyi mabaya, sindio hao wanaowaburuta ninyi mahakamani? ⁷ Je, si matajiri wanaolitukana jina lile zuri la Yesu kristo ambalo kwalo mnaitiwa? ⁸ Hivyo, basi kama mwaitimiza ile sheria ya kifalme kama ilivyoandikwa katika maandiko, "Utampenda kila mtu kama wewe mwenyewe unavyojipenda," mwafanya vyema. ⁹ Lakini kama mkipendelea baadhi ya watu, matajiri na wenye vyeo mnatenda dhambi, mwahukumiwa na sheria kuwa ni wavunja sheria. ¹⁰ Kwa kuwa yeyote anayetii sheria yote, na bado akajikwaa katika jambo moja tu, amekuwa na hatia ya kuvunja sheria yote! ¹¹ Kwa kuwa Mungu aliyesema, "Usizini," ndiye pia aliyesema, "Usiue." Kama hauzini, lakini una uwa, umekwishavunja sheria za Mungu. ¹² Kwa hiyo kile mnachoweza kukisema manapaswa kutii kama wale ambao Mungu atawahukumu kulingana na sheria inayotoa uhuru wa kweli. ¹³ Kwa kuwa hukumu huja pasipo huruma kwa wale wasio na huruma. Huruma hujitukuza juu ya hukumu. ¹⁴ Kuna uzuri gani, ndugu zangu, kama mtu anasema ninayo imani kwa Mungu, lakini hana matendo mema? Je, imani hiyo yaweza kumwokoa mtu huyo kutoka kwenye hukumu ya mungu? ¹⁵ Kama ndugu wa kiume au wa kike ni muhitaji wa mavazi au chakula cha kila siku, ¹⁶ na mmoja wenu akawaambia, "Nendeni kwa amani, mkaote moto na mle vizuri," lakini hamuwapi mahitaji muhimu ya mwili, hiyo yafaaa nini? ¹⁷ Hali kadhalika, imani pekee, kama haina matendo mema, imekufa. ¹⁸ Lakini mtu fulani anaweza kushindana kusema, " Una imani, na mimi ninayo matendo." Nionyeshe imani yako pasipo matendo, nami nitakuonyesha imani yangu kwa matendo yangu. ¹⁹ Ndugu zangu kwakuwa tunaamini kuna Mungu mmoja; tuko sahihi. Hata mapepo nayo yanaamini hivyo na kutetemeka. ²⁰ Je, unataka kujua, ewe mtu mpumbavu, namna ambavyo imani hiyo pasipo matendo mema isivyofaa? ²¹ Je, Abrahamu baba yetu alihesabiwa haki kwa matendo alipomtoa mwanawe Isaka juu ya madhabahu? ²² Mnaona jinsi imani yake ilifanya kazi na matendo yake mema, na kwa matendo yake, imani yake ilifikia kusudio lake. ²³ Maandiko yalitimizwa yasemayo, "Abrahamu alimwamini Mungu, na akahesabiwa kuwa ni mwenye haki." Hivyo Abrahamu aliitwa rafiki wa Mungu. ²⁴ Mwaona kuwa kwa matendo mtu huhesabiwa haki, na si kwa imani tu. ²⁵ Hali kadhalika, Rahabu yule kahaba, je! alihesabiwa haki kwa matendo, alipowakaribisha wajumbe na kuwapeleka kwa barabara nyingine? ²⁶ Kwa kuwa kama vile mwili usipokuwa na roho umekufa, vivyo hivyo imani pasipo matendo imekufa.