¹ Ilipofika siku ya Pentekoste, wote walikuwa pamoja mahali pamoja. ² Ghafa ikatokea sauti ya mgurumo kama mvumo wa upepo mkali kutoka mbinguni, ukaijaza nyumba yote walimokuwa wameketi. ³ Hapo zikawatokea ndimi kama za moto zimegawanyika, zikatua juu ya kila mmoja wao. ⁴ Wao wote wakajazwa na Roho Mtakatifu na wakaanza kusema kwa lugha nyingine, kama vile Roho alivyowawezesha kunena. ⁵ Sasa walikuwapo wayahudi waliokuwa wanaishi Yerusalemu, wacha Mungu, kutoka kila taifa chini ya mbingu. ⁶ Sauti hizi ziliposikika, kundi la watu likaja pamoja wakiwa na wasiwasi kwa sababu kila mtu aliwasikia wakiongea kwa lugha yake mwenyewe. ⁷ Waliduwaa na kushangazwa; wao wakasema, "Kweli, hawa wote wanaoongea siyo Wagalilaya? ⁸ Kwa nini inakuwa kwamba sisi tunawasikia, kila mmoja kwa lugha zetu za kuzaliwa? ⁹ Waparthia na Wamedi na Waelamu, na hao waishio Mesopotamia, Uyahudi, na Kapadokia, na katika Ponto na Asia, ¹⁰ katika Frigia, Pamfilia, katika Misri, na sehemu ya Libya hata Kirene, na wageni kutoka Rumi, ¹¹ Wayahudi na waongofu, Wakrete na Waarabu, tunawasikia wakizungumza katika lugha zetu kuhusu kazi za uweza wa Mungu." ¹² Wote walikuwa wameduwaa na kutatanishwa; walisemezana wao kwa wao, "Hii ina maana gani?" ¹³ Lakini wengine walidhihaki wakisema, "Hawa wamejazwa kwa mvinyo mpya." ¹⁴ Lakini Petro akasimama pamoja na wale kumi na mmoja, akapaza sauti, akawaambia, "Watu wa Yudea na wote mnaoishi hapa Yerusalemu, hili lijulikane kwenu, sikilizeni kwa makini maneno yangu. ¹⁵ Watu hawa hawajalewa kama mnavyodhani, sababu saa hizi ni asubuhi saa tatu. ¹⁶ Lakini hili lilikuwa limesemwa kupitia kwa nabii Yoeli: ¹⁷ Itakuwa katika siku za mwisho; Mungu asema, nitamwaga Roho wangu kwa watu wote wenye mwili. Wana wenu na binti zenu watatoa unabii, vijana wenu wataona maono, na wazee wenu wataota ndoto. ¹⁸ Vilevile juu ya watumishi wangu na watumishi wangu wa kike katika siku hizo, nitamwaga Roho wangu, nao watatabiri. ¹⁹ Nitaonesha maajabu juu angani na ishara chini duniani, damu, moto, na mafusho ya moshi. ²⁰ Na jua litabadilishwa kuwa giza na mwezi kuwa damu, kabla haijaja siku kuu na ya ajabu ya Bwana. ²¹ itakuwa ya kwamba kila mmoja ambaye huliitia jina la Bwana ataokoka.' ²² Watu wa Israeli, sikieni maneno haya: Yesu wa Nazareti, mwanadamu aliyeithinishwa na Mungu kwenu kwa matendo ya uweza na maajabu, na ishara ambazo Mungu alitenda kupitia Yeye katikati yenu, kama ninyi wenyewe mnavyojua- ²³ Kwa sababu ya mpango uliokusudiwa tangu mwanzo, na maarifa ya Mungu, huyu mtu mlipewa, nanyi, kwa mikono ya watu wahalifu, mkamuua kwa kumsulubisha msalabani. ²⁴ Lakini Mungu alimwinua, akauondoa na uchungu wa mauti kwake, kwasababu haikuwezekana kwake kumilikiwa na huo. ²⁵ Hivyo Daudi asema kuhusu yeye, 'Nilimwona Bwana daima mbele ya uso wangu, yeye yuko mkono wangu wa kulia hivyo basi sitasogezwa. ²⁶ Kwa hiyo moyo wangu ulikuwa na furaha na ulimi wangu ulifurahishwa. Pia mwili wangu utaishi katika tumaini. ²⁷ Kwakuwa hutaiacha nafsi yangu iende Kuzimu, wala hutaruhusu Mtakatifu wako kuona uozo. ²⁸ Wewe umenijulisha njia za uzima; utanifanya nijae furaha mbele ya uso wako.' ²⁹ Ndugu, halisi kwangu kuzungumza kwenu kwa ujasiri kuhusu baba yetu Daudi, yeye alikufa na akazikwa, na kaburi lake liko pamoja nasi hata hivi leo. ³⁰ Hivyo, alikuwa nabii na alijua kuwa Mungu alishimwapia kwa kiapo, kwamba ataweka mmoja katika uzao wake kwenye kiti chake cha enzi. ³¹ Aliona ambalo lingetokea baadaye, na akasema kuhusu ufufuo wa Kristo, 'wala alikuwa hakuachwa kuzimu, wala mwili wake haukuoza.' ³² Huyu Yesu--Mungu alimfufua, ambaye sisi wote ni mashahidi. ³³ Kwa hiyo, akiwa ameinuliwa katika mkono wa kuume wa Mungu, na akiwa amepokea ahadi ya Roho Mtakatifu kutoka kwa Baba, yeye amemimina ahadi hii, ambayo ninyi mnaona na kusikia. ³⁴ Kwakuwa Daudi hakupaa kwenda mbinguni, lakini asema, 'BWANA alisema kwa Bwana wangu, "Keti mkono wangu wa kulia, ³⁵ mpaka nitakapowafanya adui zako kigoda kwa ajili ya miguu yako. ³⁶ Kwa hiyo nyumba yote ya Israeli na ijue kwa hakika kwamba Mungu amemfanya Yeye kuwa Bwana na Kristo, huyu Yesu ambaye mlimsulibisha." ³⁷ Sasa waliposikia hili, wakachomwa katika mioyo yao, wakamwambia Petro na mitume wengine, "Ndugu, tufanyeje?" ³⁸ Na Petro akawaambia, "Tubuni na Mbatizwe, kila mmoja wenu, katika jina la Yesu Kristo kwa ajili ya msamaha wa dhambi zenu, na mtapokea zawadi ya Roho Mtakatifu. ³⁹ Kwakua ahadi ni kwenu na kwa watoto wenu na kwa wale wote walioko mbali, watu wengi kwa kadri Bwana Mungu wetu atakavyowaita." ⁴⁰ Kwa maneno mengine mengi alishuhudia na kuwahimiza; akisema, "Jiokoeni mtoke katika kizazi hiki kiovu." ⁴¹ Ndipo wakayapokea maneno yake na wakabatizwa, hapo wakaongezeka katika siku hiyo kama nafsi elfu tatu. ⁴² Wakaendelea katika mafundisho ya mitume na ushirikiano, katika kuumega mkate na katika maombi. ⁴³ Hofu ikaja juu ya kila nafsi, na maajabu mengi na ishara zikafanyika kupitia mitume. ⁴⁴ Wote walioamini walikuwa pamoja na kuwa na vitu vyao kwa pamoja, ⁴⁵ na waliuza vitu na milki zao na kugawiana wote kulingana na mahitaji ya kila mmoja. ⁴⁶ Hivyo siku baada ya siku waliendelea wakiwa na lengo moja katika hekalu. Pia walimega mkate kwa nyumba zao, na walishiriki chakula kwa furaha na ukarimu wa mioyo, ⁴⁷ wakimsifu Mungu na kuwa na kibali na watu wote, na Bwana aliwaongeza siku kwa siku ambao walikuwa wakiokolewa.