¹ Eni rikhe kha utezhina No- Eni Mhe Yio, Eni Mha hi Ilo Mha Mhehe, eni mha gbhe he khu ubo mha uyiamhe-eni ri akhole awhu ugbo. ² Akhele nezhe ugbo une, makele miehe mha jozhali oni. Mha whehe wha ugbo kpere-kpere, eni zhi ichi iya, ena khili ha khazhe mha. ³ Emia ni mha miehe wha, ubo khe mha he yiane erikugbe. Erikugbe amaa eni iya khele khe omo, Jesus kirisiti. ⁴ Khele khe, mha che egue eno na wha ubo khe uthana mhu uma uzho. ⁵ Eno khe uyio mhu unu mhe gba unu whoni yio ena whe he wha: Oyiokhozhe khe okpa, ubi usho nio gbhe fee. ⁶ Ikhu mha khe whe khe mha yiane erikhugbe zho nio eni mha yiane erikhugbe zho nio eni mha cha ubi, mha kpere atha ashomha yio gbio. ⁷ Ama ikhu mha khele cha egua okpa inyi no la okpa, mha yiane erikhugbe zho na o, Aze awhi Jesu omo oni akho ma fun gbe azhia azhakpa shehe. ⁸ Ikhu mha whe mha yiane azhia gbhe, mha leleze egbe ma, atha asho ma o gbhe. ⁹ Amha ikhu mha kha whe egue ebe emha fizi, oyiemhi egua jaja no gbe a he egue ebe mhe shim ha uzho okhele khomha gbe e eriyiemi ashakpa ¹⁰ shehe.