¹ Sauli alikuwa kwenye makubaliano ya kifo chake. Ndipo siku hio yakaanza mateso makuu kinyume cha kanisa lililokuwa Yerusalemu; na waaminio wote walitawanyika katika majimbo ya Yudea na Samaria, isipokuwa mitume. ² Watu wachamungu walimzika Stefano na kufanya maombolezo makubwa juu yake. ³ Lakini Sauli alilidhuru sana kanisa. Alikwenda nyumba kwa nyumba na kuwavuta nje wanawake na waume, na kuwatupa gerezani. ⁴ waaminio ambao walikuwa wametawanyika bado walienda wakilihubiri neno. ⁵ Filipo akashuka katika mji wa Samaria na akamtangaza Kristo huko. ⁶ Umati wa watu ulikuwa makini kufuatilia kwa Karibu kilichokuwa kinasemwa na Filipo; kwa nia moja walimsikia, na wakaona ishara alizokuwa akifanya. ⁷ Pepo wachafu waliwatoka wengi waliokuwa wamepagawa, huku wakilia kwa Sauti kuu na wengi waliokuwa wamepooza na kulemaa waliponywa. ⁸ Na kulikuwa na furaha kubwa katika mji. ⁹ Lakini palikuwepo na mtu fulani katika mji ule aliyeitwa Simon, ambaye hapo awali alikuwa akifanya uchawi; alioutumia kuwashangaza watu wa taifa la Samaria, wakati wakidai kuwa yeye alikuwa ni mtu wa muhimu. ¹⁰ Wasamaria wote kutoka mdogo hadi mkubwa, walimwangalia kwa makini; wakasema;"mtu huyu ni ile nguvu ya Mungu ambayo ni kuu." ¹¹ Wakamsikiliza kwa maana aliwashangaza muda mrefu kwa uchawi wake. ¹² Lakini wakati walipoamini Filipo akihubiri juu ya ufalme wa Mungu na juu ya jina la Yesu Kristo, walibatizwa, wanaume kwa wanawake. ¹³ Hata Simoni mwenyewe aliamini na baada yakuwa amebatizwa, aliendelea kuwa na Filipo alipoona ishara na miujiza iliyokuwa ikitendeka, alishangaa. ¹⁴ Wakati huu mitume wa Yerusalemu waliposikia kuwa sasa Samaria imepokea neno la Mungu, wakawatuma kwao Petro na Yohana. ¹⁵ Wakati walipokuwa wamewakishukia waliwaombea kwamba, wampokee Roho Mtakatifu. ¹⁶ Kwani mpaka wakati huo Roho Mtakatifu alikuwa hajawashukia hata Mmoja wao; walikuwa tu wamebatizwa kwa jina la Bwana Yesu. ¹⁷ Ndipo Petro na Yohana wakawawekea mikono, nao wakampokea Roho Mtakatifu. ¹⁸ Sasa, wakati Simoni alipoona kwamba Roho Mtakatifu ametolewa kupitia kuwekewa mikono na mitume; akawapa pesa, ¹⁹ Akasema, "Nipe haya mamlaka, ili kila nitakayemwekea mikono apokee Roho Mtakatifu." ²⁰ Lakini Petro akamwambia; fedha yako na iangamie pamoja nawe, kwa sababu umefikiri kuwa karama ya Mungu inapatikana kwa pesa. ²¹ Hauna sehemu katika jambo hili, kwa sababu moyo wako si mnyoofu mbele za Mungu. ²² Hivyo basi, tubu uovu wako huu na kumwomba Bwana anawenza labda kukusamehe nia ya moyo wako. ²³ Kwa maana naona uko katika sumu ya uchungu na kifungo cha dhambi." ²⁴ Simoni akajibu na kusema, "Mwombeni Bwana kwa ajili yangu, kwa kuwa mambo yote mliyozungumza yawenza kunitokea." ²⁵ Wakati Petro na Yohana walipokuwa wameshuhudia na kuhubiri neno la Bwana, walirudi Yerusalemu; wakihubiri injili katika vijiji vingi vya Wasamaria. ²⁶ Basi malaika wa Bwana akanena na Filipo na kusema, "Amka na uende kusini katika njia iendayo chini ya Yerusalemu kuelekea Gaza." ( Njia hii iko katika jangwa). ²⁷ Akaamka na kwenda. Tazama, kulikuwa na mtu wa Ethiopia, towashi mwenye mamlaka kuu chini ya Kandasa; malkia wa Waethiopia. Ndiye aliyekuwa msimamizi wa hazina yake yote; naye alikuwa amekwenda Yerusalemu kuabudu. ²⁸ Alikuwa akirejea ameketi garini mwake akisoma Kitabu cha nabii Isaya. ²⁹ Roho akasema na Filipo, "Sogea karibu na gari hili ukashikamane nalo. ³⁰ "Hivyo Filipo akamkimbilia , akamsikia akisoma katika kitabu cha nabii Isaya; akasema, Je unafahamu unachosoma?" ³¹ Ndipo Muethiopia akasema, "Nitawezaje mtu asiponiongoza?" Akamsihi Filipo apande garini na kuketi pamoja naye. ³² Sasa fungu la maandiko alilokuwa akisoma Muethiopia ni hili; "Aliongozwa kama kondoo kwenda machinjioni kuchinjwa, na kama kondoo alinyamaza kimya, hakufungua kinywa chake: ³³ Katika kuhuzunishwa kwake haki iliondolewa kwake. Nani anaweza kukielezea kizazi chake? Kwani maisha yake yalikuwa yameondolewa katika nchi." ³⁴ Hivyo towashi akamwuliza Filipo, na kusema, "Nakuomba, ni nabii yupi ambaye anaongelewa habari zake, ni kuhusu yeye, au za mtu mwingine"?. ³⁵ Filipo alianza kuzungumza, na kuanzia andiko hili la Isaya alimtangazia injili kuhusu Yesu. ³⁶ Walivyokuwa wakienda njiani, wakafika mahali penye maji na towashi akasema, "Tazama, pana maji hapa. Nini kinazuia nisibatizwe?, ³⁷ Filipo akamwambia, "Ukiamini kwa moyo wako wote unaweza kubatizwa". Hivyo Muethiopia akajibu "Naamini kwamba Yesu Kristo ni Mwana wa Mungu,". ³⁸ Ndipo Muethiopia akaamuru gari lisimame. Walikwenda ndani ya maji, Filipo pamoja na towashi, na Filipo akambatiza. ³⁹ Wakati walipotoka kwenye maji, Roho wa Bwana akamnyakua Filipo mbali; towashi hakumwona tena, akaenda njia yake akifurahia. ⁴⁰ Lakini Filipo akatokea Azoto. Alipita katika mkoa ule na kuhubiri injili katika miji yote mpaka alipofika Kaisaria.