Gbəndaŋ Zunzwo 2
1
Kukwo mbyyo, a byyo tətwad dag, ŋwan ə wo fag əlyyad tuza ənied ni, kyaŋ əkwo ə fag tuza əyyaŋ ənied ni, ə fag əpyo a ndyo ə. Naŋ kyaŋ əkwo a fag tuza ənied ka ni, ŋwan bwo a mun nyyo ku.
2
Əwod zɨ lyen naŋ Əgwaza wu ə fag əlyyad guna bumi cucug tuza ənied əbyo nyyo nkyaŋ ənio ni.
Əwod də ya cyyaŋ sɨ kwi ni, ŋwan əyin, əwo fag əlyyad tuza ənied əbyo ə nyyo təŋkəy nkyaŋ ənio ni, naŋ a mun nyyo na bwo ni, ŋwan ə nɨ shwod fyyed əlyyad Əgwaza ku a?
Kə ama nɨ dam jway ətan nyyo Əgwaza u naŋ gwo nkwag jen nfyyed zɨd əlyyad na ni, mbyyaŋ yab tsswo gu ku ni a? Kəda ə lyen naŋ ətan nyyo gu əwa nyyed bə nyin dɨ nay ə yurub kətug nyi ku dâ?
Əwod gbab əpyo nyi ku mbyyaŋ byyo lag tswoŋ dɨ lag nay ə yurub nyin kətug nyyo nyin wu, cyyo nyi ntuŋ əpyo nyin ndyen Əgwaza na, utug əkyo gu nə twərag ndyen gu na, bə naŋ utug əkyo Əgwaza wu ənə twərag fag əlyyad saŋ əbun gu na ni.
Əna tan konyan cəcərag nkyaŋ ənio gwo nyyo ni.
Ənied əba a kwan dɨ nyyo nkyaŋ shog kozaŋ jen ni, bə shyyo əpyo ba dɨdyeb, ŋwwag shi bə ndwam əna bwi ni dag. Əbwo joŋ gu sɨced saŋ sɨsag.
Əwod ənied əba cad əpyo ba ni, ba sɨ lag hwi əlyyad cucug na, əkyɨ hwi əbun wu, fəg kùg bə kətug ndyen u əna kwa məmba.
Əgwaza ə nə tǝm bɨ sswo ubuŋ mbyyaŋ byyan tsswo tuza kozaŋ sswon ətyibɨshyi byo nyyo ntəm utənyiraŋ ni, tsa bə Yahudawa tɨnad Hellinawa ba.
Əwod dɨdyeb bɨ shi mbyyaŋ kay nda na shyyo tuza konyan əwo ənyyo ntəm shog ni, tsa nyyo Yahudawa tɨnad bə Hellinawa ba.
Nwad,Əgwaza u ə nyyo cad əpyo dag.
Ənied əbun ba də bɨ byyo doka Əgwaza ji, ba nə kwi bumi doka dag. Ə sɨ ba bwwo əbun bumi doka ni, ənə fyyed əlyyad tuza ba bumi doka ji.
Ənied əba tswoŋ doka ji ni, ba byo saŋ əbun duyi Əgwaza ka dag, ə sɨ ba hwi doka bɨ nyyo kyaŋ əkwo ə cad ni, ba byo gwo na fərəg ə wod.
Naŋ ənied əkag ba, əku mbyyo doka ji ni dag, bumi əkwa ndwam ba ka, basɨ hwi nkyaŋ doka na, na sɨ yed ba doka zo,kwo naŋ bə mbyyo doka ji ni dag.
Dənian əkay ni ku ntwərag naŋ nkyaŋ ənio doka ji cad ə nyyo ni naŋ ə ndyurug na bə ntsswo ba na ni. Cug dɨdam əlyo baji sɨ yoŋ ba ndyo, bɨ dɨdam ba wu sɨ tətwaŋ ba gaswoŋ kwo jî kyag kwan ku dənian ba.
Ənnyǒ bwo Əgwaza u ətə ba nyyo bɨ nwam fag əlyyad Əgwaza tuza kəkəb ənied nyyo nkyaŋ dəbaŋ ni, naŋ usham əlyyad nka mbwag Yesu Kristi ka ni.
Əwod, kə a yyi əpyo á Bayahude, ə sɨ swan tuza doka ji ntswod fɨrɨŋ bumi Əgwaza.
Ə sɨ lyen kyaŋ əkwo Əgwaza u ə fa ni, ə sɨ bɨ lyen nkyaŋ ənio nsswag nkyaŋ na bəd ni, dənian ə myab na bumi doka ji.
Kə naŋ a tswod fɨrɨŋ nyo ə yed əkwog uswon ənied tɨtwan, a yed say kwo bə asɨ byo shyyo bə ndyin ni.
Wo ə jyi +əbwwon ba ni, wo ə cyyed əcwwaŋ nnwan na ni, bumi doka ka, ə mbyyo nkyaŋ ənio coŋ bɨ lyen mbyyaŋ cucug ni. Ni ə nkyaŋ ənay ni mbyyaŋ swad aku?
Nyin əbyo cyyed əyyaŋ ənied ni, nyi ka ncyyed əpyo nyin â? Nyin əbyo ə nyo əyog tsaŋ ji ni, nyi nyyin tsaŋ ji dâ?
Nyin əbyo cyyed nyo ə yog nyyo shɨshɨg kɨnyyo bə ətyog kwo əbyyug əyin ni dag, nyi nyyo dâ? Nyin əbyo ə nyyo lag di +agwaza dunio na sujada ni, nyi nyyin bə gbəndaŋ Uli Dyeb Əgwaza ka dâ?
Nyin əbyo byyo əgway bə ə say ntsswo bumi doka ka ni, nyi jwway Əgwaza u dɨ lag hwi doka guji dâ?
Nwad ənnyo, "ənied ə kag ba jwway əyorog Əgwaza ka dənian nyin ka," bənaŋ ə kə ndyurug ni.
Ti cwon ku byyaŋ nyin bəd, kə nyi hwi doka ji. Ba ka naŋ nyi ma nkpərəm doka ji, ti cwon ku byyo kpəŋtɨn dag.
Bə kənaŋ ətyə əwo da ə ŋway cyyo gu cwon ni, əsɨ hwi doka ji, əna bwwag ŋway cyyo cwon gu ku, ku yed cyyo cwon dâ?
Kənaŋ ətyə əwo əŋway cyyo gu cwon ji ni ə hwi doka ji, əna yǝw əfyyed əlyyad tuza nyin dâ? Ku di ənnyo, nwad əlyurug nyin doka ji mbyyaŋ ti cwon ku, də nyi ba hwi doka ji dag.
Əwod əyed ətyə Bayahude bə kpay ə dag, də ba ə cyyo gu cwon zo ə nfyyed gu kwa lwam ni dag.
29
Nwad, əyed ətyə Bayahude bumi, əwod əcyyo gu cwon bə ntsswo bumi Zɨzərag Ntswa, ku yed təm kwa mbwag kwo dag.Təŋkəy əyin əkwo, dyeb guku nyyo bə ənied dag, ku nyyo bə Əgwaza.