Gɛgɛgɛda 4 Mósɛsɛ na baaná bá Ɛ́sɛlahɛ́ɛlɛ
1
Mósɛsɛ go gundie, a amɔ́: "Ɛ́na, bá dɛ gaá bósó go ŋgoliminyo, bá dɛ gɔɔ́ ɔ́bɔ́ bɔ́ɔbɔ mbó oyanɛnamɔ́. Kanɛ́ bá gaá ná gálɛ́dá bá amɔ́: Kanɛ Mesúge a lɛ́ kanɛ go go ɛ́nɛgɛna."
2
Kanɛ Mesúge go mo oyana a amɔ́: "Ɛkádɛ́ gɛ́ o lɔ́mɔ́ na gɛ́ go ombɔ́gɔ?" Mósɛsɛ a amɔ́: "Bó lɔ́mɔ́ gidímbo."
3
Kanɛ Mesúge go oyɛda a amɔ́: "Gɛ nɔɔ́ɔmɔ́ go cí." Mɔ́ɔ go gɛ́ nɔɔ, gidímbo gɛ́ bɛ́ɛ́ ɛ́yá nnyɔ́gɔ. Mósɛsɛ go ɛ́da go díine naá busíio bá nnyɔ́gɔ.
4
Kanɛ Mesúge go oyana Mósɛsɛ: "Sancóna ombɔ́gɔ o yɛ gumbene go umío." Mósɛsɛ a á sancóná ombɔ́gɔ, go yɛ gumbene, nnyɔ́gɔ ɛ báá gɔnɔ́ go ɛ́ya gidímbo naá mɔ́ ombɔ́gɔ.
4
Kanɛ Mesúge go oyana Mósɛsɛ: "Sancóna ombɔ́gɔ o yɛ gumbene go umío." Mósɛsɛ a á sancóná ombɔ́gɔ, go yɛ gumbene, nnyɔ́gɔ ɛ báá gɔnɔ́ go ɛ́ya gidímbo naá mɔ́ ombɔ́gɔ.
5
Kanɛ Mesúge go oyɛda a amɔ́: "Bɔ́ɔbɔ bɔ́ o gaá ná ŋaáa, naá nnyimé goŋaá bó oliminyo bá amɔ́ Kanɛ Mesúge, Asaŋa ba biisée bábɔ́, a go ɛ́nɛ́gɛ́ná, Asaŋa ba Ábalaháma, Asaŋa ba Ɛ́saga, Asaŋa ba Yɔ́kɔbɔ."
6
Kanɛ Mesúge go gɔnɔ mo oyana a amɔ́: "Ágá ombɔ́gɔ yáhɔ naá ɛbáanyɛ náhɔ." Mósɛsɛ go ága ombɔ́gɔ naá ɛbáanyɛ; naá go yó úlie, go ɛ́na ombɔ́gɔ yɛ́hɛ́ yó ná lɛ́ nyɛ́nyɛ́ŋɛ́ nyɛnyɛŋɛ na ogɔnɔ́ yá kúnú, pácáŋɛ́ aŋa ndɛbɛ.
6
Kanɛ Mesúge go gɔnɔ mo oyana a amɔ́: "Ágá ombɔ́gɔ yáhɔ naá ɛbáanyɛ náhɔ." Mósɛsɛ go ága ombɔ́gɔ naá ɛbáanyɛ; naá go yó úlie, go ɛ́na ombɔ́gɔ yɛ́hɛ́ yó ná lɛ́ nyɛ́nyɛ́ŋɛ́ nyɛnyɛŋɛ na ogɔnɔ́ yá kúnú, pácáŋɛ́ aŋa ndɛbɛ.
7
Kanɛ Mesúge a amɔ: "Gundíe ombɔ́gɔ yáhɔ naá mamɔ́ ɛbáanyɛ." Mósɛsɛ go gundie ombɔ́gɔ yɛ́hɛ́ naá mɔ́ ɛbáanyɛ; naá nnyimé hɔ́ɔlɔ́, go gɔnɔ yó úlie naá mɔ́ ɛbáanyɛ, ɛ́ná ombɔ́gɔ yó mba gɔnɔ́ gunde aŋa nnyɔ́dɔ yɛhɛ́ ya cóá.
8
Kanɛ Mesúge a amɔ́: "Amóŋa bá dɛ go olímínyóo, bá dɛ ɔ́bɛ́nɔ́ ukelú naá gieninye gá busío, bá goó olímínyóo ukelú yá gieninye gá gáandɛ́ɛ."
8
Kanɛ Mesúge a amɔ́: "Amóŋa bá dɛ go olímínyóo, bá dɛ ɔ́bɛ́nɔ́ ukelú naá gieninye gá busío, bá goó olímínyóo ukelú yá gieninye gá gáandɛ́ɛ."
9
Kanɛ́ amóŋa bá dɛ olímínyóo naá bieninye bá bɛ́andɛ́ bɛ́ɛbɛ, bá dɛ ɔ́bɛnɔ́ ukelú yáhɔ, gɔ́lɔ́ miimpo má osaá, o má ságɛ́dɛna naá cí, hɔ́ɔlɔ́ gɔ́ɔ miimpo máama o báá ná bɔ́ŋɔ́ naá osaá, má gaá nɛ́ ɛ́yá manɔ́ŋɔ́, naá cí."
10
Mósɛsɛ go oyana Kanɛ Mesúge: "Ooo, Daadáa, cɛ báá mɔtɔ mɔ́ɔnyɔ a láhomanamɔ́ gɛlɛ́mbɛ go dogálɔ, bó do báá akɛ́ bá iyó, ɛ́na akɛ́ bá go bélie iyó, ɛ́na akɛ́ a dúme aŋa o báá ná bayɛ́gá go gálagala na uyogóní bahɔ; goakɛ́ ndɛ́ na nyuudé na gɛlɛ́mbɛ kebelidie."
10
"Ooo, Daadáa, cɛ báá mɔtɔ mɔ́ɔnyɔ a láhomanamɔ́ gɛlɛ́mbɛ go dogálɔ, bó do báá akɛ́ bá iyó, ɛ́na akɛ́ bá go bélie iyó, ɛ́na akɛ́ a dúme aŋa o báá ná bayɛ́gá go gálagala na uyogóní bahɔ; goakɛ́ ndɛ́ na nyuudé na gɛlɛ́mbɛ kebelidie."
11
Kanɛ Mesúge go mo oyana a amɔ́: "Ánɛ́ɛ a mbaá gedíe nyuudé ná mɔtɔ? Ánɛ́ɛ gɔnɔ́ a ŋananamɔ́ goŋaá mɔtɔ a gálagala, ɛ́na ɛ ɛ́ya gimúke, akɛ́ olɔ́kɔ́lɔkɔ, ɛ ɛ́nana ɛ́na akɛ́ a bɛ́ɛmba ugélígeli o? Ábɔ caá alɔ́mɔ́ yɔmɔ́ɔ Kanɛ Mesúge O?
12
Ɛ́dá kanɛ́, nná bɛ́ɛmba na nyuudé náhɔ, nná go húunenye bɔ́ɔbɔ o ná ŋamɔ́ o gálagala."
13
Mósɛsɛ go oyɛda a amɔ́: "Ooo, Daadáa, dómá mɔ́ɔnyɔ o gaá ná lɛ́gálɛ́gáa go dóma."
14
Kɔ́ɔ mpímí ya Kanɛ Mesúge yɛ obɛnamɔ́ Mósɛsɛ, gɛ́hɛ́ go oyɛda a amɔ: "Tɛ́ɔbɛnɔ Álɔŋɔ, ba boya Léfi, a dɛ báá hɔ́ɔ o? Mɔ́ɔ a gaá gálágáláa kanɛ gɛdɔmbɔ. Mɔ́ɔ mɔ́nyɔ́ɔ moatɛ́ u úlenemú naá busío báhɔ, aŋa a gaá ná go ɛ́ná, a gaá békeelényée naao odɛ́má yɛ́hɛ."
14
Kɔ́ɔ mpímí ya Kanɛ Mesúge yɛ obɛnamɔ́ Mósɛsɛ, gɛ́hɛ́ go oyɛda a amɔ́: "Tɛ́ɔbɛnɔ Álɔŋɔ, ba boya Léfi, a dɛ báá hɔ́ɔ o? Mɔ́ɔ a gaá gálágáláa kanɛ gɛdɔmbɔ. Mɔ́ɔ mɔ́nyɔ́ɔ moatɛ́ u úlenemú naá busío báhɔ, aŋa a gaá ná go ɛ́ná, a gaá békeelényée naa odɛ́má yɛ́hɛ."
15
O ná ŋamɔ́ o mo gálagala, o mo ágana dogálɔ naá nyuudé, yɔmɔ́ɔ Kanɛ Mesúge, ndɛ go bɛ́ɛmba na nyuudé náhɔ, na nɛ́ɛnɛ ná Álɔŋɔ, nnyó húunenye bɔ́ɔbɔ no sɛmɛgananamɔ́ go ŋa.
16
A ná gálagala na boɛ́nɔ naá undukí yáhɔ; a ná bɛ́ɛmba nyuudé náhɔ, maamɔ́ɔ o b ɛ́ɛmba naá undukí yá Asaŋa go busío bɛ́hɛ́.
17
Gɔ́lɔ́ gidímbo gɛɛgɛ naá ombɔ́gɔ yáhɔ, na gɛ́ gɔ́ɔ o ná ŋanamɔ́ bieninye bá go békúke."
18
Mósɛsɛ go dómba, go nco gunde na nnyimé naá uŋinó bɛhɛ́ Yétolo, go mo oyana a amɔ: "Ŋgaá go bósógólídío, tɛ́ɛnamɔ́ ŋgɛ́da gíde bolimóní bámɛ naá Egíbitene, ŋgɛ́na amóŋa bá gá lɛ́ bɔgɔ́sɔ." Yétolo go mo oyana a mɔ́: "Ooo, ɛ́dá naá buumbénú."
18
Mósɛsɛ go dómba, go nco gunde na nnyimé naá uŋinó bɛhɛ́ Yétolo, go mo oyana a amɔ: "Ŋgaá go bósógólídío, tɛ́ɛnamɔ́ ŋgɛ́da gíde bolimóní bámɛ naá Egíbitene, ŋgɛ́na amóŋa bá gá lɛ́ bɔgɔ́sɔ." Yétolo go mo oyana a mɔ́: "Ooo, ɛ́dá naá buumbénú."
19
Naá Mádɛ́ana, Kanɛ Mesúge go oyana Mósɛsɛ a amɔ: " Ɛ́dá, o gunde naá Egíbítene, goakɛ́, biimée báaba bá mbaá lɛ bá fúmbe go go óna bá gúenénée púmú."
20
Mósɛsɛ go gɔ́lɔ okɔ́dɔ bɛhɛ́ na baaná banɔ́mɔtɔ́ bɛ́hɛ́, go bó búlugie naá ba abaŋabɛbɛa, go gunde naá gɛdɔŋɔ gá Egibítene. A báá gɔ́lɔ́ naá ombɔ́gɔ yɛ́hɛ́ gidímbo gá Asaŋa.
21
Kanɛ Mesúge go oyana Mósɛsɛ a amɔ́: " Go go ɛ́da go go gunde naá Egíbítene, ɛ́na bɛsɛɔ biimée bɛ́ɛbɛ ŋgágamɔ́ naá ombɔ́gɔ yáhɔ: o ná bɛ́ ŋanana naá busío bá Falaɔ́ŋɔ. Yɔmɔ́ɔ ndɛ go ɛ́da go lelenye odɛ́má yɛ́hɛ́, a dɛ dɛ́ɛ́ná boɛ́nɔ goŋaá bó dómba.
21
Kanɛ Mesúge go oyana Mósɛsɛ a amɔ́: " Go go ɛ́da go go gunde naá Egíbítene, ɛ́na bɛsɛɔ biimée bɛ́ɛbɛ ŋgágamɔ́ naá ombɔ́gɔ yáhɔ: o ná bɛ́ ŋanana naá busío bá Falaɔ́ŋɔ. Yɔmɔ́ɔ ndɛ go ɛ́da go lelenye odɛ́má yɛ́hɛ́, a dɛ dɛ́ɛ́ná boɛ́nɔ goŋaá bó dómba.
22
O nó oyana Falaɔ́ŋɔ go amɔ́: naáa gɔ́ɔ Kanɛ Mesúge a aǵalagalamɔ́: Ɛ́sɛlahɛ́ɛlɛ a lɔ́mɔ́ moɔnɔ́ bamɛ ba onɔ́mɔtɔ́, ba busío go bíene.
23
Ko oyanamɔ́ caá : Dɛ́ɛ́na moɔnɔ́ bamɛ ɛ ɛ́da mbúlugenye, go amɔ́ go inye go mo dɛ́ɛna ɛ́ ɛ́da, ɛɛ́ŋ, kaá fúúgié ohaŋa bahɔ, ba busío go bébíene."
24
Naá oŋɛndɔ, naá hoóma hémmue háaha Mósɛsɛ a mbaá dúmbíe budúgú, Kanɛ Mesúge go mo nɔɔ osaŋɔ́, a amɔ́ a mo óna.
24
Naá oŋɛndɔ, naá hoóma hémmue háaha Mósɛsɛ a mbaá dúmbíe budúgú, Kanɛ Mesúge go mo nɔɔ osaŋɔ́, a amɔ́ a mo óna.
25
Ogánɛ́ Mósɛsɛ, Sɛfóla, go gɔ́lɔ nuimpi ná ɛdánɛ́, go anca gisudu gá ohaŋa bɛhɛ́, a báá ncó nɔɔ malampada naá bɛgɔ́ndɔ́ bá Mósɛsɛ a amɔ́: "O lɛ go busío bámɛ onɔ́mɛ ba manɔ́ŋɔ́!"
26
Gɔ́ɔ Kanɛ Mesúge a dɛ́ɛnamɔ́ Mósɛsɛ.Sɛfóla go gálɛda a amɔ́!"Onɔmɛ ba manɔ́ŋɔ́! go busíio bá buencí."
27
Kanɛ Mesúge go oyana Álɔŋɔ: "Ɛ́dá naá giolóo, giluméní na Mósɛsɛ. Álɔŋɔ go biene pɛ́; go ɛ́da lumene na Mósɛsɛ naá ogɔndɔ yá Asaŋa, a báá mo gɔ́lɔ́ kude.
27
Kanɛ Mesúge go oyana Álɔŋɔ: "Ɛ́dá naá giolóo, giluméní na Mósɛsɛ. Álɔŋɔ go biene pɛ́; go ɛ́da lumene na Mósɛsɛ naá ogɔndɔ yá Asaŋa, a báá mo gɔ́lɔ́ kude.
28
Mósɛsɛ go lincie Álɔŋɔ dogálɔ duimée dá Kanɛ Mesúge mɔ́ɔnyɔ a lɔ́mɔ mo dómáalú, tɔ́nɔ na bieninye bá go békúke bɛ́ɛbɛ a mbaá mo íŋéné bogaaga bá go ŋanana.
29
Mósɛsɛ nɛhɛ́ na Álɔŋɔ go dúmbenye na pɛ́ yabɔ́, kɔ́ɔ bá bándɛgɛnamɔ́ bafɛanɔ́ɔ biimée naá olɔŋɔ yá baaná bá Ɛ́sɛlahɛ́ɛlɛ.
29
Mósɛsɛ nɛhɛ́ na Álɔŋɔ go dúmbenye na pɛ́ yabɔ́, kɔ́ɔ bá bándɛgɛnamɔ́ bafɛanɔ́ɔ biimée naá olɔŋɔ yá baaná bá Ɛ́sɛlahɛ́ɛlɛ.
30
Álɔŋɔ go fiteninye dogálɔ duimée dɔ́ɔdɔ Kanɛ Mesúge a mboó oyáná Mósɛsɛ, a báá ŋanana bieninye naá oŋgíso yá boɛ́nɔ.
31
Tɔ́nɔ boɛ́nɔ go oliminyo. Bá bɔ́ɔ́ ɔ́bɔ́ goŋaá Kanɛ Mesúge a mba mɛ́nɛ́gɛ́ná baaná bá Ɛ́sɛlahɛ́ɛlɛ, a bɛ́ɛ́ ɛ́ná tɔ́nɔ gɛ́ɔbɛgɔ gábɔ́, gáábɔ́ go cúbimenene, bá dábana mɔŋgɔlɛ́.