Jɔnas kɛm yɛ́nɛkwa
1
Ɛ záŋ Jɔnas paʼtɛʼ.
2
A Púʼ mbɔ́ mbɔ Tsapʉɔ Sɛ́ ńcú ŋgɔ, Tsapʉɔ, yɔ ká pɔ́ nu ŋ ka pɔ́ ńcú paʼ ŋ ka pɛ́t pɔ tɛt ŋgɔŋ wɛ́k la pʉɔ? Ɛ nu ŋ cúnɛ la ɛ́ Tarsis ńcẅɛt ŋ́kʉɔ; mbiʼŋgɔ ŋ ka jí ŋgɔ gu pɔ́nɛ Sɛ́ ŋgaŋ tsáa mɛjʉ́ŋ, mbɔɔ záŋlɔ́ŋ mɛkmɛknɛ pɔ́, mbɔ́ ŋgaŋpɔŋtʉ́m, mbɔɔ pɛ́m ŋgɔ ŋgʉɔ́ʼ kúu pʉɔmɛsɔŋ pɔ́,
3
Tsapʉɔ ɛ́ ŋkɔ̌nɛ paʼ cẅɛ́ɛ luk yáa, mbíŋgɔ, mɔ sɛ́ ńtsáa nɛ́vú ńtsa luk,
4
Tsapʉɔ píkŋɛ ŋgɔ: Ɔ gẅɛɛ nɛ záŋ lɔ́ŋ?
5
Ɛ gɛ pɔ́ʼɔ Jɔnas fú tʉ́sɔŋ ńcẅɛt, ŋgʉ ńnáŋ gúŋ sáʼ nɛm, ŋ́kút mɔyʉ́ʉ ntap zuʼu, ńnáŋ zʉ mɔ́fíitɛ, ḿbɔ́ ńdɔɔ nɛ́jʉɔ́ yúu mi ɛ́ gɛ ŋ́gɛ tʉ́sɔŋ.
6
7
Tsapʉɔ Sɛ́ gɛ nɛtsɛn tʉ́ yi pɛ́ kyɛ́ɛnɛ mɛtntáa mɛ ńdɔk ŋ́gɛ mɛluʼ sá, ḿbɔ́ ŋ́gá mɔ́fí́itɛ mbɔ Jɔnas, nu pɔŋ Jɔnas nǔu tʉ́ ɛ̌yá paʼtɛ Sɛ́ gɛ nɛtsɛn tʉ́ yi pɛ́ kyɛ́ɛnɛ mɛtntáa mɛ ńdɔk ŋ́gɛ mɛluʼ sá, ḿbɔ́ ŋ́gá mɔ́fí́itɛ mbɔ Jɔnas, nu pɔŋ Jɔnas nǔu tʉ́ ɛ̌yá paʼtɛ.
V 7 Lá ńjí gɛ ŋ́kyɛɛ Sɛ́ gɛ cucu kúu tsɛt tʉ́ ɛ̌yá suu tʉ́ yá ɛ́ zúu.
8
Njí kyɛɛ, Sɛ́ fák fʉfʉ̈ɔt tɔɔnɛnɛ́ fú sáʼnɛm ńtɔ́, nɛm pɛn ńtɔɔ nduu-Jɔnas, tɛ a káa. Jɔnas tsáa nɛvú: Tɛ ńcú ŋgɔ mbii nɛvú nǔu luk.
9
Sɛ́ cú mbɔ Jɔnas ŋgɔ: Ɔ kwáŋɛ ŋgɔ ɔ sɛ́ ŋ́gɛ nu sʉ́ʼnɛ nǔu paʼ ɔ záŋnɛ lɔ́ŋ mbiʼ paʼ tʉ́ yá pfúnɛ la kii? A cú ŋgɔ: nu záŋ wáa tɛ ńtsa nɛvú.
10
Sɛ́ pɛn ńcú ŋgɔ: Ɔ sɛ́ ńtsáa mɛjʉ́ŋ nɛtsɛ́n tʉ́ yá tɛʼ lá mbɔ a ká gɛ saa yú la ɛ gúʼ pɔ́, tʉ́ yi ɛ́ sáʼ pɔ nɛtúʼ mbɛn zúu pɔ nɛtṵ́ʼ.
11
Lá mɔ ŋ́gʉ ńtsáa mɛjʉ́ŋ Ninivɛ pɔ́, tɛ mba paʼ a mámá tʉ́sɔŋ yi pʉɔ tsɛtú tɛ ŋ́kúʼ yʉ́ʉ pʉɔ ntsáʼ ŋkʉ nɛ mɛgɛ́mbá pí pɔ́p ká jí pɔ́ yɔ́p yɛ tʉʉ kɛ mba yɛ ŋkẅɛpmɛ pɔ́ tɛ mba kat mɛnaa mi ɛ́ zúʼu.