¹ Mumasiku gha laghala uYohani uwa losyo akisa pakulumbilila mungolongo mukaya ka yudeya akayughagha akatingi, ² ''Pinduka , pakuti ubunyafyale bwa kumwanya bwa ³ palamila,'' Pakuti uyu weyo akayughiwa numusoli u yesaya, akayugha , '' isyu likukolela mungolongo, ' gholosya isila ya malafyale, yania isila yake.'' ⁴ Po u Yohani akafwalagha umuselekesya uwameya gha wangamila sona akafwalagha ulamba mumusana wake. Ichakulya chake ghakaba gho mapalalila nu buki lwa mungolongo. ⁵ Po abandu bakafumagha mu Yerusalemu mu Yudeya namufisu fya fyakusyungulila ulusoko lwa Yorodani wakabuka kukwake. ⁶ Bakayabosiwa nawe mulusoko lwa Yorodani, nukulapa imbibi syabo. ⁷ Loli bo akaeta aba falisayi abingi naba sadukayi bakwisa kukwake pakosiwa, akayughaakati kukwabo, '' mweluko lwa njoka imbibi, weni yo akabasoka ukuti mufumeko kububibi bobukwisa? ⁸ Langisya iseke inyisa isya lupinduko. ⁹ Manye mwinongo'ne nukuyughisania mwebenebene , '' ukuti tuli nu tata u Abulahamu ubise wabatata witu. Ponguyugha kukwinu ukuti uChala abaghile abakwesye mumwanya abana ba Abulahamu napo ukufuma mumabwe agha. ¹⁰ Isembe libikiwe ngani pa misisi ya makomo. Po ikomo lyosi lyolitakupa iseke inyisa likuputuliwa pansi nukuliponia mumoto. ¹¹ Tingabosye umwe namisi gha lupinduko. loli yo akwisa munyuma mwangu mukulu ukunginda une sona ndabaghile ukunyamula namasandulu ghake( amasilipasi) akuyukosya numbepo mwikemo sona nu moto. ¹² Alinichakupetela (uluselo)munyobe syake . Tise abunganie ingano nukubika mufituba.Loli ilyelero likwisa pakochiwa numuliro gho teghukasime lumo.'' ¹³ U Yesu akisa ukufuma ku Galileya ukuti ise osiwe nu Yohani mulusoko lwa Yorodani. ¹⁴ Loli u Yohani akaghela ukukana ukuti manye amosye , '' ngulonda ukuti nosiwe nuwe sona , mwe mwisw kwangu? ¹⁵ UYesu akamula akati, nyitikisya losulu apa, pakuti fili akisa ukuti ngwanilisye umbwanaloli bosi,'' po m u Yohani akamwitikisya umwene. ¹⁶ Mo u Yesu osiwa, uYesu akisa ufubuka mwalubilo ukufuma mumisi mula, sona nalubilo kumwanya kukamwighukila umwene. Akaketa umbepo wa chala akwika ukufuma pansi ngati ngunda nukwima papake yuyo. ¹⁷ Pulika amasyu ukufuma kumwanya ghakuyugha, '' Uyu weMwana wangu umughaniwa yuyo une inguhoboka ngani nawe,''