1
To! Bɨ yag ə yed kyaŋ tswod fɨriŋ əkwo Yahudawa əbyo ni? Yag ə sɨ yed səhwod ti cwon na.
2
Ku yed gbəŋdaŋ nkyaŋ bə kozaŋ ndwag. Yahudawa byo Əgwaza əku tsa joŋ ba əlyyad nkyaŋ utswon ji.
Kənaŋ Yahudawa əyyaŋ ə lag ŋwwag tsswo ku fa? Ŋway ŋwwag tsswo ba ku i nɨ ndwoŋ cucug ntəm Əgwaza u ə byyo kpaŋtɨn a?
Kud! ku na di ənnyo dag. Də kunuŋ əkyo, yog Əgwaza ə yed ətyə cucug, kwo də konyan əyed ətyi bwoy əlyem. Bənaŋ əkə ndyurug ni, ə twərag naŋ a ngyed ətyə saŋ əbun bumi alyyad guna. Əwod â ga shwod də njen əzo ə na mbay duswon fag əlyyad ka ni.
Əwod kənaŋ ŋway nyyo cucug wu əna twərag saŋ əbun Əgwaza ku, bɨ yag ə bəd zɨ na hyyo? Kə̀ dərəg zɨ nyyo saŋ əbun Əgwaza ku bay bə ndyen guna tuza zɨ ka a? "Nuŋ ndyyad tuza dɨdam ətyibɨshyi kyo."
Kud! Kunɨ di ənnyo dag. Ni ə bəd Əgwaza u əna fyyed əlyyad tuza swanta ka?
Əwod bə kənaŋ cucug Əgwaza u bumi bwoy əlyem nku nâ taŋ gu dɨdyem bəd, bɨ yag ə mbyyo əna nfyyed əlyyad tuza nka dɨ yed ətyə əbun?
To, yag ə na ndwwoŋ zɨd nyyo naŋ ə nfag zɨd əlyem nyo zɨ nyyo, əyyaŋ əsɨ kyag nyo zɨ kərag ənnyo. "Yog zɨ ya uswon dɨ nyyo kətug ku,tan ku i ga bay a? Fyyed əlyyad tuza ba ka nad cəcərag."
Yag ə kwǐ ni? Zɨd zɨ byyo tətwad a? Kwo bə cuncwwad. Nwad, zɨ wa kə ntwoy kəkəb Yahudawa bə Helinawa ba naŋ ba ngyed ənied əbun byo.
Di gag əkwo ə ndyurug ni, "Ə̀ mbyyo əyin əwo saŋ əbun ni dag, kwo ətyə nyyuŋ bəd.
Ə̀ mbyyo ətyə əwo fɨg ni dag. Də bǎ nshyyo ətyə əwo cad Əgwaza ni dag.
12
Səlləy ba ba tyyeb ə ŋwwo uyid. Səlləy ba jen jyuŋ ba sɨ byyo kpaŋtɨn dag. Ə̀ mbyyo ətyə əwo nyyo tan ni dag, sɨm, piyid ətyə nyyuŋ.
+Zəŋwad ba ji shyǒ gaŋ naŋ ndyag ni. Lɨlyem ba ku yed shin lyyen. Dəfin zwag ku shyyo utag unuŋ ba na.
Unuŋ ba na nhyad bɨ shyi ənied mbyyaŋ lyyad əcway əlyyad.
15
Tɨtag ba ba ə ghan dɨ wəram əswog.
16
Ndwag nswad bana yed sswo zwod bɨ byyan kwo.
17
Ənied ə bay ni əlyen lwag kay nda dag.
18
Fəg uwun Əgwaza shyyo buyi ba na dag.
Nini zɨ lyyen kyaŋ əkwo doka ji lyyad ni, isɨ lyyad tuza ənied əkyo shyyo mbwag doka ji ni. Ku di ənnyo ku ga mub unuŋ konyan. Nwad səlləy swanta ku na twərag əpyo ba duyi Əgwaza ka.
Sɨkwî ni yed dənian əka ə mbyyo ətyɨbɨshyi əwo əna shwod fag əlyyad duyi guka dənian kɨnyyo ətan ntəm.Nwad, mbwag doka əzo bay bɨ lyen əbun wu.
Nini kaŋ bə doka ji, saŋ əbun Əgwaza ku əwa kə ndyen ku. Doka ji mbyyaŋ ənied əlyyad əŋwwad Əgwaza ba, əkum əlyyad ənay ni uma.
Naŋ ku ndi ənnyo ni, saŋ əbun Əgwaza ku mbwag ŋwwag tsswo bumi Yesu Kristi shyyo kəkəb bə ənied əbyo kə ŋwwag cucug wu ni. Ə mbyyo əsɨba di kaŋ ni dag.
Nwad kəkəb ənied ba əkə ngyed ənied əbun byo, basɨ lad duyi kyenkyay shi Əgwaza u.
Kukwo mbyyo ba nshyyo san ku bə səd dənian shog gu ji mbwag ntəm san ənio shyyo bumi Kristi Yesu ni.
Əgwaza u əku ŋwwag Kristi Yesu naŋ fi zənaŋ mbwag ŋwwag tsswo bumi əswod guna. Əku ŋwwag Kristi ə ntwərag nyyo cucug gu ku, dənian əka gwo mbwwag əyi əsag dɨ ŋway cyyaŋ əbun gbəŋbaŋ wu bumi yab tsswo gu ku.
Ə̀nyyo kyaŋ əkwi ni ə ga ntwərag saŋ əbun gu ku bumi ce əkwi ni. Ku bu di ənnyǒ gwô ga twərag naŋ gwo ngyed ətyə cucug ə, əwod gwo ga twərag san konyan wo ə ŋwwag tsswo guku bumi Yesu ni.
Bə əji ə bəd tswod fɨrɨn ku i nyyo? Ə wurug bə nku. Bə zaŋ ndwag kwo? Nyyo ətan ntəm kwo a? Ay! Bə ndwag ŋwwag tsswo kwo bə nyin ku.
Nghan əlyyad zɨd wu ə yed, əyin əna shyyo san ku dənian ŋwwag tsswo kwo, kaŋ bə ətan ntəm shin doka ji.
Bə Əgwaza əyed bə Əgwaza Yahudawa byo bə əyin ba? Ə mun əyed əshin ənied əkag byo dâ? Î, ə mun əyed əshin ba bwo.
Bə kə Əgwaza u bəd ə shyyo bə ənyyuŋ, ngwo bə əyin gu əna san ənied ti con ba bumi ŋwwag tsswo baku, duŋduŋ bə əsɨ ŋway ti con ni bumi ŋwwag tsswo baku.
31
Zɨ na cyyo doka ji jî byyo kpaŋtin dag dənian ŋwwag tsswo kwo bə nyin ku a? Kwo bə cuncwwad, kuna di ənnyo dag! Də kunuŋ əkyo, zɨ wa byoŋ doka ji mbwag nfyyaŋ.