Yog ǝkyag nyo ndyyad bǝ lɨlyem ǝnied, bǝ ǝshin +ǝtǝm ntswa Əgwaza. Əwod kənaŋ nsɨ mbyyo cad dag, ndi naŋ ŋwoy gugwoŋ shin tswod bɨn bɨ hyab ǝgwa bə kpod ni. Bǝ kǝ naŋ mbyyo zǝnaŋ lyyad nkyaŋ utswon ji, nsɨ mo fwuy kǝkǝb nkyaŋ cucug ǝnio shyyo bɨ niad bɨ kǝkəb lyen ku ni. Bǝ kǝ mma mbyyo ŋwwag tsswo kwo na cyyo ngyəw kam fɨfan ǝ ghad ǝ sworog. Əwod kə də mbyyo cad dag, mbyyo kpaŋtɨn dag. Bǝ kǝ mma ŋwwag kunag na kǝkǝb nkyaŋ ənio mbyyo ni, msɨ mo ŋwwag lwam nku ǝfi bə ndoŋ. Əwod kǝ nshyyo bɨ cad dag, mbyyo kpaŋtɨn bǝ nna dag. Cad ku byyo yab tsswo bǝ ǝtan nyyo. Cad ku byyo fəg kug kwo gwwud əguŋ dag. Cad ku byo nyyo əŋwaŋ dag. Dǝ ku byyo gbəb ǝpyo dag, dǝ ku nyyo ntəm cad əpyo ku dag. Də ku mway ndyen uffyen dag. Dǝ kû lyurug ǝbun əyin ə say dag. Ku gway bǝ katug nnyyo əyin dag. Dǝ kunuŋ ǝkyo, ku ni ngway tuza nkyaŋ cucug nio. Cad ku nɨ yab tsswo bu ŋwwag cucug bumi kǝkǝb nkyaŋ na. Ku ŋwwad gbugbag tuza kozaŋ nkyaŋ. Ku sɨ byyaŋ gbaŋ əlyo tuza kǝkǝb nkyaŋ. Cad ku tyay dag. Kənaŋ ǝ byyo zənaŋ kɨ lyyad nkyaŋ utswon ji, bana sswag. Kənaŋ ǝ byyo zənaŋ əlyyad lɨlyem, ku na təyurug. Kənaŋ ba byyo zənaŋ lyen kwo bəd, ku bwo na sswag. Bə swanta əkwǐ ni, zɨ lyen bə afam kyo tuza nkyaŋ ənio myim zɨ lyen ni. Zɨ sɨ bu lyyad bə̀ afam kyo tuza nkyaŋ utswon ji. Əwod jen ǝzo ǝtyə cucug u ǝ mbay ni, kyaŋ ǝkwo yed zwozwob ni dag, təba sswag. Naŋ ngyed a ŋgwon ni, nku ndyyad əlyyad zǝwon, nku dam tǝŋkay dɨdam zəwon, bɨ ŋwwag tǝtwad nji shin nfɨŋ. Naŋ m may ǝyin ni, nsɨ gwon ǝkwa zəwon ka. Nwad nɨnɨ n cyyaŋ tuza-tuza naŋ ǝlǝbi ni, naŋ cyyan ǝyi bǝ ǝyi ni. Nini bə̀ afam kyo naŋ ndyen, nwad, jen ji na bay kwo na cyyo ndyen nkyaŋ na zwozwob naŋ ku mmyim ndyen ni. Bǝ nini nkyaŋ ntad ǝnay nio swan cecerag: Nwad ŋwwag tsswo, byoŋ tsswo mbyyaŋ cad. Gbəŋdaŋ u bumi nkyaŋ ntad ənay ni, ngwo yed cad.