¹ Mo u Yesu apapiwa mu Betelehemu mukaya ka Yudayi mumasiku gha Malafyale Helodi , abandu bamo abamahala pamo abamanyili ukufuma kubufumilo isuba bakisa mu Yerusalemu bakayugha bakati , '' ² kokwoghi kuko kwapapiwa yumo yo wakuti we Malafyale wa ba Yuda? Twaketa ulutondwi lwake kubufumilo isuba sona bakwisa pakumwiputa.'' ³ Bo umalafyale u Helodi apulika ifi akatamiwa , sona nabandu bosi bamu Yerusalemu. ⁴ Helodi akababunganika bosi abaputi abasongo songo nabamanyandaghilo baba bandu, akabalalusya bosi akati, ''Apapiwe kwighi u Kilisitu? Bakamwamula umwene bakati, ⁵ ''Mu Betelehemu mukaya ka yudeya,isi syosy sikalembiwa numusololi, ' ⁶ loli, uwe, Betelehemu, muchisu cha Yuda, tewewabumalilo mubalongosi bosi bamu Yudeya, ukufumila ku umwe kukwisa umulaghili yo akuyukuswilagha abandu bangu bamu isilayeli,'' ⁷ Helodi mwachisisi akabitisya abamanyi abanalume bala nukubalalusya bosi akabaliro aka#enecho kako ulutondwi lubonekile. ⁸ Akabatuma ku Betelehemu , nukuyugha ukuti, '' buka mulonde ngani akamwana akanandi, pala mwakagha mwise mumbule ukuti nune nise ise mulambile. ⁹ Bo bapulika sisyo umalafyale akayugha, bakabuka bakalukonga ulutondwa lula lulo bakalubonagha kubufumilo ilisuba bakalukongesya mupaka bakaya bafika pamalo ghagho akabapo umwana yula. ¹⁰ Mobalubona ulutondwa , bakasekela nulusekelo ulukulu ngani. ¹¹ Wakabuka nukwingila munyumba sona bakamubona umwana yumo umunandi numay wake u Maliya. Wakafughama pansi nukwanda ukumwiputa umwene. wakighula munyambi syabo nukumupa ifyabupi ifi , Golide , lubani na mira. ¹² Uchala akabasoka mumaloto ukuti manye bakanyokele kwa Herodi, pobakamyamuka nukuya ku chisu chabo nukwenda isila iyingi. ¹³ Bobabuka kale , umungelo wa chala akamubonekela u Yosefe mumaloto akati , ''Nyamuka, mweghe umwana umunandi nu ng'ina, mubuke ku Egypt. iye mwikale kulakula mupaka ngababule umwe, pakuti u Herodi akulonda umwana ukumukoma.'' ¹⁴ Ubusiku yosefe akanyamuka nukumwegha ung'ina numwana nukunyamuka nukuya ku Egypt. ¹⁵ Akikala kulakula mpaka u Herodi akisafwa tasi. Ifi fikakwanilisiwanga fifyo umalafyale chala akayugha ukwendela mumusololi, '' Namwitisisye umwana wangu umwanalume ukufuma mukaya ka Egypt. ¹⁶ po mo u Herodi aketa mumo bakamunyasikisyagha abandu abamanyi bala bakakongagha ulutondwi akaba mukali ngani. Akatuma nukukoma bosi abanalume abana abanandi aba mukaya ka Betelehemu namutwaya tosi ukwanda abafinja fibili ukwika pansi ukuyana nakabalilo kako akapulika kubamanyi bala bakakongagha ulutondwi ¹⁷ Po sikakwanilisiwa sisyo sikayughiwa ukwendela mumusololi Yeremiya., ¹⁸ Ilisyu yikapulikikwa mu kaya ka Ramah, ilisyu ilisisya nukulila , Rakelo akulilila abana, akana nukuti nukuti bangamutebesya chifukwa bakafwa. ¹⁹ Mo u Herodi afwa , po umungelo wa chala akamwisila munjosi u Yosefe mu Egypt nukuyugha ukuti, ²⁰ Nyamuka mumweghe umwana nu ng'ina mubukeghe muchisu cha ku Isilayeli pakuti bosi bobabulonda ubumi bwa mwana uyu bafwile.'' ²¹ Yosefe akanyamuka , nukumwegha umwana nu ng'ina nukwisa mukaya ka isilayeli ²² Bo apulika ukuti u Archelaus weyo akulamulila ku Yudeya mumala gha wisee u Herodi, akoghopa ukubuka kula . Mo uchala amusoka kale mumaloto, akafumako akabuka kukaya ka Galileya ²³ nukuya pakwikala pa kaya akakulu nganiaka Nazarethi. Ifi fikakwanilisiwa kufifyo fikayughiwa ukwendela mubasololi, ukuti takise itisiwe ukuba we Nazarini.