Jɔnas Kɛm yɛ́tát
1
Sɛ́ pɛn ńcú mbɔ Jɔnas ŋgɔ:
2
Lɔ sɛ́ ŋ́gʉ nɛ Ninivɛ tsɛt mámá tʉ́sɔŋ, ɛ́sáʼ nu yáa mbɔ láʼ!
3
Jɔnas lɔ sɛ́ ŋ́gʉ nɛ Ninivɛ, paʼ Tsapʉɔ cúnɛ, Ninivɛ ka pɔ́ máma tʉ́sɔŋ , pɛ lɔk lɛ́ʼ pɛ́tát nɛn la ŋ́kúu zuʼu,
4
Jɔnas nɛn tsɛt tʉ́sɔŋ ɛ́wá táʼ lɛ́ʼ; ḿbɔ́ ŋ́ga ŋgi yɛ tʉ́ ńcú ŋgɔ: ɛ́ tsʉ́ʼ ńják pɔ lɛ́ʼ mɛgɛ́mnɛkwa pɛ́ kɛm Ninivɛ ńtsẅɛt sɛ́!
5
Pʉɔ Ninivɛ pɛ́m nu Sɛ́, ŋ́gɔ pʉɔ pɛtsʉʉ náŋ kɛ́ jʉ́ yúu pɛjʉ́, ńdɔk mɛpaa ŋ́gɛ mɛdẅí mɔ́p, tɛ ɛ́fú nǔu pɛlʉ́m ŋ́kúu nǔu mbɔŋkʉɔ́ .
6
Nu ɛ́yá vu nɛtúutɛ-fɔɔ pʉɔ Ninivɛ; a lɔ sɛ́ ndǔu kɔʼ nɛfɔɔnɛ ɛ́sɔt ndẅí fák yɛ, ńdɔk mɛpaa ŋ́kút mbʉʉ yɛ, ńnáŋ nduu pfú
7
Ŋ ́gɛ pɛ́ sáʼ tsɛt ŋgɔŋ Ninivɛ tsʉʉ, ŋgɔ kɔɔ ŋumɛsɔŋ kɛ mba mɛnaa, kɛ fɔŋ kɛ pɔ mɔ́ɔnjijɔ zẅíʼ saayúu, kɔɔ pɔ́p nɔ́ ŋki!
8
Ŋgɔ pʉɔ mɛsɔŋ pɔ́p mɛnaa zẅík mɛpaa, ŋgɔ pɔ́p kaʼ ŋgi yɔp ŋ́gá tʉ́ nɛtʉʉ, ɛ́fú nǔu sɛndúŋ kɛpɔŋ pɔ́p nɛnnɛ nǔu la kɛ mba nǔu mat kɛpɔŋ pɔ́p gẅɛɛnɛ la ncẅɛt,
9
Kɛ mbɔ Sɛ́ likŋɛ mɛnu kɛpɔŋ mɔ́p, mɛʼ máma záŋlɔ́ŋ yɛ́ a gẅɛɛnɛ nǔu pɔ́p, tɛ pɔ́p pɔɔ pfútɛ pɔ́ɔ?
10
Sɛ́ jʉɔ́ ŋgɔ pɔ́p ka pɔ́ ŋ́gɛ pɔ́ʼɔ, ḿbɔ ɛ́fú nǔu nu kɛpɔŋ yɔ́p ńcẅɛt, ńdíkŋɛ yúu mi a ka kwaŋɛnɛ nɛ gɛ nǔ pɔ́p, mbɔɔ kii ŋ́gɛ pɔ́.