¹ Ebia, mhe che egue no na wha ubo khe wha khe zia ama ikhe onyo ozia, mha yiane ozaalo zhi ichi iya, jesus ikirisite, on fuema. ² One naha volozi azhia mha, ikhe ema kpa khel khe ugbono uzhakpa. ³ Mhane khe me zhi a nezhoni ikhuy me khili ri ugu no whe. ⁴ Onyo no whe “mho nezhe oyiokhozhe” ama ori ugu uno whe gbhe owhe ere no ata ha asho o nio gbe. ⁵ Ama onyo khe onye no khi li ri gue uzho na ni eno mah nezhe khe mhe zho nio. ⁶ Onyo kho nye no khe whe khe onone ozhi egua ewhe oyiokhozhe oli heni inyi no ri heni. ⁷ Onyo mhe du ugu who ni, ikhe ogba otata mhe che na wha, amha ogba o whi kha ade eni uyie kha akole en uyio. ⁸ Khune mhe che oba ofafa na wha, oni ori atgha zhi i jesu khole khu whew he, ubo khe ubi uta whaha, okpa atha osa vo. ⁹ Onyo no whe khe onone no zhi egwa okpa ene obiama owhe va nni ozhi egwa ubi je anana. ¹⁰ Onyo no khee dugu owhe eva ni ozhi egwa okpa etuna eshen na ni gbhe. ¹¹ Ama onyo no khee biama owhe va ni ozhi egwa ubi okhel cha egwa ubi one zhe ichi no la ubo khe ubi urazho ni ilo a. ¹² Mhe che na wha , ebia, ubo khe aha azia wa shi wha uzho vo ube hi enene awho ni. ¹³ Mhe che na wha,iya, ubo khe wha nezhe onyo no zio kha utezhina. Mhe che na wha, evala, ubo khe whe nye uzhene zo onyo obe one vo. Mhe che nawha vo, ebia, ubo khe wha nezhe iya. ¹⁴ Mhe che na wha vo, iya, ubo khe wha nezhe onyo no zhio kha utezina. Mhe che nawha vo, evala,ubo khe wha kpukpa, akhole awho oyiokhozhe ekhi li zi whao, whe khili nye uzhene zho onyo obe o vo. ¹⁵ Ukhe du ugu no khele khe isua ene she ugbo no. Ikhe onyo odugu ugbo no uguda mhu uwhi iya ushonio gbhe. ¹⁶ Ubo khe khemi khemi ene she ugbono- afia ewhe egbe, afia ewhe ilo, khele khe azaegbe zho okhu-ikhe ewhi ichi iya ama ewhi ugbo no no. ¹⁷ Ubo uno khele khe imahi mho ni etawhaha. Ama onyo khonyo no khii ri uno oyiokhozhe oda, o a sho o kpere kpere. ¹⁸ Ebia, eshe uvuleyi khe eno. In wha zila yio khe ono whazhi zi ijejou izii vo. Eno maha khe eshe uvuleyi khe eno. ¹⁹ Ifi eha ma zhi, iri ema gbhe. Ikho ri khe iri ema yio no ezhe le she eha ma. Ama ifi eha ma zi, eni ha khazhe khe iri ema gbhe. ²⁰ Ama wha yiame ekpukpa eni gbi ichi onyo no fuewa zhi whawha ezhakpa wha ne. ²¹ Mhe che na wha gbhe ubo khe wha neve atha, ama ubo khe wha nezhe, khele khe ubo khe ere mhe eshe ata gbhe. ²² Oyio kho onyo ere, ama onyo no chezhe khi Jesu khi ikiristi? Onyo ne khonyo no whazhi zi ijeuo, ubo khe ochezhe iya khele khe omo. ²³ Onyo mie onyo no chozhe omo ono yiane Iya. Onyo kho onyo no khe whe khi Jesu kho omo Oyiane Iya. ²⁴ Nu whẹ, ruẹ emia nu yio khau utezhina ẹshẹuo, khu whẹwhẹ ushẹ ẹgbẹ omo khlẹ khẹ ẹgbẹ Iya. ²⁵ Eno khẹ emia no whẹ khẹ onono ha nama-ugbo kpere kpere. ²⁶ Mhẹ chẹ ẹno zhẹ ẹkẹ ubo hi ibo ẹnẹ da khẹ eramazhẹ wha ah. ²⁷ Nu whe whe ekupukpa eni gbe ubo oni nye izhi who ikhu la khila le da onye na khazhe u. Ama inyi ekpukpa moni ila khazhe whu egue zhakpa atha no ikhe ere inyi ni ozhi la khazhe u, shonio li whaha. ²⁸ Anana ebi wha she egbe who ni ubo khe eshe no khi zhi mha he yiane ahun ori khi uka ukhi nw ma eshe no khi zhi. ²⁹ Ikhu khe ne khe ofuema une ke onyo khonyo no khi iri ugunu ucha one no bia ni.