Nini tuza kyaŋ ya əkwo ə nyyeb naŋ fi zənaŋ bə +agwaza dunîo na, "zɨ lyen naŋ selləy zɨd, zɨ byyo fɨg ku." lyen ku coŋ bə əŋwaŋ, əwod cad ku sɨ nog. Kə əyin ə dam nyo gwo lyen ətyə əwo əkə ndyen kyaŋ əkwo myɨm gwo lyen ni, ətyə əwo əkə ndyen kyaŋ əkwo myɨm gwô lyen ni dag. Əwod kə əyin ə cad Əgwaza u, Əgwaza u ə lyen gu. Nwad ənnyo, tuza kyaŋ ya əkwo ə nyyeb bə +agwaza dunio fi zənaŋ ni, zɨ lyen a dɨddəy əgwaza yed kyaŋ bə swanta əkwi dag. Nwad, əbə mbyyo Əgwaza əyyaŋ dag, sə bə ənyyuŋ ə bə swanta ku. Kwo +agwaza uyyaŋ u nshyyo, kwo tuza, kwo əbɨn kyo, naŋ ə mbyyo +agwaza na dɨdɨd mbyyaŋ "ənied usa baba." Əmgbəm bə ənnyo, bə nzɨd, Əgwaza Əcyo u ə shyyo bə ənyyuŋ wo kəkəb nkyaŋ na nyyo bə ngu ni, wo zɨ swan dənian gu ni, mbyyaŋ Ətyə Uli ənyyuŋ Yesu Kristi, wo dənian gu kyo zɨ nswan ni." Əmgbəm bə ənnyo, ḱu lyen əkwi shyyo bə konyan dag. Də kunuŋ əkyo, əyyaŋ əbɨ dyeb a cwwaŋ +agwaza gbaŋgbaŋ. Əwod basɨ ngya kyaŋ ya əkwo ə nyyeb a cwaŋ +agwaza fi zənaŋ ni. Əfam dɨdam ba na sɨ byyan dənian əkyo na mbyyo ced ku ni. Əwod kyaŋ ya nɨ nad bə nzɨd bə Əgwaza dag. Ku nɨ mban zɨ kyaŋ dag kə zɨ ya. Ku na ywway zɨd kyaŋ dag kə zɨ lag yâ ku. Əwod yog zɨ təlwam, kəlag swan səd zɨ ku ku yed kyaŋ tyərom kwo tuza ətyə əwo ənɨ bwwod əmwan ni, gwǒ ə shwod. Nwad, kə ətyə əwo cyi lyen ku ə nsham ni, əsɨ di a ətyə əwo ə cɨn əpyo gu nyo ə shyyo bɨ lyen bəd ni, ə ya kyaŋ ya əkwo ə nyyeb +agwaza ni, a kag bwag gu bwo ə mun ə ya təŋ̀káy kyaŋ ya ənio dâ? Nwad gag əkwo ŋwan a ndyen a cwwaŋ +agwaza na ni, nənyyug a əwo də ŋwwag tsswo guku may kyaŋ ni, wo Kristi əhwu dənian guka ni, ənɨ cyyo gwô ŋwwo uli ndoŋ. Ikwo mbyyo kə a cyyo +nənyyug aba kun, naŋ əfam dɨdam ba wu ə ngyed bubwod ni, əbun ə̀ ə́ nyyo Kristi ndyo. Nwad ənnyo, kə kyaŋ ya nɨ cyyo nənyyug ngu gwô shwod, mmo nə ngya nam dag, kəlag mma ncyyo nənyyug ngu ə shwod.