Gbəndaŋ Zunzwo 12
3
Tuza +zənaŋ Zɨzarag Ntswa ji, +nənyyug, ncad nyî nyyo swad bɨ ŋway lyen dag.
Nyi lyen naŋ jen əzo naŋ nyi ku ngyed ənied əkag ba ni, ə́sɨ lyyen nyin bə +agwaza dunio ə na də ba lyyad ni, də ndwwag na zanzan nio də nu byyo pɨpyo ni dag.
Nwad ənnyo, ncad nyî lyen naŋ ə mbyyo ətyə əwo lyyad bumi Tswa Əgwaza ji, ə hyyo "Yesu, ə shyi gu." Də bâ byyo ətyə əwo əna hyyo; "Yesu Ətyə Uli ə" sənaŋ ku nyyo bə Zɨzərag Ntswa əwo.
Nini ə byyo zənaŋ bə dɨdɨd, əwod tswa jyuŋ zo;
Ə byyo təŋkay +ulwo ntəm na zanzan, əwod Ətyə Uli ənyyuŋ ə.
Ə́ byyo təŋkay ntəm na zanzan, əwod Əgwaza u bə ənyyuŋ ə, wo ŋwwad kwozaŋ əyin zənaŋ gu ji dɨ gag əkwo gwo na nnyyo ntəm na ni.
Nini kwonyan ə ə ŋwwag gu tyog twərag Tswa ji kpəkpay dənian shyyo kpaŋtɨn kwonyan.
Əyyaŋ ənied Tswa ji ŋwwag gu zənaŋ byyo tsutswad, əyyaŋ bwo byyo swaŋ lyen nkyaŋ mbwag Tswa jyuŋ zo.
Əyyaŋ bwo ə ŋwwag gu zənaŋ ŋwwag tsswo mbwag Tswa jyuŋ zo. Əyyaŋ əsɨ mun ə ŋwwag gu zənaŋ corog ənied, kəkəb bɨ Tswa jyuŋ zo.
Əyyaŋ ənied zənaŋ nyyo nkyaŋ twərag byyo ced, əyyaŋ bwo zənaŋ cyyaŋ nkyaŋ uswon ji, əyyaŋ bwo əsɨ ŋwwag gu zənaŋ khab ntswa, əyyaŋ əsɨ ma shyyo zənaŋ lyyad lɨlyem ənied ni, əyyaŋ əsɨ shyyo zənaŋ twərag bwwaŋ lɨlyem ku.
Kəkəb nkyaŋ ənay nyyo ntəm ənio bɨ Tswa jyuŋ zo. Ngwo ŋwwad konyan zənaŋ ji naŋ gwo ncad ni.
Bənaŋ lwam ku ngyed kyaŋ nyyuŋ kwo ni, kusɨ byyo nkab na dɨdɨd, səlləy nkab ənay ni yed lwam nyyuŋ kwo, ənnyǒ Kristi ə ndi.
Nwad, Tswa jyuŋ zo əsɨ nnyyo konyan botisma ji bumi lwam nyyuŋ, kwo Yahudawa bə ənied əkag byo, əhwo bə əsɨ ba swan səd ni, kəkəb zɨd əku cyyo zɨd sswo bumi Tswa jyuŋ zo.
Nwad lwam ku, yed bɨ kab nyyuŋ kwo dag, nkab nio bədɨdɨd.
Kənaŋ tág ku hyyo, naŋ nuŋ ngyed bwag ni dag, ngyed kyaŋ bɨ lwam ku dag," Sɨkwɨ̂ ni twərag ŋway yed kab kwo bɨ lwam ku dag.
Bə kə tsutsswo ku sɨ nyo, "Də naŋ ngyed əli ni dag, ngyed kab bɨ lwam ku dag," sɨkwǐ ni twərag ŋway yed kab bɨ lwam ku dag.
Kənaŋ səlləy lwam ku yed əli kyo, bə əna nyyo ni a ntswoŋ? Bə kə səllay lwam ku yed tsutsswo kwo, əna nyyo ni ə mbyyo kab nkwag swam ku?
Əwod Əgwaza u ə jyi nkab lwam na bɨ gag əkwo gwo ncad ni.
Kə bâ nyyo səllay nkab na yed kab nyyuŋ kwo, sə̌ əji ə lwam ku nshyyo?
Nwad ənnyo, ə byyo nkab na dɨdɨd bɨ̌ lwam nyuŋ kwo.
Ku nɨ nkwa dag əli ka u tag bwag ku; "Ǹ cad a dag." Bə ənnyǒ bwo əpyo ka ə tag tɨtag ba, "Nuŋ bwo ncad nyin dag"
Əwod, nkab əna zɨ wa cyyaŋ ba yed kyaŋ ni dag, ba byyo kpaŋtɨn.
Nkab lwam ənio yed nkyaŋ nsum bə ənied ba ni, na nio zɨ wa ŋwwad na shi dɨ hwi na ku. Bumi taŋkay nyyo əkwi ni ə, zɨ nŋwwad na shi ku bəd.
Əwod nkab əna zɨd dyeb ni, zɨ yog dam nyyo ba əgway wu dag, ə̀ wa ka ngway ba. Əgwaza u əwa ka ntsworob nkab lwam na, əsɨ ŋwwag gbəŋdaŋ shi bə nkab əna lad ni.
Əgwaza u ə nyyo ənî ə ndwoŋ kam swad swod bɨ swod bumi lwam ku. Nwad yog nkab lwam na nâ cog əyyaŋ bɨ cad ku.
Nwad, kənaŋ kab nyyuŋ sswo ubuŋ, səllay nkab na, nâ mun sswo ubuŋ ka dunduŋ. Kə kab nyyuŋ sɨ ma shyyo dɨdyeb, səllay nkab na nâ mun ə shyyo bə əgway wu dunduŋ.
Nini nyi yed lwam Kristi kwo, nwad kozaŋ kab mun shyyo dunduŋ bə nkab lwam ku.
Əgwaza u ku ŋwwad əyyaŋ bumi nnwam guna, +əkwog uswon bə yed əgwag ntəm Yesu byo, byo ntuŋ ni ənied lyyad əŋwwad Əgwaza, utad ka ənied cyyed ba əsɨba nyyo ceced nkyaŋ nɨtyog ni, bə əsɨ ba corog ənied nzwan ba, əsɨ ba byyaŋ ənied ba ni, bə əsɨ ba nyyo ntəm byoŋ ulwo tuza ənied, bə ənied əbyo lyyad +lɨlyem zanzan ni.
Kwo nyan ə yed əgwag ntəm əgwaza â? Kwo nyan ə yed ətyi lyyad əŋwwad Əgwaza kâ? Bə səllay ənied ba, ə yed ənio cyyed â? Kwo nyan ə nyyo ceced nkyaŋ nɨtyog ku â?
Səllay ba byyo byyo zənaŋ corog zwan ji â? Səllay ba byo əlyyad bə lɨlyem ku â? Bə kə kəkəb ba byyo zənaŋ ə bwan əlyyad əna ə lyyad bə lɨlyem ku ni â?
Nyi kwan bəd dɨ ŋwwag əpyo nyin dɨ cad +zənaŋ əna sswag bɨ shi kuni. Nna twərag nyin lwag əkwo nsswag bɨ yed ku ni.