Gɛgɛgɛda 5 Mósɛsɛ nɛhɛ́ na Álɔŋɔ naá Falaɔ́ŋɔ
1
Kɔ́ɔ Mósɛsɛ nɛhɛ́ na Álɔŋɔ bɛ́ ɛ́damɔ́ naá Falaɔ́ŋɔ, go mo oyana bá amɔ́: "Náana gɔ́ɔ Kanɛ Mesúge, Asaŋa ba Ɛ́sɛlahɛ́ɛlɛ a gálagalamɔ́: 'Dɛ́ɛ́na boɛ́nɔ bámɛ bó dómba, bó ɛ́da naá giolóo , bó kedinye gibíné go go mbúlugenye'."
2
Falaɔ́ŋɔ go gundie a amɔ́: "Ánɛ́ɛ a lɔ́mɔ́ Kanɛ Mesúge, goŋaá mmo ɔ́bɛnɔ go ukelú yɛ́hɛ́, tɛ́ɛna Ɛ́sɛlahɛ́ɛlɛ a dómba? Cɛ íyíménée Kanɛ Mesúge, tɔ́nɔ cɛ gaá dɛ́ɛ́ná Ɛ́sɛlahɛ́ɛlɛ a dómba."
3
Mósɛsɛ na Álɔŋɔ bá amɔ́: "Asaŋa ba Behébelée a á có ɛ́nɛ́gɛ́ná. Có fáamɔ́ bogaaga bá go ŋa medúgú mádadɔ́ má oŋɛndɔ naá giolóo, dɛ ɛ́da fáa Kanɛ Mesúge bɛbáágá, bó ŋa goŋaá a dɛ có dómɛ́ná bondama ɛ́na a có fúugie na kalafɔ."
3
Mósɛsɛ na Álɔŋɔ bá amɔ́: "Asaŋa ba Behébelée a á có ɛ́nɛ́gɛ́ná. Có fáamɔ́ bogaaga bá go ŋa medúgú mádadɔ́ má oŋɛndɔ naá giolóo, dɛ ɛ́da fáa Kanɛ Mesúge bɛbáágá, bó ŋa goŋaá a dɛ có dómɛ́ná bondama ɛ́na a có fúugie na kalafɔ."
4
Ufuŋe yá Egíbítene go bó oyana yó amɔ́: "Mósɛsɛ, nahɔ na Álɔŋɔ, ɛkádaɛ no fúmbemú go tíolidio boɛ́nɔ go go dɛ́ɛna buelí bɛ́hɛ́ o? Gundé nɔnɔ naá buelí."
5
Falaɔ́ŋɔ go oyɛda a amɔ́: "Ɛ́ná, boɛ́nɔ bɔ́ɔbɔ bó á degé naá gɛdɔŋɔ, no fúmbe go dílíminye buelí bábɔ́!"
6
A bayɛga buisí moánɛ, Falaɔ́ŋɔ go fáá gɛlɔsɛnɔ gɛ́ɛgɛ go befífí bá boɛ́nɔ na batɔ bá go indenye medíge, a amɔ́:
6
A bayɛga buisí moánɛ, Falaɔ́ŋɔ go fáá gɛlɔsɛnɔ gɛ́ɛgɛ go befífí bá boɛ́nɔ na batɔ bá go indenye medíge, a amɔ́:
7
No á lɛ no fáanana boɛ́nɔ mefuge go go bíme bilígí kɔ́ɔ, godɔ́ɔdɔ, no do gɔnɔ́ bó fáa; ŋgáa bɛ́ ɛ́da bɔ́ɔ moatɛ́ moatɛ́ go ɛ́da báda mefuge.
8
No bó ílige bá bíme ombanɔ yá bilígí aŋa cóá, no do úné boóma; goakɛ́ bá lɛ́ bɛnɔ́nɔ́; go boóma moánɛ gɔ́ɔ bá áncamɔ́, bó oya bá amɔ́: 'Ŋgáa dɛ ɛ́da fáa Asaŋa bɛcɔ́ bɛbáágá!'
9
Fáá nɔnɔ batɔ báaba buelí gɔnɔ́ makɔ́nɔ́, bá bó yɔgɔnɔ, bá dɛ gaá gɔnɔ́ gɔ́lɔ gɛcamɛna na dogálɔ dá mebelébélíe.
10
Befífí buelí bá boɛ́nɔ na batɔ bá go indenye buelí go nco go oyana boɛ́nɔ bá amɔ́: "Falaɔ́ŋɔ a lɛ́ a amɔ́: 'Cɛ gɔnɔ́ nyó fáanana mefuge;
10
Befífí buelí bá boɛ́nɔ na batɔ bá go indenye buelí go nco go oyana boɛ́nɔ bá amɔ́: "Falaɔ́ŋɔ a lɛ́ a amɔ́: 'Cɛ gɔnɔ́ nyó fáanana mefuge;
11
no gɛɛ́ ɛ́dá godɔ́ɔdɔ no fúmbe mefuge bɛɛnyɔ́ɔ moatɛ́ anáa no gaá ná gídé, bá dɛ unée boóma naá buelí bɛ́nyɔ́.
12
Boɛ́nɔ go sálamanda naá gɛdɔŋɔ giimée gá Egíbítene, go go bá isúí, bó dómba mefuge.
12
Boɛ́nɔ go sálamanda naá gɛdɔŋɔ giimée gá Egíbítene, go go bá isúí, bó dómba mefuge.
13
Befífí bá mba lɛ́ bá bó fála, bó oya bá amɔ́: "Buisí buimée, no mana buelí bɛ́nyɔ́, caŋa mmue gɔ́ɔgɔ bá mbaá lɛ bá nyó fáanana mefuge."
14
Bá mba lɛ́ bá gide akɛ́ batɔ bá go indenye buelí báaba befífí bá Falaɔ́ŋɔ bá mbaá lɛ dílímínyéelú naá olɔŋɔ yá baaná bá Ɛ́sɛlahɛ́ɛlɛ, bá gálagala bá amɔ́: "Ɛkádɛ́, iyó na ínoni, no lɔ́mɔ́ kanɛ go bíme ombanɔ yá bilígí yɔ́ɔyɔ bá nyó úhenemú go buisí?"
15
Batɔ bá go indenye buelí naá olɔŋɔ yá Baaná bá Ɛ́sɛlahɛ́ɛlɛ go ɛ́da mbéséégí naá Falaɔ́ŋɔ, bá amɔ́ gɛ́hɛ́ aá: "Ɛkádɛ́ go óbigonyomú boyogóní báhɔ mbɔ́dɔ yɛ́ɛyɛ́ náana o?"
15
Batɔ bá go indenye buelí naá olɔŋɔ yá Baaná bá Ɛ́sɛlahɛ́ɛlɛ go ɛ́da mbéséégí naá Falaɔ́ŋɔ, bá amɔ́ gɛ́hɛ́ aá: "Ɛkádɛ́ go óbigonyomú boyogóní báhɔ mbɔ́dɔ yɛ́ɛyɛ́ náana o?
16
Bá dɛ f́áánáná boyoǵoní báhɔ mefuge, kanɛ́ bá có úhene báa amɔ́: 'Bímé nɔnɔ bilígí!' Nɔ́ɔnɔ gɔ́ɔ bá có gidemú, aŋa bɛɛcɔ́ɔ báa dɛ lɔ́mɔ́ na gɛsɛnɛ moánɛ."
17
Falaɔ́ŋɔ go bó gundie a amɔ́: "No lɛ́ bɔnɔ́nɔ́nɔnɔ, bɔnɔ́nɔ́nɔnɔ! Go busío moánɛ gɔ́ɔ no oyamɔ́ no amɔ́: 'Dɛ no ɛ́da fáa Kanɛ Mesúge bɛbáagá!' Go
18
dɔ́ɔdɔ, gundé nɔnɔ naá buelí; bá dɛ gaá gɔnɔ́ nyó fáa mefuge, no bíme ombanɔ yá bilígí caŋa mmue yɔ́ɔyɔ bá nyó úhenemú."
19
Batɔ bá go indenye buelí naá olɔŋɔ yá Baaná bá Ɛ́sɛlahɛ́ɛlɛ go ɛ́na goŋaá bá bó gundenye mahana, naá gooya gá ŋaá: "Naá ombanɔ yá bilígí bá go bíme go buisí, bá dɛ uné boóma kɔ́ɔ; buisí buimée na buelí bá bɔ́."
19
Batɔ bá go indenye buelí naá olɔŋɔ yá Baaná bá Ɛ́sɛlahɛ́ɛlɛ go ɛ́na goŋaá bá bó gundenye mahana, naá gooya gá ŋaá: "Naá ombanɔ yá bilígí bá go bíme go buisí, bá dɛ uné boóma kɔ́ɔ; buisí buimée na buelí bá bɔ́."
20
Bá húmene naá Falaɔ́ŋɔ, go ɛ́da giluméné na Mósɛsɛ na Álɔŋɔ aŋa bá mbaá bá bó gɛ́gana.
21
Bá báa lɛ go bó oyana goŋaá: "Ŋgáa Kanɛ Mesúge a nyó núune, a nyó sómbɛna ɛkada! No á ŋaáa goŋaá Falaɔ́ŋɔ a có ɛ́na boóma bá dugúnú naá oŋgíso yɛ́hɛ́, na yá batɔ bá gɛdɔŋɔ gɛ́hɛ́, no á bó ágá go ombɔ́gɔ kalafɔ ya go có fúugie na yɛ́."
22
Mósɛsɛ go gunde na nnyimé naá Kanɛ Mesúge, a amɔ́: "Daadáa, o ŋamɔ́ bobɛ́ na boɛ́nɔ bɔ́ɔbɔ goakɛ́? O lɔ́mɔ́ tómáalú goakɛ́?"
22
Mósɛsɛ go gunde na nnyimé naá Kanɛ Mesúge, a amɔ́: "Daadáa, o ŋamɔ́ bobɛ́ na boɛ́nɔ bɔ́ɔbɔ goakɛ́? O lɔ́mɔ́ tómáalú goakɛ́?"
23
A dúme aŋa ndɔ́mɔ́ ɛ́dáalú naá Falaɔ́ŋɔ na ufíno yáhɔ, a ŋanana bobɛ́ na boɛ́nɔ bɔ́ɔbɔ, maamɔ́ɔ hɔ́ɔlɔ́ kanɛ go dúgune boɛ́nɔ báhɔ."