¹ Nomba ukuyana ni nzuwi ku makolania: Tumanyile kuno swensi twamanya. Ukumanya kukayitumvya, kweni ulukundo lukazenga. ² Ndi wumwi akwelengania ukuti wamanya chimwi, umunthunye weyo achili ukumanya muno angamanyila. ³ Ukuwa ndi wino wakunda Leza, umunthunye weyo akamanyikwa na weliwe. ⁶ Achaleka fwandi, ukuyana nu kulya ichakulya cha nzuwi ku makolania: Twamanya kuno ikolania munsi yoo alyvye swinya kusi Leza winji kweni wenganye nsu. ⁵ Amuno naponye ndi pali tumwi tukwitwa twa leza, mwiyulu pamwi munsi yapansi (ndivino kuli u twa ''leza'' swinya nizya '''mfumu'' imvule), ⁴ lelo kwe sweswe kwawa e Leza wenganye nsu, e Tata, kwe wino vyonsi ivinthu vikafuma swinya kwe wino tuli nuwulanzi, swinya Imfumu yonganye Yesu Kristu, ukupitila mwe wino ivinthu vyonsi vikuzanwa, swinya ukupitila mwe wino sweswe tukuzanwa. ⁷ Muno vingawela, ukumanya koo kusi mwakwe aliwensi. Mumalo mwakwe, wamwi kunsizi wafukamilanga amakolania swinya wakulya ichakulya choo ngati a chimwi chino chalinji a nzuwi ku makolania. Imyelenganizye yawo yononeka umulandu yifoke. ⁸ Ukuwa ichakulya chatalituleta kwe Leza. Tutawifile nkhani ndi tutakulya, pamwi tukuwa ichete sana ndi tukulya. ⁹ Ukuwa muchenjele ukuti uwunthungwa winu wutakawe a chifukwa cha wumwi wino akufoka mwi suwilo ukuti apunule. ¹⁰ Amuno chingawa wuli ukuti umunthunye weyo akulole, wino ali nu kumanya, ukuti uli pakulya ichakulya mwi tempeli lya makolania. Wuzye ukufoka kwakwe mu melenganio kutanga kumupe amaka ukuti alye vino vipilwe ku makolania? ¹¹ Achaleka umulandu wakivwile kako ivya chisinkha cha miwele ya makolania, wee umufoke, umunyina wino Kristu wamufwila, angononeka. ¹² Achaleka, pano wawembukila awanyoko nu kuchisa imyelenganizye yawo iyifoke, lyo wawembukila Kristu. ¹³ Achaleka fwandi, ndi ichakulya chikulenga umunyina apunule, nthalitela indye swinya inyama yoyo, alyakuti nthakalenge umwanawitu ukuti apone.