¹ Nkuwanena ichisinkha mwakwe Kristu. Nthakuwipa, swinya injuwi zyane zikuntchitila uwukamboni mu Muzimu Umwimichile ² kuno kwakwe nene kuli amalanda ayakulu nu kuluma ukunthasila mu mwenzo wane. ³ Amuno ningalonda ukuti nene nemwenecho nkhatipwe nukupatulwa ukufuma kwe kristu pa mulandu wa wanyina wane, wawo awa lupwa lwane ukuyana naku kumuwili. ⁴ Awa Izirayeli. Wali nu wana, uwuchindame, akwivwana, ichawila chi sundo, ukulamba kwe Leza, na malayano. ⁵ Awawo awa yisikulu ukufuma kwe wano Kristu wafuma ukuyana na ku muwili -- weni wino a Leza pe vyonsi. Afwile atumvwe ku muyayaya. Ameni. ⁶ Ukuwa asenge pano ilayizyo lyakwe Leza lyapotwa.Amuno asa aliwensi mu Izilayeri wino muchisinkha wawa mu Izilayeri. ⁷ Pamwi asa wonsi awikwata lyakwe Abrahamu wano mu chisinkha a wana wakwe. Ukuwa, ''Ukupitila mwakwe Ayizeki muno ikwata lyako liliyitwa.'' ⁸ Akuli kuti, awana waku muwili asa wana wakwe Leza. Kweni awana wi layizyo wakulolwa ngati a likwata. ⁹ Amuno lyoo a lizwi ilyi layizyo: ''Pa mphindi yoo ndiyiza nga umwana umonsi alipwa kwe Sara.'' ¹⁰ Asa choo chonga, kweni pansizi Rabeka nawenye aliwa nu wula nu monsi wenga, e tata witu Ayizeke - ¹¹ amuno awana watalinji wakwatwe swinya wachilinji watani wachite chimwi ichizima pamwi ichiwipe, alyakuti icha kulonda chakwe Leza ukuyana ni chisolwa chifiswe, asa mulandu wa milimo, kweni umulandu wakwe weyo wino akakwita - ¹² chavwanzilwe kwe Rabeka, ''E songo aliwa a muzya wa mutichi.'' ¹³ Chili ngati ndi vino chawalikwa: ''Yakobi na mukunda, kweni Esawo na mupata.'' ¹⁴ Achani fwandi chino tulivwanga? Wuzye kwawa uwu nthalungamana ne Leza? Chitizi chitele chiwe. ¹⁵ Amuno akuti kwe Mose, ''Ndiwa nu wila kwe wino nkhulonda imbe nu wila, swinya ndiyivwila ichilanda kwe wino ndimuwila ni chilanda.'' ¹⁶ Achaleka nomba, asa mulandu wakwe wino akulondo, pamwi u mulandu wakwe wino akusamala, kweni a mulandu wakwe Leza, wino akulanjizya uwila. ¹⁷ Amuno ama waliko yakuvyanga kwe Farawo, ''Muno chonye choo, nakukatusya wewe, alyakuti ningalanjizya amaka yane mwakwe wewe, swinya alyakuti izina lyane lingawizwa monsi munsi yapansi.'' ¹⁸ Achaleka nomba, Leza ali nu wila pakwe wino weni akulonda, swinya wino weni akulonda, akamuwomya umwenzo. ¹⁹ Nomba muliwavwanga kwe nene, ''Achani fwandi chino achili nanomba akuzana uwupotwe? Amuno weweni wino watela wapazinkhana nu ukulonda kwakwe?'' ²⁰ Umwakususya, we munthu we, wuzye weweni wewe ukuti ungapanzinkhana ne Leza? Wuzwe chino chamatwa chingavwanga kwe wino wachimata, ''Achani fwandi chino wamata woo?'' ²¹ Wuzye e kamata wa nsontha atawa ni nsambu papela pivu ukumata ni nivu lililyonga insontha iya kuwomvya pa milimo iyichindame, swinya linji insontha yakuwomvya amanda yonsi? ²² Wuli ndi Leza, wino akulondesya ukulanjizya uwukali swinya ukuti amaka yakwe yamanyikwe, ajimbilizizye nu kutepwa ukukulu ivyakusunjila uwukali wuno wasenganizya ku konona? ²³ Wuli ndi wawomvile choo alyakuti angamanyisya uwukankha wa wuchindame wakwe pa vakusunjila vya wila, vino wavisenganizye kali ku wuchindame? ²⁴ Wuli ndi wawomvile na chonye choo muno sweswe, wano weni nawenye watwita, asakufuma ku wa Yuda watupu, kweni na ku makandi nye? ²⁵ ndi vino akulanda swinya mwe Hoseya: ''Ndiwita awanthu wane wano walinji asa wane, swinya awakundwe wano watalinji awakundwe. ²⁶ Ngapano chiliwa ukuti kuno kwavwanzilwe kwe woliwo, 'Asa mwe wanthu wane,' kulyanye waliyitwa 'awana awonsi wakwe Leza.''' ²⁷ Yesaya akupunda ukuyana na wa Izirayeli, ''Napano imphendwa ya wana awonsi wa Izirayeli walinji ngati amusesenga wa kwe sumbi, kuliwa awatichi awasyale wano walipokwa, ²⁸ amuno Imfumu yilipingula umulandu wansi ya pansi yonsi pyu swinya nanthi kuzimba.'' ²⁹ Ndivino Yesaya wavwanzile kunsizii, ''Ndi e Leza wa wavule atatusyile sweswe swe khwata, nge twalinji ngati we Sodomu, swinya nge twiza twawa ngati we Gomora.'' ³⁰ Wuzye tuliti chani nomba? Kuno amakandi, wano watakonkhanga uwulungamane, wapochezile uwulungamane, uwulungamane wi suwilo. ³¹ Lelo Izirayeli, wano wakonkhanga isundo lya wulungamane, watafisile penepo. ³² Wuli fwandi? umulandu watakonkhanga ni suwilo, kweni ni milimo. Wapunuzile piwe lya kupunuzya, ³³ ndi vino chawalikwa, ''Lolani, nkhulambalika mu Ziyoni iwe lyakupunuzya niwe lya mulandu. Weyo wino akusuwila mwakwe lyenelyo atalikozwa insoni.''