nbtt-xkg_1co_text

Gbəndaŋ Zunzwo 9

Ə forog n ǝwon dâ? Ngyed ǝgwag ntǝm Yesu dâ? Ǹ ka ndɨ Yesu Ətyə Uli zɨd wu bǝ əyyi mba dâ? Nyi byo yed nkyaŋ ntǝm mbwag nna bumi Ətyə Uli dâ? Kənaŋ ngyed ǝgwag ntam Yesu bə ǝyyaŋ ǝnied dag, cucug ə ngyed ǝnnyo bə nyin. Nyi byo twərag yed əgwag ntǝm nku bumi Ətyə Uli. Di əlyyad ǝnio ghab n nni tuza ǝnied ǝbyo twǝy ni: Zɨ byyo gag ǝkwo zɨ na yà, zɨ bwo sswo bǝ səd nɨ dâ? Zɨd bwo zɨ mun byyo jen nkyag ǝbyyug nnyəraŋ ŋwwag cucug wu naŋ ǝkum +ǝgwag ntǝm ba naŋ Kefas bǝ +nənyyug Ətyə Uli ba dâ? Kǝ ba nuŋ ə, mbyyaŋ Barnaba ə ba nyin zɨd zɨ byo myim nyyo gbədərag ntəm wu də bə əbyyug â? Ənyan ə nyyo ntǝm ngwon zwaŋ na ba ǝbwu gu ka? Ə̀ nyan ə cwɨ ǝbɨn inabi ka da naŋ gwo ngya nnwan əsum na dag? Ənyan ə cog usəroŋ nyag da bu ŋway sswo ǝbyyen ba nà? To, ndyad sɨkwi ni tuza tyog Ətyibɨshyi kwo â? Doka Əgwaza ji lyyad ǝnnyo dâ? "Ə́ lyurug bumi doka Əgwaza ji mbwag Musa nyo, kǝ nyag ji shay yag ku, ǝ yog ləb ji unuŋ ka dag." Nyag ǝzə Əgwaza u ə dam â? Zɨd byo naŋ gwo lyyad tuza nzɨd dâ? Ə́ lyurug dənian zɨd kyo dâ? Nwad ǝtyə əwo kab ni, ǝ kab ə mbyoŋ tsswo kwo. Ətyə əwo shay yag ku ni, mun ə byoŋ tsswo ǝna shyyo. Kə zɨ cwi tswa əlyyad sɨced Əgwaza ji bumi nyi ka, ina lwwo ǝhwu zɨd fway bə nyin nkyaŋ nzwa swanta na bǝ nyin dâ? Kǝ ǝyyaŋ ǝnied ǝshyyo swad səd ǝkwi bǝ nyin, i myim zɨd zɨ shyyo sswag ǝnnyǒ dâ? Kǝkǝb bǝ nyyo, zɨd nyyo ntǝm zɨ na bɨ swan səd ǝkwo dag. Dǝ kunuŋ ǝkyo, zɨd sɨ yab tsswo kəlag zɨd nɨ ndwoŋ ya uswon usham ǝlyyad ka. Nyi lyen naŋ ǝnied nyyo ntǝm bǝ Gbəndaŋ Uli Dyeb Əgwaza ku, ba shyyad zaŋ ba ji bə Gbəndaŋ Uli Dyeb Əgwaza ku dâ? Had nini, nyi lyen naŋ ǝnied nyyo ntǝm bə ǝgan u, ba shyyad shin ba ku bǝ nkyaŋ ǝnio ǝ coŋ ndyo bǝ ǝgan u ni dâ? Ənnyǒ bwo, Ətyə Uli u ǝ ŋwwag doka ji nyo, ənied shey ǝlyyad Əgwaza ba əna nshyad nkyaŋ ya bana ǝzo bwo! Əwod dǝ nuŋ nnyyo ntǝm tuza swan səd ǝkwi dag. Dǝ nuŋ ndyurug ǝlyyad ənay dǝnian nyî nyyo n kyaŋ dag. Nkyag bəd nwa hwu bɨ gag ǝkwo ǝyin ǝna n dwoŋ gud ǝguŋ ǝkay ni. Bǝ kənaŋ nshyey usham ǝlyyad Əgwaza ka, Í myim ngud ǝguŋ dag naŋ ku ngyed n tɨlɨd kwo n nyyo ni. Sswo ubuŋ shyyo tuza n kǝnaŋ nshyey usham ǝlyyad Əgwaza ka dag. Kǝnaŋ nnyyo ntǝm ǝnay bɨ ŋwwag tsswo nkwo, mbyyo zǝnaŋ. Kǝ mma nyyo bɨ ŋwwag tsswo dag, had nini mbyyo kpərog nyyo ntəm əpyo nka. To, yag ə bəd yed zǝnaŋ nji? Kənaŋ nshey usham ǝlyyad ǝkay ni dǝ bɨ san zaŋ dag. Nwad, kukwo na ndwoŋ n n̂sag əyyi tuza nkyaŋ ǝnio myim nshyyad bɨ shey usham ǝlyyad ka. Kwo naŋ ngyed ǝhwo ǝyin ni dag, mbwwag ǝpyo n ncyyo ǝhwo ntəm bə konyan. Nwad, kukwo na cyyo ǝnied san ba bâ shi. Bǝ Yahudawa ba, sɨ mbwwag ncyyo ǝyin ba bâ shyyo san ku. Bǝ ǝnied əbyo shyyo bumi doka kyo ni, nsɨ mun mbwwag nshyyo bumi doka dunduŋ bǝ mba bâ ga shyyo san ku. Nku nyyo ənnyo kwo naŋ nuŋ nshyyo bumi doka ba ji dag. Bǝ ǝnied ǝbyo dǝ ba shyyo bumi doka ji ni dag, nsɨ mbwwag ncyyo naŋ ba ni. Kwo naŋ nŋway nshyyo tusa doka Əgwaza ji dag, nwad, nshyyo bumi doka Kristi zo. Nku nyyo ənnyo n nshyyo ǝnied ǝbyo shyyo tusa doka ka ji. Bǝ ǝnied ǝbyo saŋ ced ku ni, mnku bwwag ncyyo ǝtyə saŋ ced, ku cyyo nshyyo jen dɨ san saŋ ənied saŋ ced ba. Nbwwag cyyo kozaŋ kyaŋ ba konyan ə, kukwo na cyyo nshyyo ǝnied ǝbyo nǝ shyyo san ku ni. Ǹnyyo Kozaŋ kyaŋ dənian, usham ǝlyyad Ŋgwon Əgwaza ka, ku cyyo mbyyo bwag bɨ kwərog mmyaŋ Əcyo ku. Kə də nyi lyen nyo ǝnied bǝ dɨdɨd nɨ nshyyo bǝ gyagyag ncuŋ ji, əwod ǝtyə ǝnyyuŋ ə nɨ tɨ shyyo zǝnaŋ ji â? Nwad ǝnnyo, sə nyî tyoŋ gyagyag ncuŋ ji dɨ shyyo zǝnaŋ ji. Kozaŋ ətɨ tyoŋ gyagyag ncuŋ ǝnɨ gba ǝpyo tuza kwo zaŋ nkyaŋ kozaŋ njen. Ba nɨ nyyo ənnyo bɨ byoŋ tsswo nshyyo zǝnaŋ ǝzo əna bwi ni, əwod zɨd zɨ nyyo ji zɨ nsan zǝnaŋ əji ŋway bwi ku ni. Kukwo mbyyo, nuŋ nnyyo gyagyag ncuŋ bɨ byoŋ tsswo kwo nuŋ nkwan uyarag tswod wun kwo bǝ əkpəd dag. Əwod mgba lwam nku mbwwag ncyyo əhwo n, kəlag, də məta əka n nshyey ǝyyaŋ ǝnied ǝlyyad Əgwaza na, basɨ shyyo san ku ni, əwod nuŋ bǝ ǝpyon mma ŋway ŋwwo Uli Əgwaza ka.