¹ Ukuvwanga koo akusuwilwa: Ndi wumwi akulondesya ukuwa we katungulula, akulondesya umulimo uwuzima. ² Achaleka e katungulula afwile awe nanthi akamphisya. Afwile awe nu mwanachi wonga, afwile awa uwakwivwichisya, uwa mano, uwikala ichete, swinya umusunzi. Afwile akwanisye ukusambilizya. ³ Afwile atakawe we chakolwa, nanthi alombwa, lelo mu malo mwakwe, umumyalale, uwa mutende. Afwile atakawe mukundwe wa mphiya. ⁴ Awe wino akapisya ichete ing'anda yakwe, swinya awana wakwe wamutonthele nu muchinzi wonsi. ⁵ Amuno ndi umonsi akupotwa ukupisya ichete ing'anda yakwe, wuzye angasunjilila wuliwui ichiwanza chakwe Leza? ⁶ Atakawe a mupiliwuke umupya, alyakuti atakizule nu kuyitumvya nga aponele mu kupingula kwe muwipe. ⁷ Afwile awe wino awakunzi wamuchindika, alyakuti atakaponele mu musamu ni chipingo chaku muwipe. ⁸ Ama dikoni, nawonya, wawe awa chindikwe, nanthi akulanda kwa wufi. Watakati wakung'wa nkhani ipala pamwi awa maphangandyanje. ⁹ Wasunjilile ichisinkha ichiwumbulwe icha suwilo nanthi akamphisya. ¹⁰ Wawe awazumilizwe icha kutalichila, nga pano wawomba umulandu wasi nanthi akamphisya. ¹¹ Mu nzila yiliyonga, awawo wawe awachindikwe, asa wano wali nichongo, kweni wano awa myalale swinya awi suwilo mu vinthu vyonsi. ¹² Awa Dikoni wafwile wawe awalume wa mwanachi wenga. Wafwile wapisye ichete awana wawo ni ng'anda zyawo. ¹³ Amuno wawo wano wawamba ichete wakuyizanila wenga awanecho imiwele swinya ukuyisuwilamwi suwilo lino lili mwakwe Kristu Yesu. ¹⁴ Pano nkhuwalika ivinthu vyoo kwe wewe, nkhuchetekela ukuza kwe wewe nombanomba. ¹⁵ Ukuwa ndi nazimba, nenji nkhuwalika alyakuti wewe ungamanya muno ungikalila mu ng'anda yakwe Leza, yino a chiwanza ichakwe Leza umulanzi, ilya kwimichila swinya ukwavwilizya ichisinkha. ¹⁶ Sweswe tukwivwana kuno ichizungusyo cha wuleza achikulu: ''Weni alolesile mu muwili, azumilizizwe nu Muzimu, alolesilwe na wangelo, awizizwe mumaluko, asuwizilwe munsi ya pansi, swinya asendwa mupela mu wuchindame.''